11/19/2018
Today from Hiiraan Online:  _
Wararka Maanta- Axad, July 8 , 2018
Ciyaarahii Todobaadka Soomaalida ee Minnesota oo shalay ku soo gabagaboobay Jaamacada St Thomas ee Mag. St Paul.




Axad, July, 08, 2018 (HOL)-Ciyaarahii Todabaadka Soomaalida ee Minnesota ka socday ayaa shalay lagu soo gabgabeeyay magaalada St Paul, iyadoo ciyaarahaan  ay ka qaybgaleen 24 kooxood oo ka kala yimi gobaladda dalkaan Maraykanka iyo Canada.

Ciyaartii shalay waxaa kama danbaystii isagu soo haray TC Stars Minnesota & Kooxda Fargo United oo ka timi gobolka North Dakota ciyaartaan oo aheed mid ay labadda Kooxood soo bandhigeen ciyaar aad u saraysa ayaa xiligii loogu talagalay ku dhamaatay gool iyo gool waxaana loo dhigay Rogoorayaal ama goolku laad waxayna ku kala baxeen 5 TC Stars iyo  4 Fargo United

Kooxda kubadda Cagta TC Stars ayaa ka mid kooxaha ugu faca wayn ee ka jira W/America waxayna hore ugu soo guulaysteen Koobab fara badan, wallow Tabaraha Kooxdan TC Carab uu sanadkaan la soo shir tagay ciyaartooy cusub marka laga reebo 3 hore uga tirsanaa Kooxdaan, TC ayaa wax badan ka badashay qaab ciyaareedkii lagu yaqiin

Abaalmarino kala duwan ayaa shalay la gudoonsiiyo ciyaartooydii tartankaan ka qaybgashay waxaa MVP ku guulaystay Guleed Kabtanka Kooxda Fargo united ,Gool dhalinta Maxamed Qabri bayax oo u ciyaaraha Cedar Stars, Goolhayaha ugu wanaagsana waxaa qaatay Jama TC ka tirsanaa,  Muller TC ayaa hantay difaacii ugu adkaa halka Tababare Carab uu noqday macalinkii sanadkaan ugu fiicnaa.

Maamulka ciyaaraha todobaadka Soomaalida oo mudadii ay ciyaaruhu socdeen ku dadaalay in ciyaaruhu u qabsoomaan habsami leh ay dhankooda ay guul u aheyd in koobku soo afj armo iyadoo aan wax mushkilado ahi dhicin ayaa shalay dhankooda shalay farxad aad u wayn laga dareemaayey.

Koobkan oo sanad kasta xilligan oo kale la qabto, ayaa Guddoomiyaha guddiga qaban qaabada Ciyaaraha Tababare Axmed Ismaaciil waxa uu sheegay in sanadka danbe ay sare u qaadi doonaan tayada ciyaaraha iyo barnaamijyada ay dhalinyarada u sameeyaan.

Gabagabadii Ciyaaraha ayaa shalay la gudoonsiiyey abaalmarino kala duwan dadkii gacanta ka gaystay qabashada koobkaan taas oo websidka Hiiraan Online na uu qayb ka ahaa Hay’adahii la abaalmariyey isagoo bartiisa facebooga si joogta ah ugu dabinaayey halka ay marayaan ciyaaraha mar walba.

Siyad Said Salah

Hiiraan Online

[email protected]

Minneapolis,Minnesota







Click here
7/8/2018 1:48 PM EST
Axad, July, 08, 2018 (HOL)-Afhayeenka Wasaaradda Amniga ayaa weerar afka ah ku qaaday mas’uuliyiinta dowladda iyo hay’addaha kala duwan ee Amniga, kaddib qaraxii maalintii shalay ka dhacay xarunta Otto Otto oo xarun ah Wasaaraddaha arrimaha Gudaha iyo Amniga.

7/8/2018 10:18 AM EST
Axad, July, 08, 2018 (HOL)-Hogaamiyaasha dowladdaha Itoobiya iyo Eritrea ayaa maanta kulan taariikhi ah ku yeeshay magaalada Asmara ee caasimadda Eritrea, si ay u soo gaba gabeeyaan mid ka mid ah colaadihii ugu qaraaraa ee soo mara Africa.

7/8/2018 8:37 AM EST
Axad, July, 08, 2018 (HOL) - Hooyooyin ay ka xidhan yihiin dhalinyaro ay dhaleen ayaa maanta cabasho la hor tagay dhismaha madaxtooyada Somaliland horteeda, waxaanay madaxweynaha ka codsadeen inay dhalinyaradaas mudadada sanadka ah xidhan loo siidaayo mar hadii dambigii loo xidhay lagu waayey.

7/8/2018 8:33 AM EST
Axad,July,08, 2018 (HOL)- Maxkamadda Rcfaanka gobolka Maroodi jeex ee Somaliland ayaa xayiradii ka qaaday wargeyska madaxa banaan ee Haatuf oo muddo afar sanno ah xidhnaa.

7/8/2018 7:46 AM EST
Axad, July, 08, 2018 (HOL) - Madaxweynaha Soomaaliya Maxamed C/llaahi Farmaajo ayaa ka qeyb galaya munaasabadda caleema saarka Madaxweynaha Turkiga Recep Tayyib Erdogan oo bishii hore dib loo doortay.

7/8/2018 4:29 AM EST
Axad, July, 08, 2018 (HOL)-Ra’iial Wasaaraha Itoobiya Abiy Ahmed ayaa goor dhow ka degay magaalada Asmara ee dalka Eritrea, taasoo ah safarkii u horeeyay oo Mas’uul Itoobiyaan ah ku tago Eritrea muddo 20 sano ah.

7/8/2018 4:15 AM EST
Axad, July, 08, 2018 (HOL) - Ra'iisul Wasaaraha Xukuummadda Federaalka Soomaaliya Mudane Xasan Cali Khayre oo uu wehliyo taliyaha ciidamada Booliiska ayaa xalay booqday cisbitaallada lagu daweynayo dadkii ku dhaawacmay weerarkii aragagaxisadu ay la beegsadeen xarunta Wasaaradaha Arrimaha Gudaha iyo Amniga.

7/8/2018 2:28 AM EST
Axad, July, 08, 2018 (HOL)–Guddoomiyaha baarlamaanka Soomaaliya ahna ku- simaha Madaxweynah Maxamed Mursal Sheekh C/raxmaan ayaa saakay ku wajahan Magaalada Baydhabo ee Xarunta maamulka Koofur galbeed.

7/8/2018 2:17 AM EST
Axad, July, 08, 2018 (HOL)–Sanad walba xilligan oo kale waxaa magaalada Columbus Ohio ee dalkan Mareykanka lagu qabtaa xaflad loogu talo galay ardada dhamaysatay dugsiyada Sare iyo kuliyadaha kala geddisan ee gobolka Ohio.

7/8/2018 2:11 AM EST
Axad, July, 08, 2018 (HOL)–Ra’iisal wasaraha dalka Itoobiya Dr Abiy Ahmed ayaa maanta lagu wadaa in booqasho Taariikhi ah uu ku tago magaalada Casmara ee casimadda Eritrea.

7/8/2018 2:02 AM EST
Axad, July, 08, 2018 (HOL)–Qaar ka mid ah dalalka danbeeya arimaha Soomaaliya iyo Ururro caalami ah ayaa si kulul u cambaareeyay Qaraxyadii shalay lagu weeraray xarumaha Wasaaraddaha Arrimaha Gudaha iyo Amniga Qaranka.