7/20/2018
Today from Hiiraan Online:  _
Wararka Maanta- Sabti, July 7 , 2018
Faah faahin ku saabsan qaraxyo iyo weerar toos ah oo ka dhacay Muqdisho


 

Sabti, July, 07, 2018 (HOL) – Warar dheeraad ah ayaa ka soo baxaya weerarro loo adeegsaday qaraxyo iyo mid toos ah oo ay qaadeen maleeshiyaad hubeysan oo la sheegay in ay gudaha u galleen Wasaaradda arrimaha gudaha Ex xaruntii hore ee Oto Oto oo ku dhaw Isgoyska Sayidka magaalada Muqdisho.

Ka hor rasaas xoogan oo laga maqlay xarunta wasaaradda waxaa jiray labo Qarax oo dhacay, mid ka mid ah Qaraxyada ayaa la sheegay in uu ahaa mid culus oo siweyn looga maqlay inta badan magaalada Muqdisho.

Xarunta la weeraray ayaa marka laga soo tago wasaaradda arrimaha gudaha sidoo kale waxaa ku shaqeysa wasaarrada Amniga, iyadoo warar soo baxaya sheegayaan in ay gudaha u galleen rag hubeysan oo laakiin aan la ogeyn tiradooda.

Ilaa iyo hadda lama oga khasaaraha rasmiga ah ee ka dhashay Qaraxyadan iyo weerarka intaba hasse ahaatee waxaa gaaray goobta gadiidka gurmadka deg deg ah oo halkaa ka qaaday tiro dad ah oo qaba wax yeello kala duwan.

Isgoyska Sayidka waxaa yaala Koontarool ay ku sugan yihiin ciidamada Ilaalada Madaxtooyada, waana koontaroolka ugu horeeya ee laga sugo amniga madaxtooyada.

Al-shabaab ayaa guud ahaa sheegtay qaraxyada iyo weerarka ka dhacay xarunta Wasaaradda arrimaha gudaha, hasse ahaatee ma aysan bixin faah faahin intaa dhaafsiisan.

C/raxmaan Diini, Hiiraan Online
[email protected]







Click here
7/7/2018 12:03 PM EST
Sabti, July, 07, 2018 (HOL) - Waxaa bishan Luuliyo 5teedii magaalada Muqdisho ka furmay aqoon-isweydaarsi socon doona dhowr maalmood oo ku saabsan sidii ay dhallinyaradu u qeyb qaadan horumarinta arrimaha biyaha magaalada Muqdishu

7/7/2018 9:24 AM EST
Sabti, July, 07, 2018 (HOL)-G/lle Saleebaan Cabdi Caatay ayaa dhintay, gudoomiyihii degmada Taleex isagana dhaawac culus ayaa soo gaadhey kaddib markii iyagoo safar ugu socdey Laascaanood ciidamada Puntland baleen.

7/7/2018 9:00 AM EST
Sabti, July, 07, 2018 (HOL)-Wasiirka horumarinta Biyaha Saleebaan Cali Koore ayaa sheegay in Puntland jidgooyo ku dishay taliye ka tirsan ciidanka Somaliland ee degmada Taleex,isla markaana dhaawac u gaysatay maayarkii degmadda Taleex.

7/7/2018 8:19 AM EST
Sabti, July, 07, 2018 (HOL) - Ugu yaraan 10 ruux oo ay ka mid ahaayeen shaqaale ka tirsan Wasaaradda Arrimaha Gudaha, Askar ka tirsan ciidamada dowladda iyo kooxihii weerarka geystay ayaa ku dhintay weerarkii Ismaaminta ahaa ee maanta lagu qaaday Ex xaruntii hore ee Oto Oto oo hadda ah Wasaaradda arrimaha gudaha.

7/7/2018 6:36 AM EST
Sabti, July, 07, 2018 (HOL)-Dabley loo maleynayo in ay ka kooban yihiin ilaa saddex ruux ayaa gudaha u gallay xarunta wasaaradda arrimaha gudaha oo ku taalla Taalada Sayidka xaruntii hore Oto oto oo duhurnimadii maanta ay weerarreen Al-shabaab.

7/7/2018 4:44 AM EST
Sabti, July, 07, 2018 (HOL)-Qarayo ismiidaamin ah iyo weerar toos ah ayaa goor dhaw lagu qaaday xarunta wasaaradda arrimaha gudaha oo ku dhaw isgoyska sayidka.

7/7/2018 3:48 AM EST
Sabti, July, 07, 2018 (HOL)–Ayadoo dhawaan madaxweynaha dalka Jabutii Mudane Ismaaciil Cuamr Geelle uu daahfuray Mashruuca aagga ganacsiga xorta ah ee dalkaasi, kaa ooay ka qeybgaleen madaxda gobolka iyo ganacsato ka socotay dalalka gobolka iyo Shiinaha, ayay ganacsatadii Soomaaliyeed ee ka qeybgalay daahfurka Mashruucaasi waxa ay rajo wanaagsan ka muujiyaan dekeddan cusub ee la daahfuray.

7/7/2018 2:06 AM EST
Sabti, July, 07, 2018 (HOL)-Ra’iisal Wasaaraha Xukuummadda Soomaaliya Xassan Cali Khayre oo xalay soo xiray Shir-weynaha 3-aad ee hoggaanka iyo hal-abuurka oo lagu qabtay Muqdisho ayaa sheegay in xoogga, maskaxda, dhaqaalaha iyo awood waliba oo dalku kula tartamaayo aduunyada kale ay yihiin dhallinyarada Soomaaliyeed.

7/7/2018 1:27 AM EST
Sabti, July, 07, 2018 (HOL)-Hay’adda Lacagta Adduunka ee magaceeda loo soo gaabiyo IMF ayaa sheegtay in ay waddo dadaallo kala duwan oo loogu tala galay in lagu tayeeyo Shaqaallaha iyo sidoo kale Adeegyadda ay bixiso dowladda Soomaaliya.

7/7/2018 1:13 AM EST
Sabti, July, 07, 2018 (HOL)–Wararka Hiiraan Online ka soo gaaraya deegaanka Ceeldheere oo ka tirsan ismaamulka Gaarisa ee dalka Kenya ayaa sheegaya in halkaa maleeshiyaad soo weeraray ku dileen Saddex ruux oo rayid ah.

7/7/2018 12:57 AM EST
Sabti, July, 07, 2018 (HOL)–Wararka ka imanaya deegaanka Tukaraq ee gobolka Sool ayaa sheegaya in saaacadihii aynu ka soo gudbay halkaa laga maqlay madaafiic ay is weydaarsadeen ciidamada Puntland iyo kuwa Somaliland ee isku hor fadhiya jiida hore ee dagaalka.