Doorashada mid ka mid ah Kuraasta ka bannaan golaha shacabka oo maanta lagu qabanayo Jowhar
Axad, Janaayo, 28, 2018 (HOL) – Magaalada Jowhar ayaa lagu wadaa in ay
maanta ka dhacdo doorashada Kursi ka mid ah kuraasta ka bannaan Golaha Shacabka baarlamaanka Soomaaliya.
Kur-sigan ay dhaceyso doorashadiisa ayaa horay waxaa ugu kuu guuleystay
Taliyihii hore Hay’adda Nabad Suggida Cabdullaahi Maxamed Cali Sanbaloolshe, laakiin
waayay kaddib markii loo magacaabay taliyaha hay’adda Nabad-sugida Qaranka.
Qabanqaabadii ugu dambeysay ee doorashadda ayaa ka socota Magaalada Jowhar ,
iyadoona ay xusid mudan tahay in kursiggaan ay ku tartamaayaan xubno si weyn
looga yaqaano Soomaaliya.
Lixda Musharax ee kursiga ku loolamaya ayaa iska diiwaan geliyay Guddiga madaxa
banaan ee doorashooyinka Qaran, kuwaasoo buuxiyay shuruudihii looga baahnaa,
sida lacagaha laga rabo musharaxiinta ee shanta kun oo dollar ($5,000).
Musharixiinta waxaa ka mid ah Cabdullaahi Maxamed Cali Sanbaloolshe oo mar
kale u tartamaya Kursiga kaddib markii laga qaaday xilka taliyaha hay’adda
Nabad-sugid, madaxweynihii hore ee Hirshabeelle Cali Cabdullaahi Cosoble,
xildhibaan hore Nuur Iidoow Beyle iyo ilaa saddex musharax kale oo tartanka
kula jir oo ka mid ah haweeney tahay.
Doorashada oo noqoneysa mid xiiso badan ayaa siweyn isha loogu wada hayaa
ugu danbeyntii musharaxa ka soo baxa.
C/raxmaan Diini, Hiiraan Online
[email protected]