Sabti, July, 28,
2018 (HOL)-Hay’addaha ICRC ayaa ku dhawaaqday in yareyneysa howlgaladeedii
samafalka ee gudaha dalka Soomaaliya sida lagu baabacay Bogga Internetka ee
Relief-web sababo la xiriira xaalada dhinaca Amniga ee bilihii ugu danbeeyay
soo food saaray shaqaalaha hay’adda.
Warbixinta ayaa lagu
sheegay bishii Maarso ee sanadkan si ula kaca ah mid ka mid ah shaqaalaheeda
gudaha dalka Soomaaliya oo lagu magacaabi jiraay Cabdi Xafiid toogasho lagu dilay
isaga oo ku sugan ilinka hore ee xafiiskiisa shaqada.
Sidoo kale hay’addaha
ayaa shegtay in bishii May Sonja, oo ahayd gabar kalkaaliso ayaa lagu afduubtay
gudaha magaalada Muqdisho.
Labadaasi dhacdo
ayeey sheegtay hay’adda ICRC in ay u qaaday tallaabadan ku yareyneyso
dhaqdhaqaaqydii dhinaca samafalka oo ay ka waday gudaha dalka Soomaaliya.
Laakiin hay’adda
ayaa sheegtay in taallabadan ay qaadeen aysan macnaheedu aheyn in gabi ahaanba
la joojiyay howlihii hay’addaha ee gudaha dalka Soomaaliya, laakiin ujeedadu
tahay oo kaliya in la xaqiijiyo amaanka shaqaalaha oo ah awooda ay ku dhisan
tahay sida warbxiinta ku jirta hay’adda.
ICRC waxaa y ka mid
tahay hay’addaha ugu waaweyn ee ka howlgala gudaha dalka Soomaaliya muddo
dheer-na ka soo shaqeynayay xitaa marka dib loo malicsado waqtiyadii colaada.
C/raxmaan
Diini, Hiiraan Online
[email protected]
