8/18/2018
Today from Hiiraan Online:  _
Wararka Maanta- Axad, Jun 10, 2018
Dagaallo saakay dib uga biloowday deegaanka Baar-Zanguuni ee gobolka J/hoose





Axad, June, 10, 2018 (HOL)–Dagaalladan oo u dhexeeya ciidamada xoogga dalka iyo kuwa dowlad goboleedka Jubbaland oo isku dhinac ah iyo Al-shabaab ayaa saaka markale dib uga qarxay deegaanka Baar-Zanguuni oo qiyaastii 50 km dhanka waqooyi kaga beegan Kismaayo.

Maleeyshiyaadka Al-shabaab ayaa xalay weerar xooggan ku qaaday deegaanka Baar-Zanguuni oo dhawaan lagala wareegay, waxaana u suurogashay in deegaankaasi ay la wareegaan kadib markii ay ka baxeen ciidamadii ku sugnaa.

Sarkaal ka tirsan ciidanka xoogga dalka oo codsaday in aan magaciisa xigan sababo la xiriira in uusan ogolaansho u heeysan in uu warbaahinta la hadlo ayaa HOL u sheegay in ciidamadu ay saaka dib u weerareen deegaanka.

"Hadda aan kula hadlayo xabaddu way socotaa, ciidamo dheeraad ah ayaa nasoo gaaray, waxaana dagaalka uu ka socdaa deegaanka Baar-Zanguuni oo shabaab ay xalay dib u qabsadeen," Ayuu sarkaalku hadalkiisii raaciyay.

Deegaankan ayay 08-dii bishan Juun ciidamada xoogga dalka iyo kuwa Jubbaland iyo ciidamo Mareeykan ah kala wareegeen Al-shabaab, balse ciidamadii Mareeykanka ayaa isaga soo baxay aagaggii dagaalka, waxaana halkaasi ku haray ciidamada xoogga dalka iyo kuwa Jubbaland oo weerarro dhowr ah ay kusoo qaadeen Al-shabaab.

Dhinaca Kale, Madaxweynaha Jubbaland Mudane Axmed Max'ed Islaam ayaa saaka gaaray deegaanka Buul-gaduud, waxaan madaxweynuhu uu ciidamada ku dhiirigeliyay in howlgallada la dardar geliyo.

Wixii wararkaasi kusoo kordha dib ayaan idinka soo gudbin doonnaa.

Xasan Nuur, Hiiraan Online
[email protected]
Kismaayo-Soomaaliya.








Click here
6/10/2018 1:33 PM EST
Axad, June, 10, 2018 (HOL)–Dowladda Mareykanka ayaa shaacisay Sawirka iyo Magaca askarigii Mareykanka ahaa ee lagu dilay Jimcihii la soo dhaafay duleedka magaalada Kismaayo, gaar ahaan deegaanka Sanguuni ee gobolka Jubadda Hoose.

6/10/2018 1:16 PM EST
Axad, June, 10, 2018 (HOL)–Madaxweynaha Puntland,Cabdiweli Maxamed Cali (Gaas) ayaa maanta xarig-jaray waddada wasaaradaha ee magaalada Garoowe, oo lugu dhisay isku-tashi, waxaana dhaqaalaha ku baxay bixiyay Puntland, sida lugu xaqiijiyay war-saxaafadeed ay baahisay madaxtooyada Puntland.

6/10/2018 12:23 PM EST
Axad, June, 10, 2018 (HOL)–Xerada qaxootiga Kakuma ee dalka Kenya oo ay ku noolyihiin bollaal Soomaali ah ayaa lugu qabtay bandhiga caalamiga ah TEDx ,waxaana marti ku ahaa oo guulaha ay nolasha ka gaareen ku soo bandhigay dad horey usoo marey nolasha qaxootinimo.

6/10/2018 10:20 AM EST
Axad, June, 10, 2018 (HOL) –Waxaa dib loo furay qeybo badan oo xirnaa jidadka magaalada Muqdisho kuwaa oo maalmihii ugu danbeeyay dadka iyo gadiidka intaba loo diiday in ay isticmaalaan.

6/10/2018 9:14 AM EST
Axad, June, 10, 2018 (HOL)–Ciidamada xoogga dalka iyo kuwa Jubbaland ayay maanta u suurogashay in ay dib ula wareegaan gacan ku heynta deegaanka Baar-zanguuni oo ay xalay la wareegeen Al-shabaab kadib duulaan ay halkaasi kusoo qaadeen.

6/10/2018 5:51 AM EST
Axad, June, 10, 2018 (HOL) - Duqa Muqdisho Ahna Guddoomiyaha Gobolka Banaadir Mudane Cabdiraxmaan Cumar Cismaan (Eng. Yarisow) ayaa maanta amray in la burburiyo dhismaha Piazza Libera ee Ceelgaabta bacdamaa goobtaas ay tahay mid dan guud si loogu soo celiyo sideedii hore.

6/10/2018 5:46 AM EST
Axad, June, 10, 2018 (HOL)-Hoggaamiyaha Waqooyiga Kuuriya Kim Jong Un ayaa gaaray dalka Singapore, halkaasoo uu ka dhici doono kulanka taariikhiga ah ee isaga iyo Madaxweynaha Mareykanka Donald Trump.

6/10/2018 2:42 AM EST
Axad, June, 10, 2018 (HOL)–Ra’iisal wasaaraha xukuumadda Soomaaliya Xassan Cali Kheyre ayaa xalay kormeeray qeybo ka mid ah degmooyinka Muqdisho, waxaana kormeeray ra’iisal wasaaraha lagu sheegay in mid amniga la xiriira.

6/10/2018 2:20 AM EST
Axad, June, 10, 2018 (HOL) – Madaxweynaha Mareykanka Donald Trump ayaa sheegey in wakiiladiisa aysan saxiixan war martiyeedka dalalka G-7 ee shirka ku lahaa dalka Kanada Jimcihii iyo Sabtidi, kadib markii uu dhibsaday war uu soo saaray reysal wasaaraha Kanada, Justin Trudeau, xilli uu Trump shirka ka soo tagay.

6/10/2018 2:13 AM EST
Axad, June, 10, 2018 (HOL)–Warar kala duwan ayaa ka soo baxaya deegaanka Baar-Sanguuni ee gobolka Jubbada hoose oo maalintii shalay weerar Ismiidamin ah ka geysteen dagaalyahanno ka tirsan Al-shabaab.