11/15/2018
Today from Hiiraan Online:  _
Wararka Maanta- Isniin, July 23, 2018
Ciidamada xoogga dalka iyo kuwa Jubbaland oo dib ula wareegay deegaanka Baar-Zanguuni



Isniin, July, 23, 2018 (GOL) –
Deegaankan oo qiyaastii 54 KM dhanka waqooyi kaga beegan Kismaayo oo ay saaka aroortii saacad kahor xilligii salaadda subax la wareegeen Al-shabaab ayaa waxaa saaka dib u qabsaday ciidamada dowlad federaalka Soomaaliya iyo kuwa Jubbaland.

Baar-Zanguuni ayaa saldhig u ahaa ciidamo ka tirsan taliska qeybta 43-aad ee xoogga dalka, ayadoo ciidamadu ay mudooyinkii u danbeeyay weerarro joogto ah kala kulmayeen Al-shabaab.

Dagaalyahanno ka tirsan Al-shabaab oo sitay gaadiid walxaha qarxa laga soo buuxiyay ayaa saaka weerar qorsheeysan la beegsaday saldhiggaasi, waxaana is rasaaseyn kadib u suurogashay in ay la wareegaan.

Magaalada Kismaayo ayaa waxaa saaka ka baxay ciidamo aad u tiro badan iyo gaadiidka dagaalka, kuwaa oo u jiheystay dhanka deegaannada ay howlgalladu ka socdaan.

Saraakiil ka tirsan xoogga dalka ayaa HOL u xaqiijiyay in ay dib ula wareegeen deegaanka, hadana ay howlgalladu ka soconayaan deegaano ku dhow dhow deegaankaasi.

Ma cadda qasaaraha rasmiga ah ee ka dhashay weerarka, waxaana saraakiishu ay inoo sheegeen in ay warbaahinta la hadli doonaan marka uu howlgalku soo gabagaboobo.

Ilo madaxa bannaan oo HOL u waramay ayaa sheegay in ay jiraan qasaarooyin isugu jira dhimasho iyo dhaawac oo ka dhashay weerarkaasi saaka, waxaana shabkaadda HOL ay idiin soo gudbin doontaa xog dhameystiran oo ku aadan weerarkaasi.

Shabaab ayaa shabakadda afkooda ku hadasha ku sheegtay in ay weerarkaasi ay ku dileen 27 askari.

Xasan Nuur, Hiiraan Online
[email protected]
Kismaayo-Soomaaliya.






Click here
7/23/2018 12:55 PM EST
Isniin, July, 23, 2018 (HOL)–Tan iyo wixii ka danbeeyay markii uu soo baxay warka ku saabsan in Daaqa Daahir Nuur oo 10 sano jir aheyd ugu geeriyootay gobollada dhexe dhiig-bax ay ka dhaxashay gudniin lagu sameeyay, ayaa waxaa sii xoogeystay dhaq-dhaqaaqa iyo Ololaha ka dhanka ah sidii loo joojin lahaa dhaqanka ku dhax faafay bulshada ee gudniinka darran ee Gabdhaha.

7/23/2018 9:16 AM EST
Isniin, July, 23, 2018 (HOL)–Ururka Cilmi Baadhista Soomaaliyeed (SSIA) ayaa shirkiisii 13aad maanta uga furmay jaamacadda Hargeysa, kaasi oo ay ka soo qaybgaleen in ka badan boqol iyo konton aqoonyahan oo iskugu jira Soomaali iyo Ajanabi.

7/23/2018 8:48 AM EST
Isniin, July, 23, 2018 (HOL)–Malaayiin cayaankan ah ayaa ku foofa gur-yaha magaalada Xuddun kaas oo wixii uu soo gaadhaba baabiinaya.

7/23/2018 8:31 AM EST
Isniin, July, 23, 2018 (HOL) –Dowladda Soomaaliya ayaa faah faahin dheeraad ah ka bixisay weerar culus oo Aroornimadii hore ee saakay xoogagga Al-shabaab ku qaadeen saldhig ciidamada dowladda iyo kuwa maamul gobolleedka Jubbaland ku lahaayeen deegaanka Baar-Sanguuni oo Waqooyi ka xiga magaalada Kismaayo.

7/23/2018 4:29 AM EST
Isniin, July, 23, 2018 (HOL) –Saraakiisha ciidamada xoogga dalka Soomaaliya ayaa sheegay in Sabtidii aynu soo dhaafnay howlgal ay ka fuliyeen gobolka Shabeellaha Hoose ku bur buriyeen saldhigyo iyo shabakad isku xiran oo ay Al-shabaab ku lahaayeen degmada Qoryooley.

7/23/2018 3:31 AM EST
Isniin, July, 23, 2018 (HOL)–Wararka ka imanaya gobolka Shabeellaha Hoose ayaa sheegaya in madaafiic dhowr ah lagu tuuray Markab taagnaa xeebta degmada Baraawe oo sida la sheegay sahay u siday ciidamada AMISOM ee deegaanka ka howlgala.

7/23/2018 2:45 AM EST
Isniin, July, 23, 2018 (HOL)–Labo ruux oo ay ka mid tahay qof dumar ah ayaa dhintay ilaa 13 rux kalana dhaawacyo ayaa ka soo gaaray toogasho ka dhacday magaalada Toronto ee dalka Canada, sida laga soo xigtay saraakiisha Booliiska.

7/23/2018 1:50 AM EST
Isniin, July, 23, 2018 (HOL)–Ururka Al-shabaab ayaa sheegtay in weerar culus oo subaxnimadii hore ee saakay ay ku qaadeen saldhig militari oo ku yaala deegaanka Baar-Sanguuni ee dulleedka magaalada Kismaayo ku dileen 27 Askari.

7/23/2018 1:27 AM EST
Isniin, July, 23, 2018 (HOL)–Xoogagga Al-shabaab ayaa subaxnimdii hore ee saakay weerar culus ku qaaday saldhig ciidamada dowladda iyo kuwa dowlad gobolleedka Jubbaland ku lahayeen deegaanka Baar-Sanguuni ee dulleedka magaalada Kismaayo.

7/23/2018 12:41 AM EST
Isniin, July, 23, 2018 (HOL)-Ilaa Lix ruux oo Kalluumeysato Soomaliyeed ah ayaa lagu waramayaa in ay ku dhinteen xeebaha Puntland kaddib markii ay degtay Dooni ay wateen sida ay warbaahinta u sheegeen mas’uuliyiinta deegaanka.