7/20/2018
Today from Hiiraan Online:  _
Wararka Maanta- Axad, July 8 , 2018
Ra’iisal wasaaraha Itoobiya oo gaaray magaalada Asmara ee Eritrea


 

Axad, July, 08, 2018 (HOL) - Ra’iisul Wasaaraha Itoobiya Abiy Ahmed ayaa goor dhow ka degay magaalada Asmara ee dalka Eritrea, taasoo ah safarkii u horeeyay oo Mas’uul Itoobiyaan ah ku tago Eritrea muddo 20 sano ah.

Abiy Ahmed ayaa booqashadiisa taariikhiga ah ay qeyb ka tahay dadaalada iyo is bedelada uu ka wado dalkiisa iyo gobolkaba.

Madaxweynaha Eritrea Isias Afwerki ayaa ku soo dhaweeyay garoonka diyaaradaha Asmara Ra’iisul Wasaaraha Itoobiya iyo wafdiga uu hoggaaminayay, waxaana booqashada si toos looga daawanayay Telefishinka dalkaas.

Tani ayaa calaamad u ah bilowga xiriirka labada dal iyo soo afjarida colaadii u dhaxeysay, waxaana Ra’iisul Wasaaraha Itoobiya Abiy Ahmed uu qaaday tallaabooyin aanay madaxdii ka horeysay aanay qaadin.

Eritrea iyo Itoobiya ayaa waxaa u dhaxeeyay colaad socotay muddo 20 sano, iyagoo ku muransanaa deegaanka Badame oo horay Qaramada Midoobey ugu xukmisay Eritrea, hase ahaatee Itoobiya ay diiday, waxaana Ra’iisul wasaare Abiy Ahmed uu dhowaan aqbalay heshiiskaas, taasoo u gogol xaartay isu soo dhowaanshaha labada dal iyo soo afjarida colaadii labada dal u dhaxeysay.

C/raxmaan Diini, Hiiraan Online
[email protected]







Click here
7/8/2018 1:48 PM EST
Axad, July, 08, 2018 (HOL)-Afhayeenka Wasaaradda Amniga ayaa weerar afka ah ku qaaday mas’uuliyiinta dowladda iyo hay’addaha kala duwan ee Amniga, kaddib qaraxii maalintii shalay ka dhacay xarunta Otto Otto oo xarun ah Wasaaraddaha arrimaha Gudaha iyo Amniga.

7/8/2018 10:18 AM EST
Axad, July, 08, 2018 (HOL)-Hogaamiyaasha dowladdaha Itoobiya iyo Eritrea ayaa maanta kulan taariikhi ah ku yeeshay magaalada Asmara ee caasimadda Eritrea, si ay u soo gaba gabeeyaan mid ka mid ah colaadihii ugu qaraaraa ee soo mara Africa.

7/8/2018 9:17 AM EST
Ciyaarahii Todabaadka Soomaalida ee Minnesota ka socday ayaa shalay lagu soo gabgabeeyay magaalada St Paul, iyadoo ciyaarahaan ay ka qaybgaleen 24 kooxood oo ka kala yimi gobaladda dalkaan Maraykanka iyo Canada.

7/8/2018 8:37 AM EST
Axad, July, 08, 2018 (HOL) - Hooyooyin ay ka xidhan yihiin dhalinyaro ay dhaleen ayaa maanta cabasho la hor tagay dhismaha madaxtooyada Somaliland horteeda, waxaanay madaxweynaha ka codsadeen inay dhalinyaradaas mudadada sanadka ah xidhan loo siidaayo mar hadii dambigii loo xidhay lagu waayey.

7/8/2018 8:33 AM EST
Axad,July,08, 2018 (HOL)- Maxkamadda Rcfaanka gobolka Maroodi jeex ee Somaliland ayaa xayiradii ka qaaday wargeyska madaxa banaan ee Haatuf oo muddo afar sanno ah xidhnaa.

7/8/2018 7:46 AM EST
Axad, July, 08, 2018 (HOL) - Madaxweynaha Soomaaliya Maxamed C/llaahi Farmaajo ayaa ka qeyb galaya munaasabadda caleema saarka Madaxweynaha Turkiga Recep Tayyib Erdogan oo bishii hore dib loo doortay.

7/8/2018 4:15 AM EST
Axad, July, 08, 2018 (HOL) - Ra'iisul Wasaaraha Xukuummadda Federaalka Soomaaliya Mudane Xasan Cali Khayre oo uu wehliyo taliyaha ciidamada Booliiska ayaa xalay booqday cisbitaallada lagu daweynayo dadkii ku dhaawacmay weerarkii aragagaxisadu ay la beegsadeen xarunta Wasaaradaha Arrimaha Gudaha iyo Amniga.

7/8/2018 2:28 AM EST
Axad, July, 08, 2018 (HOL)–Guddoomiyaha baarlamaanka Soomaaliya ahna ku- simaha Madaxweynah Maxamed Mursal Sheekh C/raxmaan ayaa saakay ku wajahan Magaalada Baydhabo ee Xarunta maamulka Koofur galbeed.

7/8/2018 2:17 AM EST
Axad, July, 08, 2018 (HOL)–Sanad walba xilligan oo kale waxaa magaalada Columbus Ohio ee dalkan Mareykanka lagu qabtaa xaflad loogu talo galay ardada dhamaysatay dugsiyada Sare iyo kuliyadaha kala geddisan ee gobolka Ohio.

7/8/2018 2:11 AM EST
Axad, July, 08, 2018 (HOL)–Ra’iisal wasaraha dalka Itoobiya Dr Abiy Ahmed ayaa maanta lagu wadaa in booqasho Taariikhi ah uu ku tago magaalada Casmara ee casimadda Eritrea.

7/8/2018 2:02 AM EST
Axad, July, 08, 2018 (HOL)–Qaar ka mid ah dalalka danbeeya arimaha Soomaaliya iyo Ururro caalami ah ayaa si kulul u cambaareeyay Qaraxyadii shalay lagu weeraray xarumaha Wasaaraddaha Arrimaha Gudaha iyo Amniga Qaranka.