7/20/2018
Today from Hiiraan Online:  _
Wararka Maanta- Jimco, July 6 , 2018
Midowga Yurub : Imaaraadku ha ixtiraamo madax-bannaanida dhulleed iyo Qarannimada Soomaaliya


 

Jimco, July, 06, 2018 (HOL) – Baarlamaanka Midowga Yurub oo kulan yeeshay ayaa War uu ka soo saaray xaalada Soomaaliya, waxaa uu ku dalbaday in Soomaaliya laga daayo fara-galinta shisheeye ee lagu hayo.

Qaraarkan ayaa wax-yaabaha ku qornaa waxaa ka mid ahaa mowqifkii dhex-dhexaadnimo ee ay Somaaliya ka istaagtay xiisadda Khaliijka oo lagu sheegay uu dhaliyay in dalalka Imaaraadka iyo Sacuudigu ay joojiyeen lacagtii ay siin jireen Somaaliya iyagoo ku ciqaabaya go’aanka ay qaadatay.

Qaraarkan midowga Yurub ayaa si gaar ah diirada u saaray dhibaatooyinka ka jira gudaha dalka Soomaaliya sida amaan darrada, Arrimaha la xiriira kooxaha Argagixisada, Faqriga, Xad-gudubyada dhinaca Xuquuqda Aadanaha iyo waliba fara-galinta dowladdaha shisheeye gaar ahaan kuwa Khaliijka.

Midowga Yurub ayaa ku eedeeyay qaar ka mid ah wadamada Khaliijka in ay sii calwinayaan xaaladaha siyaasadeed ee markii horeba ka jiray gudaha dalka Soomaaliya.

Midowga Yurub ayaa sheegay in dalalkaa fara-galinta ku haya Soomaaliya ugu horeeyaan Imaaraadka iyo Sacuudiga oo isku dhinac ah iyo waliba dowladda Qatar oo dhinaca kale ah.

Gaar ahaa Baarlamaanka midowga Yurub ayaa ku eedeeyay dowladdaha Imaaaraadka iyo Sacuudiga iyaga oo adeegsanaya dhaqaale xoog leh in ay isku dayayaan in  Soomaaliya ka weeciyaan go’aankeedii dhax-dhaxaadnimada oo ay ka qaadatay khilaafka Khaliijka.

Waxaa uu ugu baaqay Imaaraadka in ay joojiyaan falal kasta oo xasilooni-darro abuuri kara  sidoo kale-na ay ixitiraanto madaxbannaanida dhulleed iyo qaranniamada Somaaliya.

Dhinaca kale kooxaha Argagixisada marka la eego waxaa uu qaraarka midowga Yurub cambaareeyay dhamaanba weerarrada kooxaha argagixiso ee ka dhaca gudaha dalka Soomaaliya, iyaga oo sheegay in aysan jirin sabab sharci ah oo Soomaaliya uga sii jiri karaan Ururradan.

Laakiin dhinaca kale qaraarkan ayaa ku cambaareeyay dowladda Soomaaliya xadgudubyo lagu sheegay in ay ku hayaan xoriyada hadalka oo ay geysanayaan Laamaha amaanka dowladda, gaar ahaan hay’adda NISA.

Qaraarka ayaa is dul taagay xariga iyo hanjabaadaha lagula kaco Siyaasiyiinta, Wariyayasha, iyo waliba ururrada bulshada rayidka ah waxaana arrimahan oo dhan ay ku sheegeen in ay yihiin kuwo aan la aqbali karin.

Dowladda ayaa uu danbeyntii loogu baaqay in ay xaiijiso in hay’addaha Nabad-sugida iyo Sirdoonka Qaranka ee NISA tahay hay’ad amaan oo ku shaqeysa hab waafaqsan sharciga si loo adkeeyo xoriyada hadalka oo gundhig u ah hormarinta bulsho dimuquraadi ah oo xoog leh.

C/raxmaan Diini, Hiiraan Online
[email protected]







Click here
7/6/2018 2:50 PM EST
Jimco, July, 06, 2018 (HOL)–Maxkamad ku taalla dalka Pakistan ayaa toban sano oo xabsi ah ku xukuntay ra’iisal wasaarihii hore ee dalkaasi Nawaz Sharif, kaddib markii ay ku heshay dambi ah eedeymo musuqmaasuq.

7/6/2018 10:01 AM EST
Jimco, July, 06, 2018 (HOL) – Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo booqasho ku jooga dalka Jabuuti ayaa maanta gaaray Carta oo ah magaaladii marti galisay shirkii dib-u-heshiinta Soomaaliya ee lagu yagleelay Dowladdii kumeel gaarka ahayd sanadkii 2000.

7/6/2018 8:23 AM EST
Jimco, July, 06, 2018 (HOL)–Shir wadajir ah oo u dhaxeeyay Hay’adaha u xilsaaran Siyaasadda dalka iyo Guddiga Farsamo ee Wada xaajoodka Arrimaha Federaalka oo ay soo qaban qaabisay Wasaaradda Arrimaha Dastuurka ayaa ku soo gabagaboobay magaalada Muqdisho.

7/6/2018 7:37 AM EST
Jimco, July, 06, 2018 (HOL)–Booliiska Koonfur Afrika ayaa sheegay in qofkii dilay labada ruux ee ku cibaadaysanayay masaajidka Koonfur Afrika ku yaalla uu ahaa qof maskaxda ka xannuunsan oon aragti argagixiso lahayn.

7/6/2018 7:25 AM EST
Jimco, July, 06, 2018 (HOL)–Xildhibaannada maamul gobolleedka Hirshabeelle ayaa ku baaqay in si deg deg ah loo joojiyo dagaal beeleedyada ka soo cusboonaaday degmada Matabaan ee gobolka Hiiraan.

7/6/2018 6:33 AM EST
Jicmo, July, 06, 2018 (HOL)–Ra’iisul Wasaaraha Soomaaliya Xasan Cali Kheyre ayaa khamiistii shalay kormeer ku tagey Dugsiga tababarka Ciidamada Gen. Gordon ee Magaaladan Muqdisho, halkaasoo ay horay u maamulayeen Imaaraadka Carabta.

7/6/2018 3:08 AM EST
Jicmo, July, 06, 2018 (HOL)–Goobjoogayaal ayaa warbaahinta u sheegay in rag ku hubeysan bastoolado ku toogeen degmada Dayniile ee gobolkan Banaadir Oday dhaqameed ka mid ahaa Ergadii soo dooratay xildhibaanada golaha Shacabka Soomaaliyeed.

7/6/2018 1:07 AM EST
Jicmo, July, 06, 2018 (HOL)–Waxaa maalintii shalay si rasmi ah looga daah-furay dalka Jabuuti Aaga Ganacsiga xorta ah ee jabuuti ee Shiinuhu dhisayo, kaasoo ah kan ugu weyn guud ahaan marka la eego qaarada Africa.

7/6/2018 12:53 AM EST
Jicmo, July, 06, 2018 (HOL)–Wararka ka imanaya degmada Hobyo ee gobolka Mudug ayaa sheegaya in ay halkaa gaareen dad ka barakacay dagaalo labadii maalmood ee la soo dhaafay qeybo ka mid ah gobolka ku dhaxmarayay xoolo dhaqato iyo xoogag ka tirsan Al-shabaab.

7/6/2018 12:41 AM EST
Jicmo, July, 06, 2018 (HOL)–Dowladda Soomaaliya ayaa lagu eedeynayaa in ay ku xadgudubtay xuquuqda Aadanaha, islamarkaana mudaddii ay jirtay geysatay Xadgudubyo badan oo ka dhan ah Xuuquuqda Aadanaha.