Khamiis, July, 26, 2018 (HOL)–Madaxweynaha Soomaaliya ayaa maanta soo xiray ololaha Xoogaga
wadaniyiinta Gobolka Banaadir kuwaas oo ka qeyb- qadanaya barnaamijyada
wacyigalinta iyo xasilinta caasimadda iyadoo munaasabadaan xiritaanka ah uu soo
qaban qaabiyay maamulka gobolka Banaadir.
Ku-simaha Guddoomiyaha gobolka
Banaadir ah-na guddoomiye ku-xigeenka maamulka iyo maaliyadda gobolka Banaadir
mudane Xusseen Maxamed Nuur, taliyaasha ciidamada qalabka sida iyo maamulada
degmooyinka ayaa ayaa goob joog ka ahaa munaasabadani.
Taliyaha ciidamada Booliiska
Soomaaliyeed Sareeye Gaas Bashiir Cabdi Maxamed ayaa sheegay in xoogaga
wadaniyiinta Soomaaliyeed ay aas aas u yihiin horu-marinta amniga caasimadda,
Ku-simaha guddoomiyaha gobolka
Banaadir ahna guddoomiye ku-xigeenka maamulka iyo maaliyadda gobolka Banaadir Xusseen Maxamed Nuur oo munaasabada ka hadlay waxaa uu sheegay in
maamulka gobolka Banaadir uu ku guuleestay hirgalinta barnaamijka dariseenta oo
guula muhiim ah laga gaaray waxa uu sidoo kale sheegay in uu meel gaba gaba ah
maraayo qorshaha horumarinta caasimadda ee 5-sano soo socoto kaas oo ka kooban
6-Tiir,
Ugu danbeyn ku-simaha duqa magaalada
Muqdisho ayaa ka dhawaajiyay in xaquuq ay heli doonan howl wadeenada xoogaga
wadaniyiinta gobolka Banaadir,
Madaxweynaha Jamhuuriyadda
Federaalka Soomaaliya Maxamed Cabdullaahi Maxamed ( Farmaajo) ayaa uga
mahadceliyay maamulka gobolka Banaadir doorka uu ka geestay in ololahaani lagu
guulesto islamarkaana uu soo gaaro heerkan,
Madaxweynaha ayaa sidoo kale sheegay
in dowlada dhiira-galin doonto qorsha kaste oo lagu xoojinaayo qaranimada iyo
horumarinta wadajirka umada Soomaaliyeed si looga guulesto sharwadayaasha inoo
diidan inaan hormarno oo aan la tartan asaageena.
C/raxmaan
Diini, Hiiraan Online
[email protected]
