11/16/2018
Today from Hiiraan Online:  _
Wararka Maanta- Talaado, July 31, 2018
AMISOM oo sheegtay ay ballaarineyso howlgalka ka dhanka ah Al-shabaab



Talaado, July, 31, 2018 (HOL)-Howlgalka midowga Africa AMISOM ayaa sheegay in ay ballaarinayaan islamarkaana sare loo qaadayo howlgalka ka dhanka xarrakada Al-shabaab oo wali maamusha qeyb ka mid ah dalka.

Magaalada Muqdisho lagu qabtay oo dhawaan ku soo gabagaboobay kulan ay lahaayeen khubaro ka kala soctay AU, UNSOM, UK iyo hay’addo kale oo qaabilsan arrimaha amaanka, waxaana kulankaa looga wada hadlay sidii wada jir leysaga kaashan lahaa howlgalada ka dhanka ah Al-shabaab.

War ka soo baxay AMISOM ayaa lagu sheegay in qorshaha socda uu yahay hadda sidii Al-shabaab looga saari lahaa qeybaha ay wali dalka ka sii maamulaan iyaga oo taageero militari siinaya ciidamada dowladda Soomaaliya.

Ma’aha markii ugu horeysay oo sidan oo kale la qabto kulamo looga arinsanayo howlgalo laga fuliyo deegaannada ay maamulaan Al-shabaab ee gudaha dalka Soomaaliya, laakiin taa badalkeeda waxaa la arkaa Al-shabaab oo iyagu weerarro xooggan ku haya xarumaha ciidamada midowga Africa iyo kuwa dowladda ay ku leeyihiin Koonfurta iyo Bartamaha Soomaaliya.

C/raxmaan Diini, Hiiraan Online
[email protected]







Click here
7/31/2018 3:57 PM EST
Talaado, July, 31, 2018 (HOL)-Qoraal ka soo baxay xafiiska Wasiirka Wasaaradda Ganacsiga xukuumadda Soomaaliya Maxamed Cabdi Xayir Maareeye ayaa markii ugu horeysay lagu sheegay in wasaaradu baadi-goob u gali doonto midabka saxda ah ee calanka Soomaaliya.

7/31/2018 1:24 PM EST
Talaado, July, 31, 2018 (HOL) – Madaxweynaha Puntland, Cabdiweli Maxamed Cali Gaas, isimmo iyo waxgarad kale ayaa maanta si rasmi ah u dhagax-dhigey deked ganacsi oo laga hirgalinnayo deegaanka Garacad ee gobolka Mudug iyo waddo laami ah oo ku xireysa degmada Galdogob, waxaa la sheegay dekedda iyo waddada in lugu dhisayo isku-tashi bulsho, taas oo ka dhigeysa mashruucii ugu ballaarna oo bulshadu si isku-tashi ah ku dhisto.

7/31/2018 12:58 PM EST
Talaado, July, 31, 2018 (HOL) – Wasiirka wasaaradda Duulista Hawada dowladda Soomaaliya Maxamed Cabdullaahi Salaad Oomaar oo warbaahinta la hadlay ayaa beeniyay in ciidamada nabad-galyada garoonka Aadan Cadde ee magaalada Muqdisho barkhadii maanta xireen gudoomiyaha rugta ganacsiga Jubbaland Shaafi Raabi.

7/31/2018 11:53 AM EST
Talaado, July, 31, 2018 (HOL)-Ra'iisul wasaaraha Soomaaliya, Xasan Cali Khayre oo booqasho ku jooga Puntland ayaa maanta safar dhulka ah ku gaaray degmada Qardho , halka oo ay dadweyne badan ku soo dhaweeyeen.

7/31/2018 10:10 AM EST
Talaado, July, 31, 2018 (HOL)- Ciidamada Amniga ee Gabiley Somaliland, ayaa qabtay Hilib gaar ahaan Beer iyo Kalyo laga soo galiyey dhinaca Itoobiya oo loo soo waday magaalada Hargeysa.

7/31/2018 4:22 AM EST
Talaado, July, 31, 2018 (HOL)-Faah faahinno dheeraad ah ayaa ka soo baxaya xarig saacadihii hore ee maanta ciidamada amaanka garoonka diyaaradaha Muqdisho kula kaceen guddoomiyaha Rugta ganacsiga Jubbaland islamarkaana ah xoghayaha rugta ganacsiga Soomaaliyeed Shaafi Raabi.

7/31/2018 3:34 AM EST
Talaado, July, 31, 2018 (HOL)-Dood dheer oo ay arintan ka yeesheen kaddib Golaha Amaanka Qaramada Midoobey ayaa isku raacay in dib loo dhigo dhismista iyo yareynta ciidamada howlgalka midowga Africa AMISOM ee dowladda Soomaaliya ka caawinaya nabad soo celinta iyo dagaalka ka dhanka ah Al-shabaab.

7/31/2018 3:05 AM EST
Talaado, July, 31, 2018 (HOL)- Madaxweynaha Puntland , Cabdiweli Maxamed Cali Gaas iyo wafdi uu hoggaaminayo ayaa lugu wadaa inuu goor dhow gaaro deegaan xeebeedka Garacad ee gobolka Mudug , halkaas oo u ka dhagax-dhigayo deked ganacsi , mashruuca oo lugu sheegay midka ugu ballaaran ee la doonnayo isku-tashi in lugu dhiso.

7/31/2018 1:23 AM EST
Talaado, July, 31, 2018 (HOL)-Waa ra’iisal wasarihii ugu horeeyay ee Itoobiyaan ah oo taga gobolka Minnesota ee dalka Mareykanka halkaa oo ay ku dhaqan yihiin tirada ugu badan marka la eego Qowmiyadaha kala duwan ee ku nool dalka Itoobiya.

7/31/2018 1:04 AM EST
Talaado, July, 31, 2018 (HOL)-Ra’iisal wasaaraha xukuumadda Soomaaliya Xassan Cali Kheyre oo isaga oo ku sugan Garoowe la hadlay Laanta Afka Soomaaliga ee BBC da ayaa sheegay in xukuumaddu meel wanaagsan u mareyso sida uu hadalka u dhigay qorshaha xiliga kala guur-ka ee AMISOM dalka uga baxayaan.