Al-shabaab oo la wareegay deegaanka AF Urur oo ka tirsan gobolka Bari maamul gobolleedka Puntland
Jimco, July, 20, 2018 (HOL) – Warar dheeraad ah
ayaa ka soo baxaya gobolka Bari ee maamul gobolleedka Puntland kaddib markii
sida la sheegay xoogag ka tirsan Ururka Al-shabaab subaxnimadii hore ee saakay
la wareegeen saldhig-yo ciidamada ku lahaayeen deegaanka Af Urur.
Ma jirto cid ka tirsan maamulka Puntland ama
Al-shabaab oo warka arintan ku saabsan la wadaagay warbaahinta hasse ahaatee
dadka deegaan-ka ayaa sheegay in ciidamadii Puntland ee halkaa ku sugnaaa isaga
baxeen, taasoo keentay in Al-shabaab ay la wareegaan deegaanka.
Dhulka Buuraleyda Gobolka Bari ayaa ah deegaanno
ay ku dhuumaaleystaan Al-Shabaab iyo Daacish, waxaana dhowr jeer oo hore ka
dhacay dagaallo iyo duqeymo ay fuliyeen diyaaradaha aan duuliyaha laheyn ee
Mareykanka.
Deegaanka ayaa sanadkii la soo dhaafay Al-shabaab waxaa ay ku dileen
saraakiil iyo tiro badan oo ciidamo maamul gobolleedka Puntland ka tirsan,
kaddib weerar culus oo ay ku qaadeen saldhiga.
Wixii ka soo kordha ee warar ah waan idin soo
gudbin doonnaa…
C/raxmaan
Diini, Hiiraan Online
[email protected]
