Al-shabaab oo la sheegay in ay rasaas ku fureen gaari ay la socdeen dad shacab ah
Khamiis, July, 05, 2018 (HOL) – Wararka ka imanaya
gobolka Mudug ayaa sheegaya in Al-shabaab rasaas ku fureen gaari ay saarnaayeen
dad shacab oo ka baxsanayay dagaal ka dhacay deegaan lagu magacaabo Caad oo
iska horimaad uu ku dhaxmaraay xoolo dhaqato iyo Al-shabaab.
Maalintii shalay ayeey aheyd markii dagaal u
dhaxeeyay shacab iyo A-shabaab wuxuu ka dhacay deegaanada Caad iyo Camaara, kadib
markii Shabaab dadka degaanka ay ku amreen inay bixiyaan lacagta Shabaab ay u
yaqaanaan Sakawaadka, balse dadka ayaa ka biyo diiday arrintaasi.
Gaariga oo marayay wadada xiriirisa Caad iyo
Camaara oo Shabaab difaac halkaasi ay kaga jiraan ayaa mar kaliya waxa ay
rasaas ku fureen gaariga, waxayna taasi keentay inay dhintaan laba gabdhood oo
wada dhashay oo xabadahii ay ku dhaceen.
Wararku waxaa ay sheegayaan in meydadka labo ruux
oo ku dhintay loo qaaday degmada Cadaado ee Gobolka Galgaduud, masuuliyiin u hadashay
maamulka Galmudug ayaa waxa ay sheegeen in Caad iyo Camaara ay u dirayaan
ciidan la dagaalama Al-shabaab.
C/raxmaan Diini, Hiiraan
Online
[email protected]
