9/24/2018
Today from Hiiraan Online:  _
Wararka Maanta- Sabti, July 7 , 2018
Ganacsato Soomaali ah oo yididiilo wanaagsan ka muujiyay mashruuca aagga ganacsiga xorta ah ee Jabuuti



Sabti, July, 07, 2018 (HOL)–Ayadoo dhawaan madaxweynaha dalka Jabutii Mudane Ismaaciil Cuamr Geelle uu daahfuray Mashruuca aagga ganacsiga xorta ah ee dalkaasi, kaa oo ay daahfurkiisu ka qeybgaleen madaxda gobolka iyo ganacsato ka socotay dalalka gobolka iyo Shiinaha, ayay ganacsatadii Soomaaliyeed ee ka qeybgalay daahfurka Mashruucaasi waxa ay rajo wanaagsan ka muujiyeen dekeddan cusub ee la daahfuray.

Mashruucan ayaa waxaa hirgelintiisa iska kaashaday dowladda Jabuuti iyo shirkad ganacsi oo laga leeyahay Shiinaha oo lagu magacaabo (China’s Merchants Holdings company).


C/rashiid Max'ed Siciid, Agaasimaha sare ee shirkadda Dahabshiil oo wareeysi siiyay laanta afka Soomaaliga ee VOA ayaa sheegay in dekedda la daahfuray ay tahay fursad ganacsi oo wax badan ka caawin doonta ganacsatada Soomaaliyeed ee leh ganacsiyada waaweyn iyo kuwa kale ee aan heeysan dhaqaale badan oo ay dalabaad ku dirsadaan.

Mar la weydiiyay faa’iidada ganacsatada Soomaalida ah ugu jirta Dekeddan cusub ayuu sheegay in Dekeddu ay isticmaali doonaan ganacsatada aagga gobolka iyo dalalka kale ee Jaarka ah, isagoo intaa ku daray in ay ka caawin doonto in ay ka kaaftoomaan badeecooyinkii ay Shiinaha ka dalban jireen iyo kuwii ay dhoofin jireenba.

 “In dadkii Dibadda u dhoofin jiray ama Shiinaha qaban jiray ama wadamo kale mari jiray in alaabooyinkoodii ay usoo dhawaato, alaabooyinka qaar, oo laga yaabo in ayan meel fog qaban oo ay halkaan ka helaan, " ayuu yiri isagoo intaa ku daray in Dekeddan ay noqoneeyso tii ugu weyneyd ee soo marta gobolka.

Waxa uu xusay in Dekeddu ay tahay suuq xor ah (Free Zone), islamarkaana ganacsatadu ay heli doonaan ganacsi xor ah oo uusan dhaqaale badan uga bixi doonin, shirkadaha ay macaamilka la yihiin oo intooda badan dagan Shiinahana ay Jabuuti iman doonaan.

Aaggan ganacsi ee xorta ah ayaa loo isticmaali doonaa dhoofinta iyo soo dejinta badeecooyinka kala duwan, ayadoo la rajeeynayo in ay kasoo xaroon doonaan dhaqaale ganacsi oo gaaraya $7 Billion mudo laba sano gudahood ah, islamarkaana uu abuuri doono shaqooyin lagu qiyaasay 15,000 marka la dhameystiro.

Xasan Nuur, Hiiraan Online
[email protected]
Kismaayo-Soomaaliya.







Click here
7/7/2018 12:03 PM EST
Sabti, July, 07, 2018 (HOL) - Waxaa bishan Luuliyo 5teedii magaalada Muqdisho ka furmay aqoon-isweydaarsi socon doona dhowr maalmood oo ku saabsan sidii ay dhallinyaradu u qeyb qaadan horumarinta arrimaha biyaha magaalada Muqdishu

7/7/2018 9:24 AM EST
Sabti, July, 07, 2018 (HOL)-G/lle Saleebaan Cabdi Caatay ayaa dhintay, gudoomiyihii degmada Taleex isagana dhaawac culus ayaa soo gaadhey kaddib markii iyagoo safar ugu socdey Laascaanood ciidamada Puntland baleen.

7/7/2018 9:00 AM EST
Sabti, July, 07, 2018 (HOL)-Wasiirka horumarinta Biyaha Saleebaan Cali Koore ayaa sheegay in Puntland jidgooyo ku dishay taliye ka tirsan ciidanka Somaliland ee degmada Taleex,isla markaana dhaawac u gaysatay maayarkii degmadda Taleex.

7/7/2018 8:19 AM EST
Sabti, July, 07, 2018 (HOL) - Ugu yaraan 10 ruux oo ay ka mid ahaayeen shaqaale ka tirsan Wasaaradda Arrimaha Gudaha, Askar ka tirsan ciidamada dowladda iyo kooxihii weerarka geystay ayaa ku dhintay weerarkii Ismaaminta ahaa ee maanta lagu qaaday Ex xaruntii hore ee Oto Oto oo hadda ah Wasaaradda arrimaha gudaha.

7/7/2018 6:36 AM EST
Sabti, July, 07, 2018 (HOL)-Dabley loo maleynayo in ay ka kooban yihiin ilaa saddex ruux ayaa gudaha u gallay xarunta wasaaradda arrimaha gudaha oo ku taalla Taalada Sayidka xaruntii hore Oto oto oo duhurnimadii maanta ay weerarreen Al-shabaab.

7/7/2018 5:12 AM EST
Sabti, July, 07, 2018 (HOL) – Warar dheeraad ah ayaa ka soo baxaya weerarro loo adeegsaday qaraxyo iyo mid toos ah oo ay qaadeen maleeshiyaad hubeysan oo la sheegay in ay gudaha u galleen Wasaaradda arrimaha gudaha Ex xaruntii hore ee Oto Oto oo ku dhaw Isgoyska Sayidka magaalada Muqdisho.

7/7/2018 4:44 AM EST
Sabti, July, 07, 2018 (HOL)-Qarayo ismiidaamin ah iyo weerar toos ah ayaa goor dhaw lagu qaaday xarunta wasaaradda arrimaha gudaha oo ku dhaw isgoyska sayidka.

7/7/2018 2:06 AM EST
Sabti, July, 07, 2018 (HOL)-Ra’iisal Wasaaraha Xukuummadda Soomaaliya Xassan Cali Khayre oo xalay soo xiray Shir-weynaha 3-aad ee hoggaanka iyo hal-abuurka oo lagu qabtay Muqdisho ayaa sheegay in xoogga, maskaxda, dhaqaalaha iyo awood waliba oo dalku kula tartamaayo aduunyada kale ay yihiin dhallinyarada Soomaaliyeed.

7/7/2018 1:27 AM EST
Sabti, July, 07, 2018 (HOL)-Hay’adda Lacagta Adduunka ee magaceeda loo soo gaabiyo IMF ayaa sheegtay in ay waddo dadaallo kala duwan oo loogu tala galay in lagu tayeeyo Shaqaallaha iyo sidoo kale Adeegyadda ay bixiso dowladda Soomaaliya.

7/7/2018 1:13 AM EST
Sabti, July, 07, 2018 (HOL)–Wararka Hiiraan Online ka soo gaaraya deegaanka Ceeldheere oo ka tirsan ismaamulka Gaarisa ee dalka Kenya ayaa sheegaya in halkaa maleeshiyaad soo weeraray ku dileen Saddex ruux oo rayid ah.

7/7/2018 12:57 AM EST
Sabti, July, 07, 2018 (HOL)–Wararka ka imanaya deegaanka Tukaraq ee gobolka Sool ayaa sheegaya in saaacadihii aynu ka soo gudbay halkaa laga maqlay madaafiic ay is weydaarsadeen ciidamada Puntland iyo kuwa Somaliland ee isku hor fadhiya jiida hore ee dagaalka.