10/17/2018
Today from Hiiraan Online:  _
Wararka Maanta- Khamiis, Jun 14, 2018
Rabshado xoog leh oo ka socda Magaalada Laascaanood iyo wax-yeelo soogaadhey dad rayid ah


 

Khamiis, June, 14, 2018 (HOL) – Rabshado mar kele sababay in albaabada loo laabo guud ahaan ganacsigii magaalada ayaa ka bilaabmay badhtamaha magaalada Laascaanood xarunta Gobolka Sool.

Rabshadahan ayaa ka billaabmay khilaaf dhex maray qaar ka mid ah ciidanka milateriga iyo nin qaadle ah, kaas oo markii danbe Gaadhey gacan ka hadal.

"Waxaan arkay askariga iyo wiilka qaadka iibinayey oo gacanta iskula tegey, waxaana kala qabqabanayey dhawr gabdhood, waxaa ay indhahaygu qabteen nin kale oo askari ah oo ninkii dhinac kale kaga bilaabay, walow aan ka durugsanaa waan soo kacay, waxaase ku soo kediyey wiil ku dhowaa oo isna ninkii la dagaalamay, wax-yar kaddib waxaa soo dhowaadey gaadhigii ay la socdeen oo ciidan saaran yahay, dhagax ayaa afarta gees lagaga bilaabay iyaguna rasaas xoogle ayay dadkii ku fureen" sidaa waxa yidhi Cali Xiis oo ka mid ahaa dhalintii halkaas ka dhoweyd.

Goobaha caafimaadka waxaa la geeyey sadex dumar ah oo dhaawacoodu daran yahay welise lala tacaalayo, waxaase dhici karta in khasaaruhu intaas ka badnaado, waayo weli ma jirto cid awood u helaysa inay suuqyada soo wada marto in xogta laga raadiyo isbitaalada maahaane.

Inta badan wadooyinka dhagxaan iyo qashin gubanaya baa yaala dad kacsana waa wareegayaan, ciidamo xooglihina hadba meel ayay rasaas ka ridayaan si ay dadka u kala dareeriyaan.

Maamulka Gobolka iyo degmo midkoodna weli kama hadal waxa ka dhacay magaalada Laascaanood oo maanta u muuqata mid dib ugu laabatay sanadihii 2007,2008 iyo 2009kii oo rabshadaha noocan ah ay si fudud ku kici jireen.

Magaaladu haatan waa Bandow aan cidi ku soo rogin, iyadoo lagu jiro maalintii u danbeysey u diyaargarowga maalinta ciidul Fidriga sida dadbadani saadaalinayaan, waxaana la filayaa in ay sii socdaan rabshaduhu dadbadana ciid seegaan.

Seynab Cabdi Warsame

[email protected]

Laascaanood G. Sool







Click here
6/14/2018 2:50 PM EST
Khamiis, June, 14, 2018 (HOL)–Madaxweynaha Soomaaliya Maxamed Cabdullaahi Farmaajo, ayaa Ummadda Soomaaliyeed meel kasta oo ay joogaan u diray Hambalyada Ciidul-Fitriga, isaggoo Sanadkaan kiisa xigga u rajeeyey in ay ku gaaraan caafimaad iyo nabad buuxda.

6/14/2018 1:20 PM EST
Khamiis, June, 14, 2018 (HOL)–Iyadoo siweyn isha loogu wada hayo guud ahaan dunida Muslimka gaar ahaan dalka Soomaaliya, ayaa dhinaca kale dalalka Muslimka qaarkood waxaa ay ku dhawaaqeen in maalinta Berri ah tahay maalinta 1aad ee Ciidul-Fidriga.

6/14/2018 11:57 AM EST
Khamiis, June, 14, 2018 (HOL)– Taliyaha Ciidanka xoogga dalka Soomaaliyeed S/gaas C/wali Jaamac Gorod, ayaa tacsi tiiraanyo leh u diray Qoyskii, Eheladii, Asxaabtii iyo Ummadda Soomaaliyeed ee uu ka geeriyooday Allah u naxariistee Abaanduulihii hore ee Ciidanka Xoogga dalka Gen. Cali Baashi Maxamed Cumar oo ku geeriyooday Dalka Ingiriiska.

6/14/2018 11:12 AM EST
Khamiis, June, 14, 2018 (HOL)– Xafiiska xeer illaalinta Ciidamada Qalabka Sida ayaa ku soo eedeeyay 15-shaqsi oo ka mid ah ciidamada Xoogga dalka Soomaaliyeed gaar ahaan kuwa ka mid ah ciidamadii horey u taba-bareen Imaaraadka in ay abaabuleen dhac loo gaysto keydka dugsiga oo ay ku jireen agabka ciidamada.

6/14/2018 8:05 AM EST
Khamiis, June, 14, 2018 (HOL) – Waxaa maanta dalka Ruusha si rasmi ah uga furmaya tartanka Kubadda Cagta Aduunka iyadoo lugta ugu horeysay ee tartankan ay isku arki doonaan kooxaha kubadda Cagta dalalka Russia iyo Saudi Arabia.

6/14/2018 5:44 AM EST
Khamiis, June, 14, 2018 (HOL)–Wasaaradda Arrimaha dibadda Britain ayaa soo saaray digniin ku socta muwaadiniintooda in ay u safraan Soomaaliya iyo deegaanada Somaliland, iyadoo loogu baaqay muwaadiniinta ku sugan inay isaga tagaan.

6/14/2018 3:39 AM EST
Waxaa shalay galab lagu daahfuray magaaladda Minneapolis buugg loogu magac daray Lion’s Binding Oath oo uu qoray qoraaga Axmed Ismaaciil Yuusuf.

6/14/2018 3:30 AM EST
Khamiis, June, 14, 2018 (HOL)–Xoghayaha arrimaha dibadda ee Mareykanka, Mike Pompeo ayaa sheegay in cunaqabateynta saaran Kuuriyada Waqooyi aan lagaqaadi doonin ilaa iyo inta ay ka burburinayso hubka Nukliyeerka ah.

6/14/2018 2:44 AM EST
Khamiis, June, 14, 2018 (HOL)–Rag bastoolado ku hubeysnaa ayaa toogasho ku dilay xalay mid ka mid ah ergadii soo dooratay xildhibaannada Baarlamaanka Soomaaliya degmada Dherkeenley ee gobolka Banaadir.

6/14/2018 2:34 AM EST
Khamiis, June, 14, 2018 (HOL)–Saddex Carruur walaalo ah ayaa ku geeriyooday dab xalay ka kacay xero barakacayaal oo ku taal degmada Wadajir, meel aan ka fogeyn Garoonka diyaaradaha Muqdisho.

6/14/2018 1:49 AM EST
Khamiis, June, 14, 2018 (HOL)–Ciidamada dowladda Soomaaliya ee ku sugan magaalada Beledweyne ayaa xalay toogasho ku dilay nin ka tirsanaa Al shabaab oo weerar ku qaaday askar ka tirsan ciidamada.