Ra'iisal wasaarihii hore ee Pakistan Nawaz Sharif oo lagu xukumay toban sano oo xabsi ah
Jimco, July, 06, 2018 (HOL) – Maxkamad ku taalla dalka Pakistan ayaa toban
sano oo xabsi ah ku xukuntay ra’iisal wasaarihii hore ee dalkaasi Nawaz Sharif,
kaddib markii ay ku heshay dambi ah eedeymo musuqmaasuq.
Sidoo kale Maxkamadan ayaa waxaa ay ku xukuntay min toban san oo xarig ah
gabar uu dhalay Nawaz iyo wiil uu soddog u yahay.
Dacwaddan ayaa salka ku haysay guryo qoyska Nawaz ay ku leeyihiin London oo
la sheegay in lagu iibiyay lacago ay sameeyeen shirkado ka hawlgalka dibadda
dalkaasi Pakistan.
Nawaz Sharif oo hadda ku sugan Britain ayaa xukunkaasi maxkamadda ku
tilmaamay kuwo siyaasadeed.
Xukunkani ayaa ku soo beegmaya todobaad ka hor doorashada guud ee dalkaasi,
waxaana saadaashu ay muujineysaa in xisbigiisa PML-Nawaz uu guul weyn ka soo
hoyn doono doorashadaasi.
Nawaz ayaa hoggaanka xisbigaasi iska wareejiyay kaddib markii maxkamadda
sare ee dalkaasi ay soo saartay xukun ah in gebi ahaanba laga mamnuuco siyaasadda.
C/raxmaan Diini, Hiiraan
Online
[email protected]