9/23/2018
Today from Hiiraan Online:  _
Wararka Maanta- Jimco, July 6 , 2018
Muhiimada Aagga ganacsiga xorta ah ee ugu weyn qaarada Africa oo laga daah-furay Jabuuti


 

Jicmo, July, 06, 2018 (HOL) – Waxaa maalintii shalay si rasmi ah looga daah-furay dalka Jabuuti Aaga Ganacsiga xorta ah ee jabuuti ee Shiinuhu dhisayo, kaasoo ah kan ugu weyn guud ahaan marka la eego qaarada Africa.

Aagga ganacsiga xorta ah ee Jabuuti ayaa la filayaa in ay soo marto badeecad qiimaheeda lagu qiyaasayo 7 bilyan oo Doollar, muddo laba sano gudaheed ah, uuna abuuro ilaa 15,000 oo shaqo, marka la dhamaystiro.

Dhismaha mshruucan waxaa ka shaqeynya shirkadda ugu weyn ee adeegga dekedaha Shiinaha, wuxuuna qayb ka yahay qorshe weyn oo oo loogu magac daray "hal meegaar, hal waddo", kaasoo ah hindise maalgashi oo ka socda ilaa 60 dal.

Waa horumarkii xagga tas-hiilaadka ee ugu weynaa dalka, oo ay ku nool yihiin in ka yar hal malyan oo qof, waxaana aad loogu yaqaanaa inuu marti galiyey saldhigyo waaweyn oo ay ku leeyihiin ciidamada Maraykanka iyo Faransiiska.

Aagga ganacsiga xorta ah oo baaxadiisu gaarayso 48.2 KM, ayaa 10% ka mid ah waxaa ay tahay hantida ma guurtada ah ee Jabuuti, waxaana ay hoy u noqon doontaa tas-hiilaadka xagga waxsoosaarka, gaadiidka, iyo kaydka.

Istaraatijiyada halka ay ku taallo Jabuuti oo ah gacanka cadmeed ayaa horeba uga dhigay in ay soo maraan 95% badeecadaha u socda dalka ay jaarka yihiin ee Itoobiya.

 

Daah-furka mashruucan ganacsi waxaa sidoo kale madaxdii ka qeybgashay ka mid ah madaxweynaha dowladda Soomaaliya Maxamed Cabdullaahi Farmaajo.

Soomaaliya oo ah dal ka soo kabanaya dagaallo sokeeye oo muddo dheer soo daashaday ayaa hadda u muuqda laftirkiisa mid soo jeedinaya Idhaha Maal-gashadayaasha dunida, waxaana maalmihii ugu danbeeyayba jiray shirkaddo iyo dowladdo daneynaya in ay maal-gashadaan dekeddaha waaweyn ee dalka, taasoo fursad ganancsi iyo mid hormarineed u noqon karta guud ahaan dalka.

C/raxmaan Diini, Hiiraan Online
[email protected]

 

 







Click here
7/6/2018 2:50 PM EST
Jimco, July, 06, 2018 (HOL)–Maxkamad ku taalla dalka Pakistan ayaa toban sano oo xabsi ah ku xukuntay ra’iisal wasaarihii hore ee dalkaasi Nawaz Sharif, kaddib markii ay ku heshay dambi ah eedeymo musuqmaasuq.

7/6/2018 1:17 PM EST
Jimco, July, 06, 2018 (HOL)–Baarlamaanka Midowga Yurub oo kulan yeeshay ayaa war uu ka soo saaray xaalada Soomaaliya, waxaa uu ku dalbaday in Soomaaliya laga daayo fara-galinta shisheeye ee lagu hayo.

7/6/2018 10:01 AM EST
Jimco, July, 06, 2018 (HOL) – Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo booqasho ku jooga dalka Jabuuti ayaa maanta gaaray Carta oo ah magaaladii marti galisay shirkii dib-u-heshiinta Soomaaliya ee lagu yagleelay Dowladdii kumeel gaarka ahayd sanadkii 2000.

7/6/2018 8:23 AM EST
Jimco, July, 06, 2018 (HOL)–Shir wadajir ah oo u dhaxeeyay Hay’adaha u xilsaaran Siyaasadda dalka iyo Guddiga Farsamo ee Wada xaajoodka Arrimaha Federaalka oo ay soo qaban qaabisay Wasaaradda Arrimaha Dastuurka ayaa ku soo gabagaboobay magaalada Muqdisho.

7/6/2018 7:37 AM EST
Jimco, July, 06, 2018 (HOL)–Booliiska Koonfur Afrika ayaa sheegay in qofkii dilay labada ruux ee ku cibaadaysanayay masaajidka Koonfur Afrika ku yaalla uu ahaa qof maskaxda ka xannuunsan oon aragti argagixiso lahayn.

7/6/2018 7:25 AM EST
Jimco, July, 06, 2018 (HOL)–Xildhibaannada maamul gobolleedka Hirshabeelle ayaa ku baaqay in si deg deg ah loo joojiyo dagaal beeleedyada ka soo cusboonaaday degmada Matabaan ee gobolka Hiiraan.

7/6/2018 6:33 AM EST
Jicmo, July, 06, 2018 (HOL)–Ra’iisul Wasaaraha Soomaaliya Xasan Cali Kheyre ayaa khamiistii shalay kormeer ku tagey Dugsiga tababarka Ciidamada Gen. Gordon ee Magaaladan Muqdisho, halkaasoo ay horay u maamulayeen Imaaraadka Carabta.

7/6/2018 3:08 AM EST
Jicmo, July, 06, 2018 (HOL)–Goobjoogayaal ayaa warbaahinta u sheegay in rag ku hubeysan bastoolado ku toogeen degmada Dayniile ee gobolkan Banaadir Oday dhaqameed ka mid ahaa Ergadii soo dooratay xildhibaanada golaha Shacabka Soomaaliyeed.

7/6/2018 12:53 AM EST
Jicmo, July, 06, 2018 (HOL)–Wararka ka imanaya degmada Hobyo ee gobolka Mudug ayaa sheegaya in ay halkaa gaareen dad ka barakacay dagaalo labadii maalmood ee la soo dhaafay qeybo ka mid ah gobolka ku dhaxmarayay xoolo dhaqato iyo xoogag ka tirsan Al-shabaab.

7/6/2018 12:41 AM EST
Jicmo, July, 06, 2018 (HOL)–Dowladda Soomaaliya ayaa lagu eedeynayaa in ay ku xadgudubtay xuquuqda Aadanaha, islamarkaana mudaddii ay jirtay geysatay Xadgudubyo badan oo ka dhan ah Xuuquuqda Aadanaha.