11/18/2018
Today from Hiiraan Online:  _
Wararka Maanta- Jimco, July 20, 2018
Al-shabaab oo weeraray gaari Qaad u siday degmada Balcad


 

Jimco, July, 20, 2018 (HOL) –Dagaallamayaal ka tirsan Al-shabaab ayaa lagu waramayaa in ay waddad isku xirta degmooyinka Jowhar iyo Balcad ee gobolka Shabeellaha Dhexe duhurnimadii maanta ku weerareen gaari Homy ah oo Qaad siday.

Sida ay ku waramayaan dadka deegaanka Gaarigan oo maalin walba qaadka ka soo qaada degmada Jowhar ayeey xoogag ka tirsan Al-shabaab u galleen waddada xiriirisa labada degmo Jowhar iyo Balcad oo uu qaadku ku soo socday.

Gaar ahaan weerarkan ayaa ka dhacay deegaan lagu magacaabo Il-baq , waxaana ku dhaawacmay Labo ruux oo mid ka mid ah lagu sheegay darawalkii waday gaariga.

Al-shabaab ayaan ogoleyn ka ganacsiga iyo cunista Qaadka intaba iyaga oo horey-ba uga mamnuucay deegaannada ay maamulaan, dhowr jeer oo hore-na waxaa dhacday in ay gubeen gadiid Qaad siday.

C/raxmaan Diini, Hiiraan Online
[email protected]







Click here
7/20/2018 2:00 PM EST
Jimco, July, 20, 2018 (HOL)–Wararka xiligan naga soo gaaraya magaalada Beledweyne ayaa sheegaya in rag hubeysan goor dhaw ku dileen magaalada Beledweyne Nin ganacsade ah oo lagu magacaabi jiray Cabdi Cali.

7/20/2018 10:50 AM EST
Jimco, July, 20, 2018 (HOL)–Gudoomiyaha xisbiga mucaaradka ah ee WADDANI C/raxmaan Maxamed C/laahi Cirro ayaa xukuumadda madaxweyne Muuse Biixi ku eedeeyey inay dalkii godoon galisay,isla markaana siyaasaddii arrimaha dibadda hoos u dhac ku yimid.

7/20/2018 9:13 AM EST
Jimco, July, 20, 2018 (HOL) – Iyadoo uu soo dhamaaday murankii dhinaca xudduuda ee muddo dheer-ba ka dhaxeeyay dowladdaha Eritrea iyo Itoobiya, ayeey dhinaca kale dowladda Dowladda Jabuuti ka codsatay Qaramada Midoobay in la dhameeyo muranka xudduuda ee kala dhaxeeya dalka Eritrea.

7/20/2018 5:37 AM EST
Jimco, July, 20, 2018 (HOL)–Warar dheeraad ah ayaa ka soo baxaya gobolka Bari ee maamul gobolleedka Puntland kaddib markii sida la sheegay xoogag ka tirsan Ururka Al-shabaab subaxnimadii hore ee saakay la wareegeen saldhigyo ciidamada ku lahaayeen deegaanka Af Urur.

7/20/2018 2:16 AM EST
Jimco, July, 20, 2018 (HOL)–Dad gaaraya ilaa 500 oo Soomaali ah ayaa ka badbaaday in laga masaafuriyo dalka Mareykanka kaddib markii Waaxda arrimaha dibeda dalka Mareykanka ee loo yaqaan Home Land Security u cusbooneysiiyay sharciga TPS-ka.

7/20/2018 1:49 AM EST
Jimco, July, 20, 2018 (HOL)–Guddiga Amniga Qaranka oo kulan ku yeeshay xalay magaalada Muqdisho ayaa soo saaray awaamiir ku aaddan amniga caasimadda iyo Dekedda Muqdisho.

7/20/2018 1:43 AM EST
Jimco, July, 20, 2018 (HOL)–Waxaa isbitaal ku yaala magaalada London ee dalka Britain xalay ku geeriyooday rug cadaa saxaafadeed Alle u ha u naxariisto Yoonis Cali Nuur in ka badan 30 sano ka tirsnaa Laanta Afka Soomaaliga ee BBCda.

7/20/2018 1:31 AM EST
Jimco, July, 20, 2018 (HOL)–Wasaaradda arrimaha dibeda dalka Mareykanka ayaa war ay soo saartay ku sheegtay in Liiiska Argagixisada lagu diray Ururka Jamaactu Al Hijra oo sida warbixinta lagu sheegay ka howlgala dalalka Soomaaliya iyo Kenya.