11/19/2018
Today from Hiiraan Online:  _
Wararka Maanta- Axad, July 22, 2018
Hay’adda Amoud Foundation oo War ka soo saartay duufaannadii kol hore ku dhuftay Somaliland


 

Axad, July, 22, 2018 (HOL)– Hay’adda ayaa sheegtay in tan iyo baaqii Madaxweyne-ku-xigeen Somaliland Cabdiraxmaan Cabdillaahi Ismaaciil (Saylici) ee gurmadka duufaantii SAGAR ee sida daran u halakaysay deegaanno badan oo ka tirsan gobolka Awdal, ay hay’dda samo-falka ee Amoud Foundation in ka badan 2834 qoys (23,000 oo ruux) gaarsiisay raashin bil ah iyo hoy la dhisto.

Waxaa taas garab socday taakulooyin badan oo ay gaadhsiiyeen dawladdaJSL, ururro wadani ah, ururo caalami ah iyo ganacsato, iyada oo ay taas jirto, haddana saamayntii iyo raadkii tabnaa ee duufaanta SAGAR waa wax jira aadna uga muuqada dadka iyo deegaanka.

Sidaas darteed, waxaa ay haayadda Amoud Foundation safar laba maalmood ah oo u kuurgal xaaladeed ah ku soo martay dhammaan afarta degmo ee gobolka Awdal ee Baki, Lughaya, Saylac iyo Boorama. Waxa ay haayaddu si mug leh u soo ogaatay in dhibaato iyo dhulyaalnimo baahsani ka jirto dhammaan afartaas degmo iyo deegaannadda hoos yimaadda. Sidoo kalena, haayaddu iyada oo la tashatay amarna ka heshay Madaxweyne ku xigeenka JSL, waxa ay gurmadkii u ka dhigtay laba weji oo kala ah: Wejiga Hore Hawlaha Samo-Falka Iyo Weji Labaad Hor-U-Marinta.

Hay’adda ayaa ku baaqday SAMATO-BIXIN DEGDEG AH (EMERGENCY): Waxa jira ayeey tiri biyo yaraan iyo surmi badan; waxaa loo baahan yahay in biyo dhaamis lala gaadho iyo in ceelal degdeg ah loo qodo. Waxa kale oo jira cunno yaraan baahsan; waxaa loo baahan yahay in raashin lala gaadho.

SOO KABASHO & DIB-U-DEJIN (RECOVERY): Waxa duugmay xoolo gaadhaya 65% waxakale oo baaba’ay beerihii badan; waxa loo baahan yahay in la xooleeyo qoysaska xoolo dhaqatada ah iyo in hannaan dib-u-beeris loo sameeyo qoysaska beeralayda ah. Waxa kale oo loo baahan yahay in dib loo dhiso kaabayaashii nolosha sida wadooyinka, ceelasha, dugsiyadda iyo xarunaha caafimaadka.

HOR-U-MARIN (DEVELOPMENT): Waxa burburay dhaqaalihii, dadkuna waxa ay noqdeen ku-tiirsanayaal cid kale; waxa loo baahan yahay in loo abuuro mashaariic maalgelineed dhinacyadda kalluumaysiga, beeraha, macdanta iyo xoolaha. Lagna joojiyo mashaariicda fadhi-ku-cunka ah ee baraya caajiska iyo matabcadenimada.

ISKU-XIDHNAAN (COORDINATION): Waxa jira gurmad badan oo aan wada socon ama aan iska warqabin; waxa haboon in la abuuro guddida isku xidha taakulaynta iyo in la xoojiyo tayadda iyo taagta guddida heer qaran ee la tacaalista masiibooyinka.

Dhanka kale, haayadda Amoud Foundation waxa ay bogaadinaysaa kaalintii iyo dedaalkii ay sameeyeen Madaxweynaha iyo Madaxweyne ku xigeenka SL, Gudoomiyaha gobolka Awdal, haayaddaha caalamiga ah, haayaddaha waddaniga ah, shirkadaha ganacsiga, iyo Guddida Abaaraha ee Gobolka Awdal.

Guntii iyo gebogebodii, hay'adda Amoud Foundation waxaa ay soo dhawaynaysaa cid wal oo waxqabad wadda waxa ayna dhiirinaysaa dardargelinta hawlaha samofalka iyo mashaariicda horumarinta.

C/raxmaan Diini, Hiiraan Online
[email protected]







Click here
7/22/2018 1:35 PM EST
Axad, July, 22, 2018 (HOL)- Madaxweynaha Jamhuuriyadda Federaalka Soomaaliya Maxamed Cabdullaahi Farmaajo ayaa sheegay in laamaha ammaanka ay waajib ku tahay fududeynta dhaqdhaaqa iyo ganacsiga bulshada, iyagoona sii joogteynaya dadaallada ay ku sugayaan nabadgelyada caasimadda.

7/22/2018 12:35 PM EST
Axad, July, 22, 2018 (HOL)-Maamulka gobolleedka Puntland ayaa ugu danbeyntii sii daayay dhalinyaro horaantii sanadkii 2017da lagu qabtay gaari xamuul ah oo qaraxyo siday, kaa oo ka anbabaxay magaalada Beledweyne ee xarunta gobolka Hiiraan.

7/22/2018 8:27 AM EST
Axad, July, 22, 2018 (HOL)- Wakiilka xoghayaha-guud ee Qaramada Midoobay u qaabilsan Soomaaliya, Michael Keating oo maanta booqasho ku tagay magaalada Gaalkacyo ayaa ammaanay nabadgalyada ka jirta xarunta gobolka Mudug.

7/22/2018 8:03 AM EST
Axad, July, 22, 2018 (HOL)- Iyadoo ay gaba-gabo ku dhaw yihiin cayaaraha Kubadda Cagta ee Somali Week ayaa garoonka Centinal Park ee magaalada Toronto waxaa isku arkay kooxaha Hilaac FC ee magaalada Toronto iyo Minnesota Twins oo ka socta magaalada mataanaha Minneapolis-St.Paul.

7/22/2018 6:51 AM EST
Axad, July, 22, 2018 (HOL)- Boqor Burhan Boqor Muuse, ayaa goor dhow ku baaqay in laga qeyb-qaato siddii loo joojin lahaa colaadda u dhexeysa Soomaalida iyo Oromada Itoobiya, wuxuu caddeeyay dhibaatada ay la kulmayaan Soomaalida inay tahay wax aan indhaha laga qabsan karin.

7/22/2018 5:40 AM EST
Axad, July, 22, 2018 (HOL)- Magaalada Gaalkacyo ee xarunta gobolka Mudug waxaa goor dhaw gaaray taliyaha ciidamada Booliiska Soomaaliya Sareeye Guuto Bashiir Cabdi Maxamed oo ay wehliyaan wakiilka gaarka ah ee Qaramada Midoobay u qaabilsan Arrimaha Soomaaliya Michael Keating iyo saraakiil kale.

7/22/2018 5:00 AM EST
Axad, July, 22, 2018 (HOL)-Madaxweynaha dalka Shiinaha Xi Jinping ayaa la filayaa in maalmaha soo socda uu booqday qaar ka mid ah dalalka qaarada Africa isaga oo lugtii ugu horeysay safarkiisan lagu soo dhaweeyay magaalada Dakar ee dalka Senegal halkaasoo ay uga bilaabatay booqasho Labo maalmood ah.

7/22/2018 2:51 AM EST
Axad, July, 22, 2018 (HOL)–Iyadoo dhawaan guddiga Amniga Qaranka muddo 48 saac ah u qabteen in lagu furo jidadka xiran ee magaalada Muqdisho ayaa xalay ilaa saakay waxaa laga qaaday ciidamadii ku sugnaa inta badan Isgoys-yada magaalada.

7/22/2018 1:46 AM EST
Axad, July, 22, 2018 (HOL)– Wakiilka xoghayaha-guud ee Qaramada Midoobay u qaabilsan Soomaaliya, Michael Keating ayaa laga sugaya inuu goor dhow soo gaaro magaalada Gaalkacyo ee xarunta gobolka Mudug, sida uu Hiiraan Online u sheegay sarkaal sare oo maamulka degmada ka tirsan.

7/22/2018 1:36 AM EST
Axad, July, 22, 2018 (HOL)– Kulan looga hadlayay dhibaatada hablaha Soomaaliyeed uu ku hayo gudniinka Fircooniga oo lagu qabtay xarunta Xalane ee magaalada Muqdisho ayuu ka sheegay xeer ilaaliyaha guud ee Qaranka Dr Axmed Cali Daahir in dowladdu sharci adag ka soo saari doonto arinta ku saabsan gudniinka fircooniga.

7/22/2018 12:51 AM EST
Axad, July, 22, 2018 (HOL)–Dowladda Soomaaliya ayaa gabi ahaanba soo dhaweysay qodobadii ka soo baxay shirkii Brussels ee Iskaashiga Soomaaliya oo ay ka qeybgaleen madaxda ugu sareysa dalka Soomaliya iyo wafuud ka kala soctay beesha caalamka.

7/22/2018 12:28 AM EST
Axad, July, 22, 2018 (HOL)-Tiro ka badan 200 oo ruux oo Soomaali ah ayaa lagu waramayaa in ay ku xayiran yihiin saldhig ciidan oo ku yaala deegaanka Guji ee dhulka Ismaamulka Qowmiyada Oromada, halkaa oo ay gabaad ka dhigteen.