6/17/2018
Today from Hiiraan Online:  _
Wararka Maanta- Arbaco, Jun 13, 2018
Faransiiska iyo Talyaaniga oo isku khilaafsan aragtida soo dhaweynta Muhaajiriinta


 

Arbaco, June, 13, 2018 (HOL)-Dowladaha Talyaaniga iyo Faransiiska ayaa billaabay eedeymo ay warbaahinta isu marinayaan kadib markii dhawaan Talyaanigu uu diiday in Dalkiisa uu ku soo xirto Markab siday dad muhaajiriin ah.

Giuseppe Conte oo ah Raiisul wasaariha dalka Taliyaaniga ayaa si kulul uga jawaabay eedeeyn uga timid madaxwaynaha Faransiiska Emmanuel Macron,taasi oo ku aadan diidmada Talyaaniga ee soo galootiga.

Madaxweyne Macaron ayaa dhaleeceeyay Taliyaaniga ka dib markii ay diideen in dalkoda uu ku soo xirto Markab siday muhaajiriin laga soo badbaadiyay badda Mediterranean-ka.

Af-hayeen u hadlay madaxwayne Macron ayaa sheegay in go’aanka Taliyaaniga uu yahay mid xushmad darro ah islamarkana qayrul masuulnimo ah.

Balse raiisul wasaaraha dalkaasi Talyaaniga Mr Conte ayaa sheegay in Taliyaaniga uusan aqbali Karin casharo munaafuqnimo oo ka yimid dalal mar waliba door bidi jiray in ay dhabarka u jeediyaan soogalootiga.

Markabkabkani lagu magacaabo Aquarius, ayaa wali ay arrintiisu taagan tahay iyada oo ay jirto in dowladda Spain ay ogolaatay in uu ku soo xirto dekadda magaalada Valencia.

Shaqaalaha markabkani ayaa waxa ay sheegeen in markabkani uusan gali Karin saddex maalmood oo safar ah iyada oo ay dad badan saaran yihiin.

Dowladda Spain ayaa aqbashey in dalkeeda uu ku soo xirto markabkaasi,kumanaan tahriibayaal ah ayaa ku sii qulqulaya Qaaradda Yurub,kuwaasi oo intoodi badan ku dhamaanaya badda Meditraniamka oo isku xirta Afrika iyo Yurub

C/raxmaan Diini, Hiiraan Online
[email protected]







Click here
6/13/2018 1:06 PM EST
Arbaco, June, 13, 2018 (HOL)–Jaaliyada Soomaaliyeed ee Norway ayaa ugu deeqday lacag dhan $ 66, 813, 00 dollar qoysaskii ay saameynta weyn ku yeelatay fatahaadii uu dhawaan sameeyay Wabiga Shabeelle ee magaalada Beledweyne.

6/13/2018 12:02 PM EST
Arbaco, June, 13, 2018 (HOL) – Madaxweynaha dowlad-gobolleedka Galmudug, Axmed Ducaale Geelle (Xaaf) oo u waheliyo madaxa golaha wasiirrada dowlad-gobolleedka , Sheekh Axmed Shaakir ayaa maanta si wadajir ah uga dhagax-dhigay magaalada xarunta ah ee Dhuusamareeb, saddex mashruuc oo muhiim u ah dowlad-gobolleedka.

6/13/2018 11:01 AM EST
Arbaco, June, 13, 2018 (HOL)–Waxaa lagu wadaa in dalalka Mareykanka, Canada iyo Mexico ay si wadajir ah u marti gelinayaan Koobka Adduunka ee sanadka 2026 dhici doona, kaddib cod bixin ka dhacday dalka Ruushka oo berri ka furmaya Koobka Adduunka ee sanadkan.

6/13/2018 7:51 AM EST
Arbaco, June, 13, 2018 (HOL)–Wasaaradda Ganacsiga ee Xukuumadda Soomaaliya ayaa mamnuucay alaabaha carruurta ku ciyaaraan sida qoryaha, bastooladaha iyo baaruuda ee loo yaqaano Toys oo inta badan la isticmaalo maalmaha Ciida.

6/13/2018 7:19 AM EST
Arbaco, June, 13, 2018 (HOL)–Madaxweynaha Puntland, Cabdiweli Maxamed Cali (Gaas) ayaa wareegto uu soo saaray goor dhow xilkii uga qaaday agaasimayaasha hay’adda sirdoonka iyo nabadsugidda Puntland.

6/13/2018 6:31 AM EST
Arbaco, June, 13, 2018 (HOL) –Shirkadda Amaana oo Deeq lacageed oo dhan $ 36, 677, 92 dollar ka qeybisay degmooyinka Beledweyne, Buual-burte iyo Jalalaqsi oo ay saameyn adag ku yeesheen daadadkii ka soo rogmaday Wabiga Shabeelle ee dhawaan ku dhuftay gobolka Hiiraan.

6/13/2018 2:24 AM EST
Arbaco, June, 13, 2018 (HOL) - Dibedbaxayaasha ayaa maalintii labaad isugu soo baxay waqooyiga Itoobiya si ay u muujiyaan in ay ka soo horejeedaan warbixintii ay dowaladda toddobaadkii hore ku dhawaaqday oo ahayd in dowladdu ay Eritrea ku wareejineyso dhulka la isku haysto ee ku yaallo xuddudda Eritrea.

6/13/2018 2:15 AM EST
Arbaco, June, 13, 2018 (HOL) – Madaxweynaha Soomaaliya Mudane Maxamed Cabdullaahi Farmaajo oo xalay la kulmay dalladaha ay ku midaysanyihiin culumada Soomaaliyeed ayaa ugu baaqay culumada diinta in ay dardar geliyaan kaalintooda kaga aaddan dagaalka ka dhanka ah afkaaraha xagjirnimada ah.

6/13/2018 1:56 AM EST
Arbaco, June, 13, 2018 (HOL)–Faah faahin dheeraad ah ayaa ka soo baxaya weerar xalay xooggag ka tirsan Al-shabaab ku qaadeen fariisin ciidamada dowladda ku lahaayeen degmada Qansax-dheere ee gobolka Baay.

6/13/2018 1:43 AM EST
Arbaco, June, 13, 2018 (HOL) - Ra’iisul Wasaaraha Xukuumadda Soomaaliya Xasan Cali Khayre ayaa xalay kormeerkiisii caadiga ahaa wuxuu ku tagay qaar ka mid ah isgoysyada Muqdisho, xarunta dambi baarista ee CID-da, xarunta taliska ciidamada nabadgelyada wadooyinka iyo xarunta tababarka ciidanka booliska Soomaaliyeed.