8/18/2018
Today from Hiiraan Online:  _
Wararka Maanta- Talaado, Jun 12, 2018
Ciidamo dheerad ah oo ka howlgallaya maalmaha ciidda magaalada Garoowe,taliyaha booliska ayaa xaqiijiyay


 

Talaado, June, 12, 2018 (HOL) - Booliska Puntland ayaa howlgallo ka wada magaalada xarunta ah ee Garoowe, howlgallada waxaa lugu xaqiijinnaya amniga,iyadoo goobaha laga tukaamaysto la geeyay boolis suga amniga,sida u xaqiijiyay taliyaha qeybta booliska gobolka Nugaal.

"Maaddama lugu jiro tobanka dambe ee bisha Ramadaan, waxaan rabnaa dadka inay farxad ku dhammeystaan oo ay amni ku ciiddan.. waxaan howlgallinay ciidammadii oo dhan suuqyada iyo meelihii shaqadda ay ka socotey ayaan geynay,amnigana muhiimad ayuu noo leeyahay." ayuu yiri Faarax Cabdiraxmaan Warsame (Galangooli) taliyaha qeybta booliska gobolka Nugaal.

Illaa lix-dan dhallinyaro ah ayaa lugu soo qabtey howlgalladii la sameeyay maalmihii u dambeeyay,kuwaas dhac iyo falal amni xumo u xiran, waxaa ku socda baaritaan,sida u sheegay taliyaha qeybta,wuxuuna xaqiijiyay in maalmaha ciidda ciidammo dheerad ah ay ka howlgalli doonan magaalada Garoowe ee xarunta Puntland, si loo xaqiijiyo nabadgalyadda.

Taliyaha qeybta booliska, wuxuu caddeeyay in la xirey baraha kantaroollada ee laga soo galo Garoowe, isagoo sheegay in baaritaanno dheerad ah la marin doonno gaadiidka soo galaya iyo kuwa ka baxaya, arrintan waxay ka dambeysay markii ay soo baxeen warar sheegaya in gaadiid lugu diyaariyay waxyaabaha qarxa ay soo galeen magaalada Gaalkacyo ee xarunta gobolka Mudug." Way na soo gaartey xogta ah gaadiid la sheegay in lugu soo xiray waxyaabaha qarxa.. meelaha laga soo galo iyo baraha kantaroolladana waan xirnay - diyaar ayaan u nahay inan fashilino haddii ay soo galaan" ayuu yiri taliyaha qeybta booliska,Faarax Galangooli oo la hadlay idaacadda maxalliga ah ee Radio Garoowe.

Iman Jama







Click here
6/12/2018 3:56 PM EST
Talaado, June, 12, 2018 (HOL)-Afhayeenka madaxtooyada Puntland , Cabdullaahi Quraan-jecel oo wariyayaasha caawa kula hadlay Boosaaso, ayaa xaqiijiyay inuusan jirin wax heshiis ah iyo xata wadahal ah u socda Puntland iyo Soomaaliland, kaddib wareysi u bixiyay Wasiirka arrimaha dibadda Soomaaliland , Sacad Cali Shire oo sheegay inay socdaan dadaallo ay beesha caalamka ku dooneyso in lugu xalliyo xiisada labada dhinac ee gobolka Sool.

6/12/2018 1:25 PM EST
Talaado, June, 12, 2018 (HOL)-Madaxweynaha Puntland, Cabdiweli Maxamed Cali (Gaas) ayaa ugu deeqay agoonta Puntland lacag soddon kun oo doollar ah (30,000) , lacagta ayaa la sheegay madaxweynaha inuu ugu tala-galay ciid-siinta agoonta.

6/12/2018 11:24 AM EST
Talaado, June, 12, 2018 (HOL) -Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa maanta warqadaha danjiranimo ka guddoomay Safiirka dowladda Belgium ay u soo dirsatay Soomaaliya Mudane Nicolas Nihon.

6/12/2018 8:01 AM EST
Talaado, June, 12, 2018 (HOL) - Kulankan oo ka dhacay xarunta Wasaaradda Gaashaandhigga Soomaaliya ee Muqdisho ayaa dhex marey Wasiirka cusub ee Wasaaraddaasi Xassan Cali Maxamed “Amar Dambe” iyo BG Pietro Addis oo ah taliyaha xafiiska howlgalka Midowga Yurub ee Soomaaliya gaar ahaan qeybta tababarada.

6/12/2018 6:54 AM EST
Talaado, June, 12, 2018 (HOL) – Saraakiil uu horkacayo taliyaha howl-galinta ciidamada xoogga dalka Jen Maxamed Sheekh Madoowe ayaa booqasho ku tagay deegaanka Baar Sanguuni oo ciidamada xoogga dalka Soomaaliyeed dhawaan ay kala wareegeen Al-Shabaab.

6/12/2018 5:17 AM EST
Talaado, June, 12, 2018 (HOL) - Guddoomiyaha Bangiga Dhexe ee Soomaaliya,Bashiir Ciise Cali ayaa faahfaahin dheeraad ah ka bixiyey Shilin Soomaaliga cusub ee dowladda qorsheyneyso in ay soo daabacato.

6/12/2018 4:02 AM EST
Talaado, June, 12, 2018 (HOL)- Dowladda Spain ayaa aqbashay in markabkii siday muhaajiriin gaaraya 629 qof kadib markii Talyaniga iyo jasiiradda Malta ay diideen in markabka uu ku soo xirto dekadohooda, wakaaladda wararka ee Reuters ayaa sidaasi ku so warantay.

6/12/2018 2:51 AM EST
Talaado, June, 12, 2018 (HOL)-Wararka ka imanaya gobolka Shabeellaha Hoose ayaa sheegaya in ku dhawaad 10 ruux ku geeriyoodeen Doon ku qalibantay biyaha Wabiga Shabeelle, taa oo ku sii jeeday qeybo ka mid ah isla gobolka Sh/Hoose.

6/12/2018 2:33 AM EST
Talaado, June, 12, 2018 (HOL)- Wasiirka Amniga xukuumadda federaalka Soomaaliya Maxamed Abuuker Ducaale Isloow ayaa Heshiis dib loogu dhisayo ciidamada Booliska Soomaaliya heer federalka iyo heer dowlad Goboleed la saxiixday Peter De Clercq oo ah ku-xigeenka wakiilka Xoghayaha guud ee Qaramada Midoobey u Qaabilsan arrimaha Soomaaliya ahna Isku-duwaha howlaha gargaarka aadaminimo ee Soomaaliya.

6/12/2018 2:24 AM EST
Talaado, June, 12, 2018 (HOL)-Madaxweynaha dalka Maraykanka Donald Trump iyo Hogaamiyaha Waqooyiga Kuuriya Kim Jong-un ayaa ku kulmay goor dhow jasiirada Sentosa ee dalka Singapore.

6/12/2018 1:55 AM EST
Talaado, June, 12, 2018 (HOL)-Madaxweynaha Dowlad goboleedka Hirshabelle Maxamed Cabdi Waare ayaa xalay afur iyo casho ah ugu sameeyay guriga uu ka degen yahay magaalada Muqdisho qaar ka mid ah saraakiisha ciidamada qalabka sida kana soo jeeda dowlad goboleedka Hirshabelle.