Kooxda kubadda cagta ee Minnesota Twins oo muran ka keentay cayaartii ay wada dheeleen kooxda Hilaac FC
Axad, July, 22, 2018 (HOL)- Iyadoo ay gaba-gabo ku dhaw yihiin cayaaraha Kubadda
Cagta ee Somali Week ayaa garoonka
Centinal Park ee magaalada Toronto waxaa isku arkay kooxaha Hilaac FC ee
magaalada Toronto iyo Minnesota Twins oo ka socta magaalada mataanaha
Minneapolis-St.Paul.
Cayaartaas ayaa qaybtii hore ku dhammaatay Hal
iyo Hal, Qaybti dambe ayaa kooxda Hilaac u suura-gashay in ay gool ka dhaliyaan
kooxdii MN Twins.
Gabagabadii cayaarta oo daqiiqado ka dhiman-tahay
ayaa waxaa gool dhaliyey kooxdii MN Twins, garsoorihiina wuu ogolaaday goolkaas,
laakin waxaa go’aankaas ka hor-yimid calan wadihii oo tilmaamay in cayaartooy
ka tirsan kooxda MN Twin ay hobseed ku jireen. waxaan halkaas ka dhashay buuq
xoog leh.
Xog wareysi ay HOL la yeelatay qaybo ka mid ah
cayaartooydii hore ee Soomaaliya ayaa waxaa ay isku-raaceen in uu calan wadaha
cayaartaas ku qaldamay oo caddaalad darro lagu sameeyey kooxda MN Twins.
Dagaal ayaa waliba dhex-maray qaar ka mid ah
cayaartooydii halkaas ku sugnaa ayada oo markaas ay ururka TODAY oo cayaarta
soo qaban-qaabiyey ay dajiyeen xiisaddii halkaas ka jirtay.
Qaar ka mid cayaartooyda MN Twins oo ay HOL la
kulantay ayaa aad uga carooday caddaallad darada lagu sameeyey.
Waxaan manta cayaarta kama-dambeysta ee FINALKA
wada cayaaridoona kooxaha kala ah Banaadir FC iyo Hilaac FC oo ka wada tirsan
magaalada Toronto.
Ururka TODAY ayaa ilaa iyo hadda fahfaahin
dheeraad ah ka bixinin cayaartii shalay ka dhacday garoonka Centennial Park ee
magaalad Toronto oo dad-weynaha reer Toronto ay hadal hayaan.
C/raxmaan
Diini, Hiiraan Online
[email protected]
