11/18/2018
Today from Hiiraan Online:  _
Wararka Maanta- Axad, July 8 , 2018
Maxkamadda Racfaanka ee gobolka Maroodi Jeex oo xayiraadii ka qaaday Wargeyska Haatuf


 

Axad, July, 08, 2018 (HOL) - Maxkamadda Rcfaanka gobolka Maroodi Jeex ee Somaliland  ayaa xayiradii ka qaaday wargeyska madaxa banaan ee Haatuf oo muddo afar sanno ah xidhnaa.

Maxkamadda Rafcaanka Gobolka Maroodi Jeex waxay amar ka soo saartay xayiraadii saarnayd wargeyska, ruqsadii soo bixitaankana usoo celisay Wargeyska Haatuf ee luuqada Af-soomaaliga ku soo bixi jiray.

“Sida la ogsoon yahay xukuumadda Somaliland ayaa 7/4/2014 albaabada u laabtay xaruntii shirkadda Haatuf Media Network ee soo saari jirtay saddexda Wargeys ee Haatuf, The Somaliland Times iyo Al-Haatef Al-Carabi, iyadoo xoog ciidan kula wareegtay xafiisyadii, agabkii iyo qalabkii xaruntaasi yaalayba.”ayaa lagu yidhi qoraal ka soo baxay maamulka wargeyska Haatuf.

Waxaana intaas lagu daray “afar dhibane oo saddex ka mid ahi ka tirsan yihiin masuuliyiinta sarsare ee xukuumadda Somaliland waxay dacwad ciqaab ah kusoo oogeen wargeyska Haatuf, waxaanay 25/6/2014 Maxkamadda gobolka Hargeisa oo uu xiligaa guddoomiye ka ahaa Faysal Cabdilaahi Ismaaciil (Faysal-dhago- dhago), garsoore-na ka ahaa Asad Nuur xukun xadhig dhawr sanadood ah ku riday Mulkiilihii Wargeyska Haatuf Yuusuf Cabdi Gaboobe iyo Tafatirihiisii Axmed Cali Cige, isla markaana waxa uu xukunkaasi baabiiyey ruqsadii uu kusoo bixi jiray Wargeyska Haatuf oo qudha, iyadoo sheegtay ‘inuu caadaystay af-lagaadada ummadda Somaliland, khaas ahaan masuuliyiinta qaranka’.

Wargeyska Haatuf waxa lagu haystay maqaalo uu kusoo bandhigay musuqmaasuq ay ku kaceen masuuliyiin sarsare oo ka tirsanaa xukuumadii Somaliland ee xiligaas jirtay iyo waliba awood maroorsi ay ku kaceen shaqsiyaad aan xil rasmi ah dawladdaasi ka haynin. Hadaba inkastoo xukunkaasi ahaa mid lanagu dulmiyey oo awood dawladeed la nagu muquuniyey hadana waxa intaas noo dheeraa xukuumadda oo naga joojisay soo-saaristii labadii wargeys ee kale ee kala ahaa The Somaliland Times iyo Al-Haatef Al-Carabi, iyadoo aanay haba-yaraatee jirin cid kasoo dacwootey iyo wax xukun ah oo ku dhacay labadaas wargeys, taas oo aanu horaantii 2016-kii maxkamadda u gudbinay dacwad aanu ku codsanayno in dawladdu noo magdhawdo khasaarihii meherad ahaan (business) iyo hanti ahaanba naga soo gaadhay, soo bixid la’aanta labadaas wargeys ee Somaliland Times iyo Al-Haatef Al-Carabi laga soo bilaabo 7/4/2014.

Ugu danbayn waxaanu halkan mahadnaq balaadhan uga soo jeedinaynaa Maxkamadda rafcaanka gobolka Maroodi Jeex ee xayiraadii ka qaaday wargeyska Haatuf iyo dhamaan shacbiga reer Somaliland ee taageersan xoriyatul-qawlka, gaar ahaan xoriyada saxaafadda.”.

Barkhad-ladiif M. Cumar, Hiiraan Online

[email protected]

Hargeysa, Somaliland.







Click here
7/8/2018 1:48 PM EST
Axad, July, 08, 2018 (HOL)-Afhayeenka Wasaaradda Amniga ayaa weerar afka ah ku qaaday mas’uuliyiinta dowladda iyo hay’addaha kala duwan ee Amniga, kaddib qaraxii maalintii shalay ka dhacay xarunta Otto Otto oo xarun ah Wasaaraddaha arrimaha Gudaha iyo Amniga.

7/8/2018 10:18 AM EST
Axad, July, 08, 2018 (HOL)-Hogaamiyaasha dowladdaha Itoobiya iyo Eritrea ayaa maanta kulan taariikhi ah ku yeeshay magaalada Asmara ee caasimadda Eritrea, si ay u soo gaba gabeeyaan mid ka mid ah colaadihii ugu qaraaraa ee soo mara Africa.

7/8/2018 9:17 AM EST
Ciyaarahii Todabaadka Soomaalida ee Minnesota ka socday ayaa shalay lagu soo gabgabeeyay magaalada St Paul, iyadoo ciyaarahaan ay ka qaybgaleen 24 kooxood oo ka kala yimi gobaladda dalkaan Maraykanka iyo Canada.

7/8/2018 8:37 AM EST
Axad, July, 08, 2018 (HOL) - Hooyooyin ay ka xidhan yihiin dhalinyaro ay dhaleen ayaa maanta cabasho la hor tagay dhismaha madaxtooyada Somaliland horteeda, waxaanay madaxweynaha ka codsadeen inay dhalinyaradaas mudadada sanadka ah xidhan loo siidaayo mar hadii dambigii loo xidhay lagu waayey.

7/8/2018 7:46 AM EST
Axad, July, 08, 2018 (HOL) - Madaxweynaha Soomaaliya Maxamed C/llaahi Farmaajo ayaa ka qeyb galaya munaasabadda caleema saarka Madaxweynaha Turkiga Recep Tayyib Erdogan oo bishii hore dib loo doortay.

7/8/2018 4:29 AM EST
Axad, July, 08, 2018 (HOL)-Ra’iial Wasaaraha Itoobiya Abiy Ahmed ayaa goor dhow ka degay magaalada Asmara ee dalka Eritrea, taasoo ah safarkii u horeeyay oo Mas’uul Itoobiyaan ah ku tago Eritrea muddo 20 sano ah.

7/8/2018 4:15 AM EST
Axad, July, 08, 2018 (HOL) - Ra'iisul Wasaaraha Xukuummadda Federaalka Soomaaliya Mudane Xasan Cali Khayre oo uu wehliyo taliyaha ciidamada Booliiska ayaa xalay booqday cisbitaallada lagu daweynayo dadkii ku dhaawacmay weerarkii aragagaxisadu ay la beegsadeen xarunta Wasaaradaha Arrimaha Gudaha iyo Amniga.

7/8/2018 2:28 AM EST
Axad, July, 08, 2018 (HOL)–Guddoomiyaha baarlamaanka Soomaaliya ahna ku- simaha Madaxweynah Maxamed Mursal Sheekh C/raxmaan ayaa saakay ku wajahan Magaalada Baydhabo ee Xarunta maamulka Koofur galbeed.

7/8/2018 2:17 AM EST
Axad, July, 08, 2018 (HOL)–Sanad walba xilligan oo kale waxaa magaalada Columbus Ohio ee dalkan Mareykanka lagu qabtaa xaflad loogu talo galay ardada dhamaysatay dugsiyada Sare iyo kuliyadaha kala geddisan ee gobolka Ohio.

7/8/2018 2:11 AM EST
Axad, July, 08, 2018 (HOL)–Ra’iisal wasaraha dalka Itoobiya Dr Abiy Ahmed ayaa maanta lagu wadaa in booqasho Taariikhi ah uu ku tago magaalada Casmara ee casimadda Eritrea.

7/8/2018 2:02 AM EST
Axad, July, 08, 2018 (HOL)–Qaar ka mid ah dalalka danbeeya arimaha Soomaaliya iyo Ururro caalami ah ayaa si kulul u cambaareeyay Qaraxyadii shalay lagu weeraray xarumaha Wasaaraddaha Arrimaha Gudaha iyo Amniga Qaranka.