8/19/2018
Today from Hiiraan Online:  _
Wararka Maanta- Axad, Jun 10, 2018
Warar is khilaafsan oo ka soo baxaya deegaanka Sanguuni ee gobolka Jubbada Hoose


 

Axad, June, 10, 2018 (HOL) – Warar kala duwan ayaa ka soo baxaya deegaanka Baar-Sanguuni ee gobolka Jubbada hoose oo maalintii shalay weerar Ismiidamin ah ka geysteen dagaalyahanno ka tirsan Al-shabaab.

Sidoo kale Jimihii ina dhaafay weerar Al-shabaab ay ka geysteen deegaanka ayaa lagu dilay Askari Mareykanka ah, iyadoo Afar kalana lagu dhaawacay weerarka.

Dadka deegaanka ayaa warbaahinta u sheegay in ciidamadii halkaa ku sugnaa dib uga soo gurteen saldhigyadii ay degenaayeen kaddib markii ay kordheen weerarrada ay halkaa ka geysanayaan Al-shabaab.

Ciidamada Soomaalida oo tiradooda ay gaareyso 480 askari ayaa iyaguna xalay baneeyay deegaankaasi, waxayna uga soo baxeen safar dhanka dhulka ah, saqdii dhexe ee xalayna waxay ku hoydeen meel u dhow deegaanka Yoontooy, oo 20-KM dhanka waqooyi kaga toosan Magaalada Kismaayo.

Hasse ahaatee warar kale ayaa sheegaya in ciidamada ka baxay Baar-Sanguuni ay ku sii siqayaan saldhigyo fariisimo kale oo ay Al-shabaab ku leeyihin deegaanka Jubbada Hoose sida lagu daabacay wakaalada Wararka Qaranka Soomaaliyeed.

Deegaanka Baar-Sanguuni ayaa maalmihii la soo dhaafay waaxaa ka dhacayay dagaalo iyo Shalay Gelinkii dambe oo ka dhacaay Qarax Ismiidaamin ah oo lagu weeraray saldhigga ciidamada kumaandooska Soomaaliya inkastoo aysan jirin khasaare ka dhashay.

C/raxmaan Diini, Hiiraan Online
[email protected]

 

 







Click here
6/10/2018 1:33 PM EST
Axad, June, 10, 2018 (HOL)–Dowladda Mareykanka ayaa shaacisay Sawirka iyo Magaca askarigii Mareykanka ahaa ee lagu dilay Jimcihii la soo dhaafay duleedka magaalada Kismaayo, gaar ahaan deegaanka Sanguuni ee gobolka Jubadda Hoose.

6/10/2018 1:16 PM EST
Axad, June, 10, 2018 (HOL)–Madaxweynaha Puntland,Cabdiweli Maxamed Cali (Gaas) ayaa maanta xarig-jaray waddada wasaaradaha ee magaalada Garoowe, oo lugu dhisay isku-tashi, waxaana dhaqaalaha ku baxay bixiyay Puntland, sida lugu xaqiijiyay war-saxaafadeed ay baahisay madaxtooyada Puntland.

6/10/2018 12:23 PM EST
Axad, June, 10, 2018 (HOL)–Xerada qaxootiga Kakuma ee dalka Kenya oo ay ku noolyihiin bollaal Soomaali ah ayaa lugu qabtay bandhiga caalamiga ah TEDx ,waxaana marti ku ahaa oo guulaha ay nolasha ka gaareen ku soo bandhigay dad horey usoo marey nolasha qaxootinimo.

6/10/2018 10:20 AM EST
Axad, June, 10, 2018 (HOL) –Waxaa dib loo furay qeybo badan oo xirnaa jidadka magaalada Muqdisho kuwaa oo maalmihii ugu danbeeyay dadka iyo gadiidka intaba loo diiday in ay isticmaalaan.

6/10/2018 9:14 AM EST
Axad, June, 10, 2018 (HOL)–Ciidamada xoogga dalka iyo kuwa Jubbaland ayay maanta u suurogashay in ay dib ula wareegaan gacan ku heynta deegaanka Baar-zanguuni oo ay xalay la wareegeen Al-shabaab kadib duulaan ay halkaasi kusoo qaadeen.

6/10/2018 5:51 AM EST
Axad, June, 10, 2018 (HOL) - Duqa Muqdisho Ahna Guddoomiyaha Gobolka Banaadir Mudane Cabdiraxmaan Cumar Cismaan (Eng. Yarisow) ayaa maanta amray in la burburiyo dhismaha Piazza Libera ee Ceelgaabta bacdamaa goobtaas ay tahay mid dan guud si loogu soo celiyo sideedii hore.

6/10/2018 5:46 AM EST
Axad, June, 10, 2018 (HOL)-Hoggaamiyaha Waqooyiga Kuuriya Kim Jong Un ayaa gaaray dalka Singapore, halkaasoo uu ka dhici doono kulanka taariikhiga ah ee isaga iyo Madaxweynaha Mareykanka Donald Trump.

6/10/2018 4:43 AM EST
Axad, June, 10, 2018 (HOL)–Dagaalladan oo u dhexeeya ciidamada xoogga dalka iyo kuwa dowlad goboleedka Jubbaland oo isku dhinac ah iyo Al-shabaab ayaa saaka markale dib uga qarxay deegaanka Baar-Zanguuni oo qiyaastii 50 km dhanka waqooyi kaga beegan Kismaayo.

6/10/2018 2:42 AM EST
Axad, June, 10, 2018 (HOL)–Ra’iisal wasaaraha xukuumadda Soomaaliya Xassan Cali Kheyre ayaa xalay kormeeray qeybo ka mid ah degmooyinka Muqdisho, waxaana kormeeray ra’iisal wasaaraha lagu sheegay in mid amniga la xiriira.

6/10/2018 2:20 AM EST
Axad, June, 10, 2018 (HOL) – Madaxweynaha Mareykanka Donald Trump ayaa sheegey in wakiiladiisa aysan saxiixan war martiyeedka dalalka G-7 ee shirka ku lahaa dalka Kanada Jimcihii iyo Sabtidi, kadib markii uu dhibsaday war uu soo saaray reysal wasaaraha Kanada, Justin Trudeau, xilli uu Trump shirka ka soo tagay.