Arbaco, July, 04, 2018 (HOL) – Warar dheeraad ah ayaa ka soo baxaya dagaal
saacado badan qaatay oo maanta ka dhacay deegaanka Caad ee Koofurta Mudug,
kaasoo u dhaxeeyay maleeshiyo deegaanka ah iyo dagaalamayaal ka tirsan
Al-Shabaab.
Wararku waxaa ay sheegayaa in dadka deegaanka
iska diideen amar uga yimid Al-shabaab oo ah in wiilashooda ku soo wareejiyaan
Ururka iyo xoolaha oo laga qaado wax ay Al-shabaab ku tilmaamaan Zakawaat
Guud ahaan marka la eego xaalada deegaannadii
lagu dagaalamay ayaa degan, waxaana deegaanka labo jeer gacan ku heyntiisa isku
bedelay maleeshiyaadkii hubeysnaa iyo dagaalamayaasha Shabaab.
Al-Shabaab ayaa la sheegay in gurmad uga yimid
dhanka Xarardheere ay ku guuleysatay inay ka saaraan deegaanka maleeshiyaadkii
soo weeraray.
Warar lagu qoray baraha Internet-ka ee taageera
Al-Shabaab ayaa lagu sheegay in maleeshiyo soo weerareen deegaanka Caad, lagana saaray, iyagoo intaa raaciyay in ay dileen 15 ka tirsanaa kooxihii weerarka soo qaaday.
Laakiin dhinaca kale ma jirto cid u hadashay
dadka deegaanka ee la dagaalamay Al-shabaab ama wax war ah oo maamulka Galmudug
ay ka soo saareen dagaalka.
C/raxmaan Diini, Hiiraan
Online
[email protected]