Isniin, June, 18, 2018 (HOL)- Dibadbax looga soo horjeedo Somaliland ayaa maanta ka
dhacay magaalada Garowe ee xarunta Puntlnad, iyadoo dadweyne isugu soo baxay
waddooyinka magaalada ay ku qeylinayeen halku dhigyo ka dhan ah Maamulka
Somaliland.
Dibadbaxa ayaa waxaa soo qaban qaabiyay Maamulka
Gobolka Nugaal iyo kan degmada Garowe, waxaana gawaari ku rakibnaa cod
baahiyeyaal goor sii horeysay oo saaka ah dadweynaha loogu yeeray inay isu soo
baxaan.
Dadka isku soo baxa dhiggayay ayaa isugu jiray qeybaha
kala duwan ee bulshada, waxaa ay ku eedeeyeen Somaliland inay dhibaato ku heyso
shacabka ku nool magaalada Laascaanood.
Somaliland iyo Puntland ayaa waxaa u dhaxeeya
xiisado dagaal oo ka dhashay muranka lahaanshaha Gobolka Sool oo labada dhinac
ay kala sheegayaan inay maamulkiisa hoos tagto.
Bishii aynu soo dhaafnay ayeey ayeey aheyd markii dagaallo
qaraar ay ka dhaceen deegaanka Tukaraq ee Gobolka Sool, waxaana weli
deegaankaas ka taagan xiisad dagaal, maadaama labada ciidan ay is
hor-fadhiyaan.
C/raxmaan Diini, Hiiraan
Online
[email protected]