11/19/2018
Today from Hiiraan Online:  _
Wararka Maanta- Arbaco, July 25, 2018
Wasiirka Waxbarshada Soomaaliya : Ma jirto Jaamacad aan aqoonsannahay


 

Arbaco, July, 25, 2018 (HOL)–Wasiirka Wasaaradda Waxbarashada Hindaha iyo Tacliinta Sare Cabdiraxmaan Daahir Cismaan ayaa markii ugu horeysay sheegay in aysan jirin Jaamacad ay aqoosan tahay Wasaaraadiisa, xitaa marka lagu duro Jaamacada Ummadda Soomaaliyeed oo hoos-tagta dowladda Soomaaliya .

Wasiirka ayaa sheegay in guud ahaan marka la eego Jaamacada ka dhisan dalka midkood-na aysan laheyn astaamihii ay sharuudihii looga baahnaa in ay Jaamacad yeellato, taasoo keentay ayuu yiri in ilaa iyo hadda aysan jirin Jaamacad ay aqoonsan tahay xukuumadda.

‘’Annaga ma jirto Jaamacad aan aqoonsannahay, Jaamacad ahaan aan u aqoonsannahay oo aan dhihi karno Jaamacada-ni waan aqoonsannay oo qaabka ay u sameysan tahay iyo tacliinta ay bixineyso aan ku qanacsannahay, xitaa Jaamacada Ummadda waayo Jaamacadaha dalka ka dhisan ayeey ka mid tahay’’ ayuu yiri Wasiirka.

Laakiin Wasiirka Wasaaradda Waxbarashada ayaa sheegay in ay jiraan jaamacado soo buuxin karin marka la eego heerka waxbarasho ee Jaamacadeed, isaga oo yiri’’ Waan og-nahay in ay jiraan Jaamacado soo buuxin doona heerkii caalamiga ahaan Jaamacadeed, laakiin wali iskuma aanan iman oo kama aynaan wada hadal arintaa, marka aad Koontaroolno kaddib Jaamacadahaas oo ay soo buuxiyaan sharuudaha aan isla garanno ayaan dhihi karnaa waa Jaamacad rasmi ah’’ ayuu yiri hadalkiisa sii raaciyay.

Mar uu ka jawaabayay su'aal aheyd mar haddii aysan Jaamacad ahaan u aqoosanneyn sababta ay ruqsada u siiyeen ayuu yiri’’ Waxna waa diiwaan-galin, waxna waa aqoonsi, marka annaga sabab aan u diidi karno in ay ka shaqeeyaan dalka ma jirto, sidaa ayaan u diiwaan-galinnay’’ ayuu yiri Wasiirka.

Lama oga jawaabta ay ka bixin doonaan mas’uuliyiinta Jaamacadaha dalka hadalka ka soo yeeray Wasiirka Wasaaradda Waxbarashada Hindaha iyo Tacliinta Sare.

C/raxmaan Diini, Hiiraan Online
[email protected]







Click here
7/25/2018 4:23 PM EST
Arbaco, July, 25, 2018 (HOL) – Tababarkan ama Aqoon-is-Weydaarsigan oo ay ka qeyb-gallaan Warbaahinta Dowliga ah, kuwa madax-bannaan iyo culima’uudiin lagu-na baranayay habka wacyi-galinta iyo ka hortaga gudniinka Fircooniga ayaa lagu soo gabagabeeyay maanta magaalada Muqdisho.

7/25/2018 2:52 PM EST
Arbaco, July, 25, 2018 (HOL) - Wasiirka Waxbarashada, Hiddaha iyo tacliinta sare ee Xukuumadda federaalka Soomaaliya, Mudane C/raxmaan Daahir Cusmaan oo caawa Shir jaraa’id ku qabtay magaaladda Muqdisho, ayaa ka warbixiyey Natiijada Imtixaanka Shahaadiga dugsiyada sare dalka ee Sanad dugsiyeedka 2017-2018.

7/25/2018 10:14 AM EST
Arbaco, July, 25, 2018 (HOL)–Wararka dheeraad ah ayaa ka soo baxay goor dhaw oo maanta ah dulleedka magaalada Muqdisho lagula eegtay sarkaal ka tirsan ciidamada militari-ga dowladda Soomaaliya oo marayay deegaanka Ceelasha Biyaha.

7/25/2018 8:46 AM EST
Arbaco, July, 25, 2018 (HOL)– Madaxweynaha Somaliland Muuse Biixi Cabdi ayaa casho-sharaf ku maamuusay aqoonyahanno, isugu jira qorayaal, cilmi-baadhayaal iyo mu’allifiin kasoo kala jeeda dalal kala duwan oo caalamka ah, kuwaas oo lagu marti-qaaday carwadda caalamiga ah ee bandhigga Buugaagta Hargeysa (Hargeisa International Book Fair) oo toddobaadkan laga furay magaaladda Hargeysa.

7/25/2018 7:31 AM EST
Arbaco, July, 25, 2018 (HOL) - Madaxweynaha Puntland, Cabdiweli Maxamed Cali (Gaas) ayaa xarunta madaxtooyada Puntland ee dulleedka magaalada Garoowe ku qaabilay wafdi uu hoggaaminayay wakiilka gaarka ah ee xoghaya guud ee Qaramada Midoobey ee Soomaaliya,Michael Keating oo wada-hadal gaar ah ay yeesheen.

7/25/2018 7:07 AM EST
Arbaco, July, 25, 2018 (HOL)–Beeraleyda Mareykanka ayaa heli doona 12 bilyan oo dollar oo gargaar deg deg ah si ay uga caawiso khasaaraha la filayo inuu kasoo gaaro siyaasadaha ganacsi ee Madaxweyne Trump.

7/25/2018 5:39 AM EST
Arbaco, July, 25, 2018 (HOL)–War qoraal ah oo ka soo baxay madaxtooyada Soomaaliya ayaa lagu sheegay in madaxweynaha dowladda Soomaaliya Maxamed Cabdullaahi Farmaajo oo cuskanaya qodobka 87 iyo 90 aad ee Dastuurka KMG uu abuurayo guddiga dhaqaalaha Qaranka.

7/25/2018 2:14 AM EST
Arbaco, July, 25, 2018 (HOL)–Kooxda dab damiska dalka Gariiga ayaa sheegay in tirada dadka ku dhintay dab ka kacay goob kayn ah ay imika koradhay.

7/25/2018 1:14 AM EST
Arbaco, July, 25, 2018 (HOL)–Sida laga soo xigtay dadka deegaanka diyaarado dagaal xalay ayaa fiidkii duqeyn ka geystay deegaanka Qalimoow ee gobolka Shabeellaha dhexe oo galinkii danbe ee shalay ay la wareegeen xoogag ka tirsan Al-shabaab.

7/25/2018 12:56 AM EST
Arbaco, July, 25, 2018 (HOL)-Labo dhalinyaro Soomaali ayaa saacadihii ugu danbeeyay lagu waramayaa in lagu dilay xaafaddaha isku raranka ah ee galbeedka magaalada Cape Town dalka Koonfur Africa sida laga soo xigtay Jaaliyada Soomaalida Koonfur Africa.

7/25/2018 12:53 AM EST
Arbaco, July, 25, 2018 (HOL) -Ciidamo aad u hubeysan ayaa la soo dhoobay magaalda Jigjiga kaddib rabshado saacadihii ugu danbeeyay ay ka dhigeen magaalada dad u badnaa dhalinyaro ka cabanaya maamulka dowlad deegaanka Soomaalida Itoobiya ee uu horkacayo madaxweyne Cabdi Maxamuud Cumar.