12/10/2018
Today from Hiiraan Online:  _
Wararka Maanta- Isniin, Jan 8 , 2018
Hodan Xasan oo Daahfurtay Olalaheeda Dooorashada Xildhibaanimo ee Minnesota Xaafada 62A .


Isniin, Janaayo, 08, 2018 (HOL)–Hodan Xasan oo ka mida Jaaliyadda Soomaaliyeed ee in mudo ah daganaa dalkaan Maraykanka gaar ahaan gobolka Minnesota ayaa habeenimadii xalay isku soo taagtay Doorashada Kursiga xildhibaanimo ee xaafada 62A oo ka mida xaafadaha ay Jaaliyadda Soomaaliyeed ee Minneapolis ay aad u dagan yihiin.

Xaflad lagu daahfuraayey Doorashada ama tartanka Hodan Hassan ayaa waxaa Hallka Safari soo buux dhaafiyey dadwayne Soomaali & Ajanabi isagu jira oo taageero Xoog badan u muujiyey doorashada Hodan Hassan.

Waxaa Goobta ka hadlay Aqoonyano,Siyaasiin ,Culumodiin, Odayaasha, waxayna Dhamaantood isla qireen in hodan ay u qalanto qabashada xilka ay isku soo taagtay,

Anisa Xaji Muumin Wasiirkii hore ee Haweenka Puntland ayaa goobta kahadashay waxayna aad u xustay dadaaladii Hodan Hassan ay jaaliyadda u soo qabtay iyadoo sheegtay hodan in hore ay umadaan wax ugu shaqaysay si mutacnimo ah aadna ay ugu farxsan tahay xilkaan ay doonayso kuna taageerayso, Aniso waxayna Jaaliyadda Soomaaliyeed ee Minnesota ugu baaqday in ay siiyaan taageero hiil & hooba leh.

Hodan Xasan ayaa ka mida dhalinyarada wax ku baratay dalkaan Maraykanka iyadoo master ku qaatay barashada Caafimaadka guudiyo adeega bulshada, waxayna qoraalo badan ka samaysay arimaha caafimaadka ee Soomaalida Maraykanka ee ku saabsan dhimirka, iyadoo kulamo waawayn oo looga hadlayo ka agaasintay gobolkaan Minnesota,waxayna in badan ka hadli jirtay sidii umadaan ay isku filaasho dhaqaalo iyo horemarineed ay ku heli la haayeen.


Hodan oo aad loo soo agaasimay kulankeedii xalay ayaa ahaa mid heer sareeyey ,waxayna dadwaynahii taageeray isagu jireen madax sare oo xilal ka haya gobolka iyo kuwa ka soo shaqeeyay arimaha doorashooyinka , waxayna khudbadeedii aadka u dheereed kaga hadashay inay diyaar u tahay wax ka qabashada Tacliinta, Guryaha, baahiyaha aasaasiga ee jira, waxay balanqaaday in ay wax ka qaban doonto sidii qof walba u heli lahaa guryo ay awoodaan iyo caymis caafimaad oo la awoodi karo,waxayna sheegtay inaysan dhici doonin in dad Soomaali ah layska Masaafuriyo macno la.aan sidii bay tiri tii ku dhacday 92 qof bishii hore waa wax laga xumaado.

Ugu danbayntii Hodan ayaa dadwaynahii boqollaalka kor u dhaafay ee ka soo qaybgalay Kulankeedii taageerada ka codsatay in ay ku taageeraan Xoog Maal & waqti oo ay sheegtay in doorasho guusheedu ay u baahan tahay.

 

Siyad Said Salah

Hiiraan Online

[email protected]

Minneapolis Mn







Click here

1/8/2018 12:59 PM EST
Isniin, Janaayo, 08, 2018 (HOL) -Waxaa Magaalada Baraawe Gaarey Gudiga Doorashooyinka Qaran oo ay Hogaamineysey Gudoomiyaha Gudigaas waxaana Garoonka Diyaaradaha Baraawe ku soo dhaweeyey madaxda degmada Baraawe iyo qaybaha kala duwan ee bulshada ku nool magaaladaas .

1/8/2018 12:20 PM EST
Isniin, Janaayo, 08, 2018 (HOL) -Dagaal xoogan oo ka dhacay magaalada Tukaraq oo 52Km. Bari Laascaanood uga beegan, ayaa deganaan laga soo sheegayaa iyadoo hadana aan laysku halayn Karin maadaama ay labada ciidan isu muuqdaan.

1/8/2018 10:47 AM EST
Isniin,January 08,2018 HOL)- Wasiirka warfaafinta iyo dhaqanka Cabdiraxmaan Guri barwaaqo ayaa dawladda Soomaaliya ku eedeeyey inay farogalin ku hayso gudaha Somaliland,isla markaana dhaqdhaqaaqyo colaad abuuraysa maalmihii u dambeeyey ka waday xadka Somaliland.

1/8/2018 9:14 AM EST
Isniin, Janaayo, 08, 2018 (HOL)–Wasaaradda Ganacsiga iyo Warshadaha Xukuumada Soomaaliya ayaa xal ka gaartay khilaafkii ragaadiyay ganacsatada Soomaaliyeed iyo Hoggaanka Rugta Ganasiga Soomaaliya iyo kan Gobolka Banaadir.

1/8/2018 8:54 AM EST
Isniin, Janaayo, 08, 2018 (HOL)–Madaxweynaha Somalia Maxamed C/laahi FArmaajo ayaa maanta si rasmi ah xariga uga jaray garoonka diyaaradaha ee magaalada Garowe ,kaasi oo bilihii la soo dhaafay ay gacanta ku haysay shirkad laga leeyahay dalka Turkiga.

1/8/2018 6:34 AM EST
Isniin, Janaayo, 08, 2018 (HOL)–Madaxweynaha dowlada Soomaaliya Maxamed Cabdullaahi Farmaajo ayaa daah furay garoonka diyaaradaha Garoowe oo loogu magac-daray Janaraal Maxamed Abshir Muuse ee magaalada Garoowe.

1/8/2018 3:35 AM EST
Isniin, Janaayo, 08, 2018 (HOL) - Dagaalkan ayaa bilaabmay saakay aroortii hore kadib markii ciidamada Somaliland ay Dhababoco ku jiidheen kastamka Puntland oo qiyaasta 48Km. bari kaga quman magaalada Laascaanood.

1/8/2018 1:03 AM EST
Isniin, Janaayo, 08, 2018(HOL)-Ciidamada AMISOM ee ku sugan Soomaaliya ayaa ballan qaaday in ay sii wadi doonaan tababarka iyo la-talinta ciidamada ammaanka ee Soomaaliya si ay u qaataan mas’uuliyada amniga dalka, kahor inta aysan ka bixin dalka.

1/8/2018 12:35 AM EST
Isniin, Janaayo, 08, 2018 (HOL) – Dalka Sudan waxaa ka dhacaya banaanbaxyo looga soo horjeedo qiimaha rootiga oo kordhay taasoo ay dadku aad uga cabanayaan

1/8/2018 12:20 AM EST
Isniin, Janaayo, 08, 2018 (HOL) -Saraakiil u hadashay dowladda Kenya ayaa sheegtay in Rag ay ay u maleynayan in ay ka tirsan yihiin Xarakada AL-shabaab ay jareen Isgaarsiintii Magaalada Katulo ee Waqooyi Bari Dalka Kenya.

1/8/2018 12:18 AM EST
Isniin, Janaayo, 08, 2018 (HOL) – Taliyaha ciidamada xoogga dalka Soomaaliyeed iyo wafdi uu horkacayo oo maalintii shalay gaaray magaalada Gaalkacyo ayaa sheegay ujeedka halkaasi uu u tagay in ay qeyb ka tahay dhameystirka heshiiskii magaalada Gaalkacyo ay ku gaareen Maamulada Puntland iyo Galmudug.

1/8/2018 12:10 AM EST
Isniin, Janaayo, 08, 2018 (HOL) – Xarrakada Al-shabaab ayaa sheegatay in weerarro khasaare dhaliyay ay ka fuliyeen deegaanno ka tirsan Gobolka Shabeellaha Hoose.

1/8/2018 12:06 AM EST
Isniin, Janaayo, 08, 2018 (HOL) –Madaxweynaha dowladda Soomaaliya Maxamed Cabdullaahi Farmaajo iyo wafdi ballaaran oo uu horkacayo oo maalintii shalay gaaray magaalada Garoowe ayaa lagu wadaa in uu maanta xariga ka jaro Garoonka cusub ee xarunta dowlad gobolleedka Puntland laga hergaliyay.