Dowladda Soomaaliya oo ku dhawaaqday tirada dadka qaba cudurka Juudaanka ee ku nool gudaha dalka
Axad, Janaayo, 28, 2018 (HOL) -
Dowladda federaalka Soomaaliya ayaa markii ugu horeysay shaaca ka qaadatay
tirada dadka qaba cudurka Juudaanka ee ku dhaqan gudaha dalka.
Wasiirka Caafimaadka Xukuumadda Federaalka Soomalaiya Fowsiyo Abiikar Nuur
oo warbaahinta la hadashay ayaa sheegtay in cudurkan ay qabaan dad gaaraya
1,576 qof, kadib baaritaano ay sameeyeen.
Waxaa ay sheegtay dadka cudurkan qaba 187 qof oo ka mid ah in ay yihiin carruur,
93 ka mid
ahna uu cudurkan naafeeyay, waxayna tilmaamtay
in cudurkan la yareyn karo haddii dadka ay soo raadsadaan dawooyinka.
Sidoo kale Wasiirka Caafimaadka Xukuumadda Federaalka Soomalaiya
Fowsiyo Abiikar Nuur ayaa sheegtay cudurkan dadka qaba inta badan in laga helay
gobolka Banaadir, Labada Shabeelle iyo Gobolka Baay, iyada oo sidoo kale
sheegtay in baaritaan dheer ay sameyn doonaan.
Wasaaradda ayaa ugu danbeyntii shacabka Soomaaliyeed gaar ahaan dadka qaba
cudurkan ugu baaqday in goobaha caafimaadka ay tagaan, si loo siiyo dawooyin,
oo ay ku bogsoodaan.
Dadka Soomaalida ayaa Cudurkan Juundaanka ka aaminsan figrado kala duwan
waxaana qaar ka mid ah bulshad ay aaminsan yihiin in dadka qaba cudurkan
cunnaan hilibka dadka, taasoo ay beenisay wasaaradda caafimaadka.
C/raxmaan Diini, Hiiraan Online
[email protected]