9/23/2018
Today from Hiiraan Online:  _
Wararka Maanta- Khamiis, July 26, 2018
Hargeysa:Warshaddii Furaashyadda oo xalay qaybo ka mid ahi gubatay



Khamiis, July, 26, 2018 (HOL) – Warshaddii Furaash-yadda ee Hargeysa ku taalla ayaa xallay xili dambe dab ka qarxay,inkastoo aanu khasaare badan soo gaadhin cidna waxba ku noqon.

Warshadan Fuuraashadda oo ku taalla koonfurta magaalada Hargeysa, gaar ahaan xaafadda Maxamed Mooge ayaa xalay habeen badhkii dab ka qarxay ay qaybo ka mid ahi gubatay, wallow aanu gaadhin qaybta warshadda.

Ciidamada Dam-damiska iyo ciidanka Booliska ayaaa gurmad balaadhan u fidiyey, waxaanu taliyaha ciidanka Dab-damiska Somaliland Axmed Sawaaxili sheegay inay dagaal ay la galeen dabka ay ka badbaadiyeen inuu sii fidiyo,isla markaana aanu gaadhin qalabkii muhiimka ah, inkastoo qaybta kaydka ama alaabta la dhigaakhasaare soo gaadhay.

“Warshadda Furaashadda waxa ka kacay dab, waxaana sii caawiyey inuu dabku sii bato kimikadda laga sameeyo Furaashadda, waxaanu nimid dabkii oo aad sii badanaya, nasiib wanaaag lix meelood baanu ka soo weerarnay, sidaas ayaanu ku bakhtiinay, warshadii waxba may noqon, intii alaabta la dhigayey uun baa gubatay”ayuu yidhi taliyaha ciidanka Dab-damiska Somaliland Sawaaxili.

Madaxda warshaddan ayaa sheegay in inta badan la badbaadiyey warshadda marka laga reebo wax soo saarkii shalay oo u badan inta gubatay, waxaanay sheegeen inay hore laba jeer oo kale warshadu gubatay oo ay ku shuf beeshay.

Warshadan waa markii labaad ee gubatay, iyadoo wakhtiyaadaasi aanay jirin dab-damis u gurmadda., haseyeeshee xalay la badbaadiyey.

Barkhad-ladiif M. Cumar, Hiiraan Online

[email protected]

Hargeysa, Somaliland.







Click here
7/26/2018 1:16 PM EST
Khamiis, July, 26, 2018 (HOL) –Sawir qaade ka tirsanaa TV SBS xaruntiisa magaalada Muqdisho oo lagu magacaabi jiray Cabdirisaaq Khaasim Imaan ayaa waxaa gallinkii danbe ee maanta toogasho ku dilay askari tirsan ciidamada dowladda.

7/26/2018 12:02 PM EST
Khamiis, July, 26, 2018 (HOL) –Khilaafka ka taagan arrimaha Xajka ee ku saleysan qaadista xujeyda Soomaalida ee doonaya in ay sanadkan soo xajiyaan, ayaa u muuqda mid mugdi sii galinaya rajadii Kumannaan Kun oo Soomaali ah ka qaabeen in ay ka mid noqdaan malaayiinta muslimiinta ah ee gudanaya waajibaadka xajka.

7/26/2018 11:53 AM EST
Khamiis, July, 26, 2018 (HOL) –Kulan Golaha Wasiirada Soomaaliya ay maanta oo Khamiis ah ku yeesheen magaalada Muqdisho ayaa lagu ansixiyay magacaabista Ilaa Saddex Safiir oo aan la sheegin dalalka loo magacaabay.

7/26/2018 10:32 AM EST
Khamiis, July, 26, 2018 (HOL) – Madaxweynaha Jamhuuriyadda Federaalka Soomaaliya ayaa maanta soo xiray ololaha Xoogaga wadaniyiinta Gobolka Banaadir kuwaas oo ka qeyb qadanaya barnaamijyada wacyigalinta iyo xasilinta caasimadda iyadoo munaasabadaan xiritaanka ah uu soo qaban qaabiyay maamulka gobolka Banaadir.

7/26/2018 7:15 AM EST
Khamiis, July, 26, 2018 (HOL) – Ra’iisal wasaaraha dalka Itoobiya Abiy Ahmed ayaa lagu wadaa in maanta safarkiisii ugu horeeyay uu ku gaaro magaalada Washington ee dalka Mareyknka, isaga oo 30ka bishan-na lagu wado in uu tago magaalada Minneapolis ee gobolka Minnesota.

7/26/2018 4:27 AM EST
Khamiis, July, 26, 2018 (HOL) – Maxkamadda darajada koowaad ee ciiamada qalabka sida ayaa waxay ku dhawaaqday Xukun dacwad ciqaabeed loo heystay eedeysane Jaamac Xusseen Xasan Nuuni oo xafiiska xeer ilaalinta ciidamada Qalabka sida ay ku soo eedeysay inuu ka tirsan yahay Kooxda Argagixisada Daacish una qaabilsanaa farsameynta Qaraxyada.

7/26/2018 2:30 AM EST
Khamiis, July, 26, 2018 (HOL) –Waxaa soo baxaya eedeymo ay u jeedinayaan ciidamada Kenya qoysaska 46 ruux oo lagu la’yahay howlgalo ciidamada ka sameeyeen gobolka xeebta ah oo lagu baacsanayay kooxo ka tirsan Argagixisada iyo burcad.

7/26/2018 2:02 AM EST
Khamiis, July, 26, 2018 (HOL)–Ciidamada dowladda Soomaaliya ayaa xalay gurigiisa degmada Waaberi ee gobolka Banaadir ka soo qabtay agaasimihii Wasaaradda Maareynta Masiibooyinka Daahir Maxamed Nuur oo lagu soo eedeeyay musuq-maasuq.

7/26/2018 1:05 AM EST
Khamiis, July, 26, 2018 (HOL)–Wali waxaa soconaya dagaallada iyo iska horimaad-yada u dhaxeeya Qowmiyadaha Oromada iyo Soomaalida, waxaana saacadihii ugu danbeeyay lagu waramayaa in maleeshiyo ka tirsan Qowmiyada Oromada ay dileen Afar Ruux oo Soomaali ah.

7/26/2018 12:20 AM EST
Khamiis, July, 26, 2018 (HOL)–Wareegto ka soo baxday xafiiska ra’iisal wasaaraha xukuumadda Soomaaliya Cali Khayre maanta oo ay Taariikhda ku beegan tahay 26ka July 2018 waxaa xilkii Wasiirka Wasaaradda Waxbarashada looga qaaday Cabdiraxmaan Daahir Cismaan.