Jicmo, July, 06, 2018 (HOL) – Wararka ka imanaya
degmada Hobyo ee gobolka Mudug ayaa sheegaya in ay halkaa gaareen dad ka
barakacay dagaalo labadii maalmood ee la soo dhaafay qeybo ka mid ah gobolka ku
dhaxmarayay xoolo dhaqato iyo xoogag ka tirsan Al-shabaab.
Maamulka degmada Hobyo ayaa sheegay in ku dhawaad
100 ruux in saacaddihii lasoo dhaafay ay gaareen degmada Hobyo, kuwaa soo kasoo
cararay deegaanka Caad.
Dagaalka oo u dhaxeeya Al-shabaab iyo dadka
deegaanka ayaa xoogeystay, waxaana dadka degaanka iyo Al-shabaab ay wali ku
dagaallamayaan degaankaasi.
Saacaddihii l asoo dhaafay ayaa waxaa dhacay dagaallo culus, iyadoona dadka
degaanka ay ku guuleysteen in ay Shabaab ka qabsadaan degaanadii lagu
dagaallamay.
Maamulka Galmudug ayaa ku baaqay in gurmad deg
deg ah lala gaaro dadka kasoo barakacay dagaallada ka socda degaanka Caad ee
Koonfurta Gobolka Mudug.
C/raxmaan Diini, Hiiraan
Online
[email protected]
