3/28/2024
Today from Hiiraan Online:  _
Wararka Maanta- Sabti, Jun 16, 2018
Madaxweynaha Soomaaliya iyo ra’iisal wasaaraha Itoobiya oo shir jaraa’id wada jir u qabtay

 

Sabti, June, 16, 2018 (HOL) – Ra’iisal wasaaraha Itoobiya Abiy Ahmed oo maanta booqasho ku yimid magaalada Muqdisho ayaa kulan uu la qaatay madaxweynaha Soomaaliya kaddib labada mas’uul waxaa ay shir jaraa’id wada jir ugu qabteen xarunta madaxtooyada Soomaaliya.

Madaxweynaha Soomaaliya Maxamed Cabdullaahi Farmaajo ayaa sheegay in uu ku faraxsan yahay in maanta booqasho  uu ku yimaado Magaalada Muqdisho Ra’iisul Wasaaraha Itoobiya.

Waxaa uu sidoo kale sheegay in booqashadda Abiy Ahmed ay tahay mid taariikhi ah oo xoojin doonta xirirka ka dhaxeeya Soomaaliya iyo Itoobiya.

Ra’iisul Wasaaraha Itoobiya ayaa ka mahadceliyay soo dhaweynta loogu sameeyay magaalada Muqdisho, waxaana uu sheegay in labadal uu ka dhaxeeyo xiriir soo jireen ah.

Waxaa uu sidoo kale sheegay in booqashadiisa ay salku ku heyso sidii loo xoojin lahaa xiriirka labadal.

Sidoo kale waxaa uu xusay in labadal dal ay iskashaadan doonaan la dagaalanka argagixisadda islamarkaana Itoobiya dowladda Soomaaliya ay ka caawin doonto la dagaalanka Shabaab.

Labada hogaamiye ayaa sidoo kale kala saxiixday heshiis ku aadan dhanka waxbarashadda, Caafimaadka, Ammaanka iyo Kabaayaasha dhaqaallaha.

C/raxmaan Diini, Hiiraan Online
[email protected]













Click here
6/16/2018 2:02 PM EST
Sabti, June, 16, 2018 (HOL) – Marka laga soo tago saameynta siyaasadeed iyo militari ee dowladda Itoobiya ay ku leedahay Soomaaliya haddana dhinaca kale tan iyo wixii ka danbeeyay heshiiskii DP World ee Dekedda Berbera waxaa jiray madmadow siyaasadeed oo soo kala dhaxgalay labada dowladdood Soomaaliya iyo Itoobiya.

6/16/2018 8:50 AM EST
Sabti, June, 16, 2018 (HOL) – Booqasho aan la sii shaacin ayuu subaxnimadii hore ee saakay ku yimid magaalada Muqdisho ra’iisal wasaaraha dalka Itoobiya Abiy Ahmed,,waxaana si diiran ugu soo dhaweeyay garoonka diyaaradaha Aadan Cadde madaxweynaha Soomaaliya Maxamed Cabdullaahi Farmaajo.

6/16/2018 4:12 AM EST
Sabti, June, 16, 2018 (HOL)–Ammaanka magaalada Muqdisho ayaa siweyn loo adkeeyay si duwan maalmihii la soo dhaafay, iyadoo maalintii labaad ay tahay Ciidul Fidriga.

6/16/2018 3:00 AM EST
Sabti, June, 16, 2018 (HOL) – Waxaa goor dhaw garoonka diyaaradaha magaalada Muqdisho soo caga dhigatay diyaarada siday wafdi ballaaran oo uu hoggaaminayo ra’iisal wasaaraha dalka Itoobiya Itoobiya Abiy Axmed,oo markii ugu horeysay soo gaaray Soomaaliya tan iyo intii la doortay.

6/16/2018 2:19 AM EST
Sabti, June, 16, 2018 (HOL)–Saacadaha soo socda ayaa lagu wadaa in magaalada Muqdisho uu soo gaaro wafdi ballaaran oo ka socda dalka Itoobiya oo uu horkacayo ra’iisal wasaaraha dalka Itoobiya Abiy Ahmed.

6/16/2018 2:08 AM EST
Sabti, June, 16, 2018 (HOL)–Guud ahaan dunida Muslimka ayaa maalintii labaad si weyn ugu dabaal-degaya munaasabada Ciidul-Fidriga , oo maalintii shalay siweyn loogu dabaal-degay maalintii Koowaad.