Hirshabeelle oo lagu soo wareejiyay dhalinyaro muddo dheer u xirnaa maamul gobolleedka Puntland
Axad, July, 22, 2018 (HOL)- Maamulka gobolleedka
Puntland ayaa ugu danbeyntii sii daayay dhalinyaro horaantii sanadkii 2017da lagu qabtay gaari
xamuul ah oo qaraxyo siday, kaa oo ka anbabaxay magaalada Beledweyne ee xarunta
gobolka Hiiraan.
Agaasimaha Wasaaradda arrimaha
gudaha maamul gobolleedka Hirshabeelle Maxamed Caruush Diiroow ayaa uga mahad
celiyay dowlad gobolleedka Puntland sida ay aqbaleen codsigii ay u gudbiyeen ee
ahaan in la sii daayo dhalinyarada oo aan wax danbi ah laheyn.
Agaasimaha oo dhalinyarada ku
wareejiyay maamulka gobolka Hiiraan ayaa sheegay in wixii hadda ka danbeeyay xor
yihiin.
Guddoomiyaha Hiiraan, C/laahi Axmed Maalin
Sufurow ayaa isna dhankiisa u mahad-celiyey maamullada Puntland iyo
Hirshabelle, isaga oo sheegay in taallabadani tahay mid ka mara-kaceysa xiriir cusub oo u bilaawday labada maamul.
Dhalinyaradan ayaa isugu jiray darawalkii waday
gaariga iyo caawiyayaashiisii, laakiin baaritaan dheer kaddib ayaa la ogaaday in aysan
ka warqabin qarax-yada ku rarnaa gaariga oo si qarsoodi ah loo saaraay.
C/raxmaan
Diini, Hiiraan Online
[email protected]
