9/22/2018
Today from Hiiraan Online:  _
Wararka Maanta- Arbaco, July 25, 2018
Madaxweynaha dowladda Soomaaliya oo soo saaray xeer lagu dhisayo Golaha Dhaqaalaha Qaranka


 

Arbaco, July, 25, 2018 (HOL)–War qoraal ah oo ka soo baxay madaxtooyada Soomaaliya ayaa lagu sheegay in madaxweynaha dowladda Soomaaliya Maxamed Cabdullaahi Farmaajo oo cuskanaya qodobka 87 iyo 90 aad ee Dastuurka KMG uu abuurayo  guddiga dhaqaalaha Qaranka.

Xeerkan oo ku taaariikheysan in uu soo baxay 12kii bishan July waxaa lagu faafiyay qaab dhismeedka uu noqonayo guddiga Dhaqaalaha Qaranka.

Guddigan ama golaha ayaa la sheegay in ay noqon doonaan kuwo kala taliya dowladda arrimaha la xiriira siyaasada Dhaqaalaha iyo Maaliyadeed ee dalka.

Golaha ayaa la sheegay in uu ka koobnaan doono guddi hoosaadka Dhaqaalaha ee Golaha Wasiiradda xukuumadda Soomaaliya, guddoomiyaha Bankiga Dhexe, Madaxda dowlad gobolleedyada iyo Ilaa iyo Shan xubnood oo la sheegay in ay noqon doonaan La taliyayaal lagu soo xushay aqoontooda.,

Golahan ayeey shaqadiisu noqon doonta oo kaliya in uu dowladda kala taliyo Dhaqaalaha iyo diyaarinta Istiraatijiyada Dhaqaalaha iyo Siyaasada Maaliyadeed ee dalka.

Qodobada uu gaar ahaan kala talin doono dowladda ayaa lagu sheegay 1:-Sidda ugu Haboon ee loo hanan karo himilooyinka Dhaqaale iyo Siyaasada Maaliyada 2:-Waxaa uu kala saari doonaa shuruucda Arrimaha Federaalka ee la xiriira Dhaqaalaha iyo Kheyraadka dalka, 3:-Waxaa uu dowladda ka caawin doonaa guddigan u hogaansanaanta qawaaniinta gudaha iyo dibeda e la xiriira arrimaha Dhaqaalaha.

Qoraalka waxaa ku saxiixan madaxweynaha dowladda Soomaaliya Maxamed Cabdullaahi Farmajo.

  

C/raxmaan Diini, Hiiraan Online
[email protected]







Click here
7/25/2018 4:23 PM EST
Arbaco, July, 25, 2018 (HOL) – Tababarkan ama Aqoon-is-Weydaarsigan oo ay ka qeyb-gallaan Warbaahinta Dowliga ah, kuwa madax-bannaan iyo culima’uudiin lagu-na baranayay habka wacyi-galinta iyo ka hortaga gudniinka Fircooniga ayaa lagu soo gabagabeeyay maanta magaalada Muqdisho.

7/25/2018 2:52 PM EST
Arbaco, July, 25, 2018 (HOL) - Wasiirka Waxbarashada, Hiddaha iyo tacliinta sare ee Xukuumadda federaalka Soomaaliya, Mudane C/raxmaan Daahir Cusmaan oo caawa Shir jaraa’id ku qabtay magaaladda Muqdisho, ayaa ka warbixiyey Natiijada Imtixaanka Shahaadiga dugsiyada sare dalka ee Sanad dugsiyeedka 2017-2018.

7/25/2018 10:14 AM EST
Arbaco, July, 25, 2018 (HOL)–Wararka dheeraad ah ayaa ka soo baxay goor dhaw oo maanta ah dulleedka magaalada Muqdisho lagula eegtay sarkaal ka tirsan ciidamada militari-ga dowladda Soomaaliya oo marayay deegaanka Ceelasha Biyaha.

7/25/2018 8:46 AM EST
Arbaco, July, 25, 2018 (HOL)– Madaxweynaha Somaliland Muuse Biixi Cabdi ayaa casho-sharaf ku maamuusay aqoonyahanno, isugu jira qorayaal, cilmi-baadhayaal iyo mu’allifiin kasoo kala jeeda dalal kala duwan oo caalamka ah, kuwaas oo lagu marti-qaaday carwadda caalamiga ah ee bandhigga Buugaagta Hargeysa (Hargeisa International Book Fair) oo toddobaadkan laga furay magaaladda Hargeysa.

7/25/2018 8:29 AM EST
Arbaco, July, 25, 2018 (HOL)–Wasiirka Wasaaradda Waxbarashada Hindaha iyo Tacliinta Sare Cabdiraxmaan Daahir Cismaan ayaa markii ugu horeysay sheegay in aysan jirin Jaamacad ay aqoosan tahay Wasaaraadiisa, xitaa marka lagu duro Jaamacada Ummadda Soomaaliyeed oo hoos-tagta dowladda Soomaaliya.

7/25/2018 7:31 AM EST
Arbaco, July, 25, 2018 (HOL) - Madaxweynaha Puntland, Cabdiweli Maxamed Cali (Gaas) ayaa xarunta madaxtooyada Puntland ee dulleedka magaalada Garoowe ku qaabilay wafdi uu hoggaaminayay wakiilka gaarka ah ee xoghaya guud ee Qaramada Midoobey ee Soomaaliya,Michael Keating oo wada-hadal gaar ah ay yeesheen.

7/25/2018 7:07 AM EST
Arbaco, July, 25, 2018 (HOL)–Beeraleyda Mareykanka ayaa heli doona 12 bilyan oo dollar oo gargaar deg deg ah si ay uga caawiso khasaaraha la filayo inuu kasoo gaaro siyaasadaha ganacsi ee Madaxweyne Trump.

7/25/2018 2:14 AM EST
Arbaco, July, 25, 2018 (HOL)–Kooxda dab damiska dalka Gariiga ayaa sheegay in tirada dadka ku dhintay dab ka kacay goob kayn ah ay imika koradhay.

7/25/2018 1:14 AM EST
Arbaco, July, 25, 2018 (HOL)–Sida laga soo xigtay dadka deegaanka diyaarado dagaal xalay ayaa fiidkii duqeyn ka geystay deegaanka Qalimoow ee gobolka Shabeellaha dhexe oo galinkii danbe ee shalay ay la wareegeen xoogag ka tirsan Al-shabaab.

7/25/2018 12:56 AM EST
Arbaco, July, 25, 2018 (HOL)-Labo dhalinyaro Soomaali ayaa saacadihii ugu danbeeyay lagu waramayaa in lagu dilay xaafaddaha isku raranka ah ee galbeedka magaalada Cape Town dalka Koonfur Africa sida laga soo xigtay Jaaliyada Soomaalida Koonfur Africa.

7/25/2018 12:53 AM EST
Arbaco, July, 25, 2018 (HOL) -Ciidamo aad u hubeysan ayaa la soo dhoobay magaalda Jigjiga kaddib rabshado saacadihii ugu danbeeyay ay ka dhigeen magaalada dad u badnaa dhalinyaro ka cabanaya maamulka dowlad deegaanka Soomaalida Itoobiya ee uu horkacayo madaxweyne Cabdi Maxamuud Cumar.