Sabti, July, 28, 2018 (HOL) – Dallada SAFA oo ay
ku mideysan yihiin ilaa 300 oo dugsi ku
kala yaala gobollada dalka ayaa qaadacday shaacinta natiijadii Imtixaannaadka
ee sanadkan la qaaday.
Keyse Mayoow Abu-Xusseen oo ah agaasimaha Dallada
oo la hadlay Hiiraan Online ayaa sheegay in ay ka soo horjeedaan sida uu
hadalka u dhigay habkii loo maamulay natiijadii Imtixaanka.
“Muddo dhowr Sanno ah
ayaa soo diyaarineyney Ardeydaas sidaa darteed Wasaarada Waxbarashada wax
Xil ah ama Mas’uuliyadeed ah kama muujin habkii loo
qaadey iyo habkii loo saxay Imtixaanaadka waxaa uu yiri Agaasimaha.
Waxaa uu intaa ku daray in
Wasaaradda Waxbarashada ka tallo-galin Dallada sixida iyo shaacinta natiijada Imtixaanka,
taasoo keentay ayuu yiri in ay meesha ka muuqato sida uu hadalka u dhigay
cadaallad darro lagu sameeyay qaar ka mid ah Ardeyda Soomaaliyeed.
“Hadii aan nahay
hay'adda Waxbarashada SAFE waxaan u sheegeynaa bulshada Soomaaliyeed
in Imtixaanaadkii Sannadkaan la siyaasadeeyey islamarkaana arday badan
mustaqbalkoodana mugdi la galiyey”
Waxaa uu sheegay
in ugu danbeyntii in wax lala yaabo tahay in 5 kun oo Ardey Soomaaliyeed ah
sida uu sheegay la rido.
Cabashadan ayaa imaneysa xili
labo cisho uun ka hor xilkii laga qaaday wasiirkii Waxbarashda Hidaha iyo
Tacliinta Sare Cabdiraxmaan Daahir Cismaan oo saacado uun ka hor xil ka
qaadistiisa ku dhawaaqay natiijada Imtixaanka.
C/raxmaan
Diini, Hiiraan Online
[email protected]