Arbaco, July, 04, 2018 (HOL) – Faah faahin
dheeraad ah ayaa ka soo baxaya qarax ciidamada ka tiran Booliska Kenya shalay
gelinkii dambe lagula eegtay deegaanka Lafey oo hoos-yimaada degmada Mandheera
oo ka tirsan gobolka Waqooyi Bari dalka Kenya.
Wararku waxaa ay sheegayaaan in in qarax miino uu tuulada Sheekh Baroow ku
qabsaday mid ka mid ah gaadiid kolonyo ahaa oo ay wateen ciidamada Kenya,
halkaas-na uu ku burburay gaari nuuca dagaalka ah oo ay wateen ciidanka.
Al-shabaaab ayaa warar ay ku faafiyeen bogagga
Internetka waxaa ay sheegteen mas’uuliyadda
iyaga oo sheegay in marka laga soo tago burburka gaariga in ay xaqiijin karin
khasaaraha ciidamada Kenya ka soo gaaray qaraxaasi.
Wararkii ugu dambeeyay ee saakay ka soo baxaya
deegaanka uu qaraxa ka dhacay ayaa sheegaya in ciidamo gurmad ah ay soo
gaareen, kuwaasi oo bilaabay ka daba tagga ragga weerarkan soo maleegay.
Xoogaga Shabaab ayaa inta badan qaraxyada
miinooyinka iyo weerarada dhabagalka ah waxa ay u dhigaan ciidamada Kenya ee ku
socdaala magaalooyinka gobolka Waqooyi Bari dalka Kenya.
C/raxmaan Diini, Hiiraan
Online
[email protected]
