Isniin,Janaayo 08,2018 (HOL)-
Wasiirka warfaafinta iyo dhaqanka Cabdiraxmaan Guri barwaaqo ayaa dawladda
Soomaaliya ku eedeeyey inay farogalin ku hayso gudaha Somaliland,isla markaana
dhaqdhaqaaqyo colaad abuuraysa maalmihii u dambeeyey ka waday xadka Somaliland.
Sidoo kale, waxa uu wasiirku
sheegay in aanay mar dambe u dul qaadan doonin farogalintaasi ay Soomaaliya ka
waddo dhulka Somaliland.
“Baryahan waxa ay dawladda
soomaaliya ku kacday falal xaalad abuur ah gudaha Somaliland tusaale ahaan
mgaaalad Qoriley waxay ciidnka Puntland ku weeraray Garaad Jaamac Garaad Cali,
waxa kale oo ay magaaladda Tuko-raq ku weerartay Garaad Jaamac Garad Ismaaciil,
waxa kale oo wasiirka Qorsheynta Soomaaliya iyo wasiirka Amniga ee Puntland
iyagoo ciidan wata tageen magaaladda Badhan iyo magaalada Dhahar, iyagoo
halkaasi ka jeediyey khudbado xaalad abuur ah”ayuu yidhi wasiir Guri barwaaqo.
Wasiirku waxa uu sheegay in aanay
Somaliland u dul qaadan Karin farogalintaasi ay Soomaaliya ka waddo gudaha
Somaliland, waxaaanu yidhi “dawladda Somaliland waxay go’aansatay in aanay u
dul qaadan mar dambe xaaladaha caynkaasi ah, waxay ku wargalinaysa dawladaha
jaarka ah inay Somaliland tahay dawlad ku caan baxday nabadgalyadda iyo
xasilooni ku wada noolaanshaha, Dawlada Soomaaliya waxay ku waaniysa inay ka
waantowda farogalinta ay ka wado
Somaliland.”.
Sidoo kale, wasiirka warfaafintu kama hadal khasaaraha ka dhashay
dagaalkaasi dhexmaray Somaliland iyo Puntland, haseyeeshee waxa uu ku dooday in
ciidamada Somaliland joogaan gudaha Somaliland.
Barkhad-ladiif M. Cumar,
Hiiraan Online
[email protected]
Hargeysa, Somaliland.