ku dhawaad 700 oo Ardey ah oo ka qalinjabisay Kuliyadaha kala duwan ee Jaamacada SIMAD
Talaado, Janaayo, 30, 2018 (HOL) - Munaasabad si heer
sare ah loosoo agaasimay oo ay ku qalin jebinayeen kudhawaad 700 Arday oo iyagu
dhameystay kuliyadaha kala duwan ee Jaamacadda SIMAD ayaa maanta lagu qabtay
xarunta dhexe ee jaamacadda oo ku taala degmada Wardhigleey ee gobalka Banadir.
Munaasabadda ayaa waxaa ka soo
qeybgalay maamulka sare ee Jaamacadda SIMAD, macalimiinta
Jaamacadda,Waalidiinta ay Carruurtooda qalin jebiyeen,Ardayda qalin jebisay iyo
marti sharaf kale.
Dahir Hassan Arab Gudoomiyaha
Jaamacadda SIMAD oo munaasabadda khudbad ka jeediyey ayaa tilmaamay in Ardayda
maanta qalin jebisay ay tiradoodu gaareysay 690 Arday kuwaasi oo iyagu Afartii
sano ee aynu kasoo gudubnay wax ka baranayey kuliyadaha kala duwan ee
Jaamacadda SIMAD.
Gudoomiyaha Jaamacadda SIMAD
Mudane Dahir Hassan Arab ayaa kula dardaarmay Ardayda maanta qalin jebisay in
waxa ay barteen ay ugu adeegaan dadkooda,dalkooda iyo diintooda islamarkaana ay
bulshada kale ee Soomaaliyeed aqoontooda gaarsiiyaan oo aysan ka qeyb qaadan
bur burka iyo dib u dhaca dalkooda.
Waxaa sidoo kale
munaasabdda kahadlay Dr. Ismail Hassan Hussein oo ah agaasimaha ha’ayda
DirectAid xafiiskeeda Nairobi iyo Sheikh Hassan Al-badawi oo ah agaasimaha
hey’adda DirectAid xafiiskeeda Somalia ayaa Ardayda qalin-jebineysay ugu
hambalyey guusha ay gaareen.
Qaar ka mid ah Ardayda maanta
qalin jebisay oo la hadlay Warbaahinta ayaa iyagu tilmaamay in ay aad ugu farax
sanyihiin munaasabadda qalin jebinta ah ee loo sameeyey iyo iney maanta gurtaan
miraha ay Afartii sano ee lasoo dhaafay usoo dhabar adeygeen.
C/raxmaan Diini, Hiiraan Online
[email protected]