6/21/2018
Today from Hiiraan Online:  _
Wararka Maanta- Isniin, Jan 8 , 2018
Guddiga doorashada madaxa-bannaan oo kulan wadatashi ah ku qabtay degmada Baraawe Sawirro


Isniin, Janaayo, 08, 2018 (HOL) -Waxaa Magaalada Baraawe Gaarey Gudiga doorashooyinka Qaran oo ay Hogaamineysey gudoomiyaha Guddiga waxaana Garoonka diyaaradaha Baraawe ku soo dhaweeyey madaxda degmada Baraawe iyo qaybaha kala duwan ee bulshada ku nool magaaladaas .

Ujeedka Booqashada ayaa ahaa  sidii cadka ku nool magaalada Baraawe lagala tashan lahaa Qaabka doorashada qof iyo Cod ee Sannadka 2020, wuxuuna Kulankaa la tashiga uu daba socdaa Kulamo maalmahaan uu Guddiga doorashada Qaran uu la yeelanay bulshada ku nool gobolada iyo degmopoyinka dalka.

Gudoomiyaha Gudiga Doorashooyinka Qaranka Soomaalieed Xaliimo  Ismaaciil (Xaliimo Yareey) oo ka hadashey Kulankaas la tashiga ahaa ayaa waxay sheegtay in ujeeddada kulanka uu yahay siddii dadweynaha ku nool magaalada Baraawe ay u soo gudbin lahaayeen Aragtidooda ku saabsan doorashada sannadka 2020 ee ka dhici doonta dalka Soomaaliya waxey sii raacisey Xaliimo Yareey “Waxaa idiin soo jeedinayaa in aad ka faaideysataan casharada la qaadanayo sidoo kale  waxaan idiin ku baaqayaa in aad ku biirisaan Fikirkiina ku aadan doorashada Soomaaliya ee qof iyo Cod”

Gudoomiyaha degmada Baraawe ee gobolka Shabeelada hoose Aadan Cumar Madoobe oo ka hadley kulankas la tashiga ah ayaa  waxaa uu u Mahad-celiyey Guddiga Qaranka ee doorashooyinka Soomaaliya isagoo hoosta ka xariiqey in imaanshaha Gudiga Doorashada ay astaan iyo yadidiilo u tahay doorashao dhacda dalka Soomaaliya sannadka 2020.

Waxaa kaloo Kulankaas ka  hadlay Gudoomiye ku -xigeenka degmada Baraawe Bashiir Maxamed Yuusuf waxaana uu yiri ”waxaa  Faraxad nooga in Soomaliya ay ku talaabsaneyso Horumar maadaama loo diyaargaroobayo doorasho qof iyo Cod sidaa darteed waxaan u mahadceliyayaa gudiga doorashada Qaran  oo dadaal ugu jira doorasho ka dhacda dalka Soomaaliya isagoo carabka ku adkeeyey  in ay  faraxad tahay in Soomaaliya ay ka gudubka Habka qabiilka loona gudbo habka xisbiyada badan.

Aamina Cali Siidow oo ah gudomiyaha haweenka degmada Baraawe oo ka hadshay madasha la tashiga ayaa u Mahad-celisey gudiga Qaranka ee Doorashooyina waxaana ay carabka ku balaarisey in ay haween ahaan ay diyaar u yihiin in doorasho xalaal ah ay ka dhacdo deegaanada hoos yimaada degmada Baraawe

Nabadoon Cabduqaadir Abuukar Gameele oo ka hadlay kulanka ayaa waxaa uu yiri “Waa Guddigii ugu horeeyay ee ka socda Qaranka Soomaaliya ee yimaada degmada Baraawe marka waxaan u rajeyneynaa in ay ku guuleystaan howlaha ay Qaranka u hayaan.

Nabadoon Cabdirashid Cali Geele (Daarood) oo ka mid ahaa dadkii halkaas ka Hadley ayaa yiri “waxaan aaminsanahay in dadka Soomaaliyeed ay sugan karaan amnigooda sida darteed waxaa aad u soo dhaweynayaa dadaalka guddiga doorashada waxaana uu sheegey incaqabadaha taagan looga gudbi karaa Isku duubnaan iyo watashi    

Guddiga doorashooyinka Qaranka ayaa hore u tagey magaalooyinka   Baydhabo, Beledweyne  Xudur, Kismaayo, Garbahaareey, Dooloow, Jowhar, Cadaado iyo Baraawe waxaana u Qorsheysan in ay tagaan magaalooyin kale si bulshada wax looga weydiiyay arimaha doorashada 

C/raxmaan Diini, Hiiraan Online
[email protected]







Click here

1/8/2018 12:20 PM EST
Isniin, Janaayo, 08, 2018 (HOL) -Dagaal xoogan oo ka dhacay magaalada Tukaraq oo 52Km. Bari Laascaanood uga beegan, ayaa deganaan laga soo sheegayaa iyadoo hadana aan laysku halayn Karin maadaama ay labada ciidan isu muuqdaan.

1/8/2018 10:47 AM EST
Isniin,January 08,2018 HOL)- Wasiirka warfaafinta iyo dhaqanka Cabdiraxmaan Guri barwaaqo ayaa dawladda Soomaaliya ku eedeeyey inay farogalin ku hayso gudaha Somaliland,isla markaana dhaqdhaqaaqyo colaad abuuraysa maalmihii u dambeeyey ka waday xadka Somaliland.

1/8/2018 9:14 AM EST
Isniin, Janaayo, 08, 2018 (HOL)–Wasaaradda Ganacsiga iyo Warshadaha Xukuumada Soomaaliya ayaa xal ka gaartay khilaafkii ragaadiyay ganacsatada Soomaaliyeed iyo Hoggaanka Rugta Ganasiga Soomaaliya iyo kan Gobolka Banaadir.

1/8/2018 8:54 AM EST
Isniin, Janaayo, 08, 2018 (HOL)–Madaxweynaha Somalia Maxamed C/laahi FArmaajo ayaa maanta si rasmi ah xariga uga jaray garoonka diyaaradaha ee magaalada Garowe ,kaasi oo bilihii la soo dhaafay ay gacanta ku haysay shirkad laga leeyahay dalka Turkiga.

1/8/2018 8:06 AM EST
Hodan Xasan oo ka mida Jaaliyadda Soomaaliyeed ee in mudo ah daganaa dalkaan Maraykanka gaar ahaan gobolka Minnesota ayaa habeenimadii xalay isku soo taagtay Doorashada Kursiga xildhibaanimo ee xaafada 62A oo ka mida xaafadaha ay Jaaliyadda Soomaaliyeed ee Minneapolis ay aad u dagan yihiin.

1/8/2018 6:34 AM EST
Isniin, Janaayo, 08, 2018 (HOL)–Madaxweynaha dowlada Soomaaliya Maxamed Cabdullaahi Farmaajo ayaa daah furay garoonka diyaaradaha Garoowe oo loogu magac-daray Janaraal Maxamed Abshir Muuse ee magaalada Garoowe.

1/8/2018 3:35 AM EST
Isniin, Janaayo, 08, 2018 (HOL) - Dagaalkan ayaa bilaabmay saakay aroortii hore kadib markii ciidamada Somaliland ay Dhababoco ku jiidheen kastamka Puntland oo qiyaasta 48Km. bari kaga quman magaalada Laascaanood.

1/8/2018 1:03 AM EST
Isniin, Janaayo, 08, 2018(HOL)-Ciidamada AMISOM ee ku sugan Soomaaliya ayaa ballan qaaday in ay sii wadi doonaan tababarka iyo la-talinta ciidamada ammaanka ee Soomaaliya si ay u qaataan mas’uuliyada amniga dalka, kahor inta aysan ka bixin dalka.

1/8/2018 12:35 AM EST
Isniin, Janaayo, 08, 2018 (HOL) – Dalka Sudan waxaa ka dhacaya banaanbaxyo looga soo horjeedo qiimaha rootiga oo kordhay taasoo ay dadku aad uga cabanayaan

1/8/2018 12:20 AM EST
Isniin, Janaayo, 08, 2018 (HOL) -Saraakiil u hadashay dowladda Kenya ayaa sheegtay in Rag ay ay u maleynayan in ay ka tirsan yihiin Xarakada AL-shabaab ay jareen Isgaarsiintii Magaalada Katulo ee Waqooyi Bari Dalka Kenya.

1/8/2018 12:18 AM EST
Isniin, Janaayo, 08, 2018 (HOL) – Taliyaha ciidamada xoogga dalka Soomaaliyeed iyo wafdi uu horkacayo oo maalintii shalay gaaray magaalada Gaalkacyo ayaa sheegay ujeedka halkaasi uu u tagay in ay qeyb ka tahay dhameystirka heshiiskii magaalada Gaalkacyo ay ku gaareen Maamulada Puntland iyo Galmudug.

1/8/2018 12:10 AM EST
Isniin, Janaayo, 08, 2018 (HOL) – Xarrakada Al-shabaab ayaa sheegatay in weerarro khasaare dhaliyay ay ka fuliyeen deegaanno ka tirsan Gobolka Shabeellaha Hoose.

1/8/2018 12:06 AM EST
Isniin, Janaayo, 08, 2018 (HOL) –Madaxweynaha dowladda Soomaaliya Maxamed Cabdullaahi Farmaajo iyo wafdi ballaaran oo uu horkacayo oo maalintii shalay gaaray magaalada Garoowe ayaa lagu wadaa in uu maanta xariga ka jaro Garoonka cusub ee xarunta dowlad gobolleedka Puntland laga hergaliyay.