Arbaco, July, 04, 2018 (HOL) – Gudoomiyaha Gobolka Sool ayaa xilkii
taliyaha qaybta Booliska Gobolka Sool u kala sareejiyey Taliyihii hore iyo ku
xigeenkiisii.
Xilwareejintan oo ka dhacday
xarunta qaybta Booliska Gobolka Sool ayaa waxaa ka hadlay Taliyihii xilka
Wareejinayey G/sare C/risaaq Maxamed Faarax oo sheegay in uu maanta si buuxda
xilkii ciidanka uu ku wareejiyey taliye Xigeenka qaybta oo ah kusimaha taliyaha
loo soo magcaabay oo aan weli soo gaadhin Gobolka.
C/risaaq waxa uu sheegay in meel
wacan ay marayso xaalada amaanka Gobolka, waxaanu ka codsaday in sidii ay
ula shaqaynayeen ay ula shaqeeyaan.
G/lle Maxamed Cali Ciise ku simaha
taliyaha qaybta Booliska Gobolka Sool oo hadal kooban jeediyey ayaa waxa uu
balan qaaday in uu si daacad ah uu bulshada ugu adeegi doono, waxaanu ka
codsaday in garab la siiyo.
"Waxaanu markhaati ka nahay in
maanta xilkii taliyaha qaybta Booliska uu la wareegey taliye Xigeenka oo ah
kusimaha taliyaha qaybta oo imaandoona" sidaa waxaa yidhi Gudoomiyaha
Gobolka Sool Cabdi Khayre Dirrir.
Taliyaha xilka wareejiyey oo sida ay
dadka intooda badan qirayaan inuu ahaa sarkaalkii ugu miisaanka cuslaa, isla
markaan ku soo beegmay xili xiisad colaadeed Gobolka ka taagnaa taas oo mudadii
uu joogey si macquuliyad ah u maarayn jirey, taasina waa ta sababtay in
Bulshada rayidka ahi ay Shahaado sharaf saaka ku gudoonsiiyaan.
Saynab Cabdi Warsame
Laascaanood
