Sabti, Janaayo, 27, 2018 (HOL) – Hay'adda Socdaalka ee QM ayaa sheegtay
Jimcihii in ay xafiis ka furatay Dollow ee gobolka Gedo ee Soomaaliya iyada oo
ka jawaabeysa barakac ballaaran oo ay sababeen abaaro iyo amni daro.
Hay'adda Caalamiga ee Socdaalka (IOM) ayaa sheegtay in ay kor u qaaday
barnaamijkeeda wax ka qabashada xaaladaha degdegga ah ee gobolka, hirgelinta
hawlaha xasilinta bulshada ee guud ahaan gobolka Gedo, oo ay ka mid yihiin
dayactirka dugsiyada iyo xafiisyada degmada.
Kevin Merkelz, oo ah Sarkaalka Hawlgallada IOM ee Dollow, ayaa sheegay in
shaqada IOM ee Dollow aysan suurtagal ahayn iyada oo aan loo marin taageerada
joogtada ah iyo niyadsamida maamulka degaanka.
"Dhismaha xafiiskani waxaa uu muujinayaa balanqaadkayaga in aan u adeegno
bulshooyinka ay dhibaatadu saameysey ee Doolka ee 2018 iyo wixii ka
dambeeya," ayuu Merkelz ku yiri hadal uu soo saaray Muqdisho.
Laga soo bilaabo May 2017, IOM's
Matrix Tracking Matrix ayaa lagu qiyaasay in ka badan 40,000 qof ay ku
noolyihiin 58 goobood oo xero barakacayaal ah kuwaas oo marti-gelinaya dadka cusub ee barakacayaasha, tiradan, sida laga soo xigtay IOM, waxay kor
u kacday 75,684 bishii Sebtembar 2017.
"Kooxda IOM ee CCCM waxay si
dhow ula shaqeyneysaa Dowladda Soomaaliya iyo Maamulka Deegaanka ee Degmada si loo hagaajiyo xaaladaha
nololeed ee barokacayaasha iyada oo loo marayo ballaarinta goobta iyo
qorsheynta, iyo sidoo kale isku daba-ridka hay'adaha aan dowliga ahayn iyo hay'adaha kale ee
Qaramada Midoobay,"
C/raxmaan Diini, Hiiraan Online
[email protected]