11/15/2018
Today from Hiiraan Online:  _
Wararka Maanta- Isniin, July 23, 2018
Cayayaan dhibaato ku haya degmada Xuddun oo khasaare geystay


 

Isniin, July, 23, 2018 (HOL)-Malaayiin cayaankan ah ayaa ku foofa gur-yaha magaalada Xuddun kaas oo wixii uu soo gaadhaba baabiinaya.

Dadaalo badan oo laysku deyay in wax lagaga qabto ayaa lagu guul-daraystay, waxaana dadka degaanku sheegayaan in uu qasaare laxaadleh u geystey guud ahaan magaalada gaar ahaana goobaha ganacsatada.

"Wax ka badan kun xabo ayaa gurigayga ku nool maalin kastana waa kordhayaa weliba aniga oo dagaal kula jira, dhar ma noola, waraaqo iyo bugaag waa ku daayeeb, waxaan ku leeyahay waxuu dhaafayaa ma jiraan" sidaa waxaa HOL u sheegay Maxamuud Axmed Aadan oo bare ka ah degsiga Hoose dhexe ee Xuddun.

Maryan Axmed oo meherad yar ku haysata magaalada ayaa waxaa ay ii sheegay in dhibaatada u daran ee haysataa ay tahay lacagta Noodhka ah oo bahalkani uu markaaba cunayo, waxaana dhacda in 100,000 uu half habeen laasto.

Mustafe Cali Faarax ayaan kula kulmay meel lagu iibiyo dawada xoolaha isagoo sunta Dhibta ka iibsanaya waxaanu ii sheegay in uu kula dagaalamayo Jiriqaaga, waxaana weydiiyey qaabka uu u adeegsanayo, "Naafto iyo Suntan ayaan isku darayaa waanna ku tijaabinayaa in Illaahay nagaga kexeeyo, ayuu yidhi Mustafe.

Cayaankan ayaa ah kii ugu badnaa ee abid lagu arko deegaan-kan xitaa bay yidhaaheen Ayaxa ka farabadan oo waxaa dhacda dhagax miyiga yaala hadaad rogto in aad aragto boqolaal ku hoos gabanaya.

Ma jirto cid isku hawshay sidii wax looga qaban lahaa marka laga reebo dadaal shaqsi shaqsi ah oo ay dadka degaanku wadaan kaas oo keeni kara qasaare nafeed oo ay sababaan sunta la adeegsanayo darteed.

Seynab Cabdi Warsame
Xuddun G. Sool







Click here
7/23/2018 12:55 PM EST
Isniin, July, 23, 2018 (HOL)–Tan iyo wixii ka danbeeyay markii uu soo baxay warka ku saabsan in Daaqa Daahir Nuur oo 10 sano jir aheyd ugu geeriyootay gobollada dhexe dhiig-bax ay ka dhaxashay gudniin lagu sameeyay, ayaa waxaa sii xoogeystay dhaq-dhaqaaqa iyo Ololaha ka dhanka ah sidii loo joojin lahaa dhaqanka ku dhax faafay bulshada ee gudniinka darran ee Gabdhaha.

7/23/2018 9:16 AM EST
Isniin, July, 23, 2018 (HOL)–Ururka Cilmi Baadhista Soomaaliyeed (SSIA) ayaa shirkiisii 13aad maanta uga furmay jaamacadda Hargeysa, kaasi oo ay ka soo qaybgaleen in ka badan boqol iyo konton aqoonyahan oo iskugu jira Soomaali iyo Ajanabi.

7/23/2018 8:31 AM EST
Isniin, July, 23, 2018 (HOL) –Dowladda Soomaaliya ayaa faah faahin dheeraad ah ka bixisay weerar culus oo Aroornimadii hore ee saakay xoogagga Al-shabaab ku qaadeen saldhig ciidamada dowladda iyo kuwa maamul gobolleedka Jubbaland ku lahaayeen deegaanka Baar-Sanguuni oo Waqooyi ka xiga magaalada Kismaayo.

7/23/2018 4:29 AM EST
Isniin, July, 23, 2018 (HOL) –Saraakiisha ciidamada xoogga dalka Soomaaliya ayaa sheegay in Sabtidii aynu soo dhaafnay howlgal ay ka fuliyeen gobolka Shabeellaha Hoose ku bur buriyeen saldhigyo iyo shabakad isku xiran oo ay Al-shabaab ku lahaayeen degmada Qoryooley.

7/23/2018 3:31 AM EST
Isniin, July, 23, 2018 (HOL)–Wararka ka imanaya gobolka Shabeellaha Hoose ayaa sheegaya in madaafiic dhowr ah lagu tuuray Markab taagnaa xeebta degmada Baraawe oo sida la sheegay sahay u siday ciidamada AMISOM ee deegaanka ka howlgala.

7/23/2018 3:26 AM EST
Isniin, July, 23, 2018 (GOL) –Deegaankan oo qiyaastii 54 KM dhanka waqooyi kaga beegan Kismaayo oo ay saaka aroortii saacad kahor xilligii salaadda subax la wareegeen Al-shabaab ayaa waxaa saaka dib u qabsaday ciidamada dowlad federaalka Soomaaliya iyo kuwa Jubbaland.

7/23/2018 2:45 AM EST
Isniin, July, 23, 2018 (HOL)–Labo ruux oo ay ka mid tahay qof dumar ah ayaa dhintay ilaa 13 rux kalana dhaawacyo ayaa ka soo gaaray toogasho ka dhacday magaalada Toronto ee dalka Canada, sida laga soo xigtay saraakiisha Booliiska.

7/23/2018 1:50 AM EST
Isniin, July, 23, 2018 (HOL)–Ururka Al-shabaab ayaa sheegtay in weerar culus oo subaxnimadii hore ee saakay ay ku qaadeen saldhig militari oo ku yaala deegaanka Baar-Sanguuni ee dulleedka magaalada Kismaayo ku dileen 27 Askari.

7/23/2018 1:27 AM EST
Isniin, July, 23, 2018 (HOL)–Xoogagga Al-shabaab ayaa subaxnimdii hore ee saakay weerar culus ku qaaday saldhig ciidamada dowladda iyo kuwa dowlad gobolleedka Jubbaland ku lahayeen deegaanka Baar-Sanguuni ee dulleedka magaalada Kismaayo.

7/23/2018 12:41 AM EST
Isniin, July, 23, 2018 (HOL)-Ilaa Lix ruux oo Kalluumeysato Soomaliyeed ah ayaa lagu waramayaa in ay ku dhinteen xeebaha Puntland kaddib markii ay degtay Dooni ay wateen sida ay warbaahinta u sheegeen mas’uuliyiinta deegaanka.