Isniin, Janaayo, 08, 2018 (HOL) – Taliyaha ciidamada xoogga dalka
Soomaaliyeed iyo wafdi uu horkacayo oo maalintii shalay gaaray magaalada
Gaalkacyo ayaa sheegay ujeedka halkaasi uu u tagay in ay qeyb ka tahay
dhameystirka heshiiskii magaalada Gaalkacyo ay ku gaareen Maamulada Puntland
iyo Galmudug.
Taliyaha ayaa sheegay in meel gaba gabo ah uu marayo dhameystirka heshiiskii
ay wada gaareen labada maamul, wuxuuna tilmaamay shacabka labada dhinac in ay u
bisil yihiin nabad iyo wada noolaansho dhaxalgal ah.
Wafdiga taliyaha uu horkaccayo ee ku sugan magaalada Gaalkacyo ayaa waxaa
qeyb ka ah guddoomiyaha maxkamada Ciidamada Qalabka Sida ee Soomaaliya Xasan
Cali Nuur Shuute iyo Guddoomiyaha Maxkamadda Sare ee Ciidamada Qalabka Sida
Liibaan Cali Yaroow.
Taliyaha ciidamada
xoogga xoogga
dalka Soomaaliyeed Sareeye Gaas Cabdiwali Jaamac Xusseen Gorod oo 15kii
December 2017dii booqday degmada Gaalkacyo ayaa qiimeyn ku sameeyay xaalada ay u sugan yihiin ciidamada xoogga
dalka kaa howlgala degmada.
Magaalada Gaalkacyo oo marar badan oo hore ay ku soo noqnoqdeen dagaalo
khasaare badan geystay ayaa hadda u muuqata mid nabdoon kaddib markii ay u
kaceen mas’uuliyiinta maamullada Puntland iyo Galmudug oo kaashanaya
saraakiisha ciidamada dowladda federaalka Soomaaliya
C/raxmaan Diini,
Hiiraan Online
[email protected]