Khamiis, Janaayo, 25, 2018 (HOL) – Saddex ruux oo isku qoys ah ayaa ku
dhintay shil baabuur oo ka dhacay inta u dhexaysa Tuulo-samakaab iyo Yagoori oo
waqooyi kaga aadan magaalada Laascaanood xarunta gobolka Sool.
Gaadhigan oo ayaa NUOHA oo ka timi
magaalada Gaalkacayo waxaa uu ku socdey magaalada Hargeysa, oo uu hawl
caafimaad loogu wadey.
Qoyskan oo ka koobnaa Hooyo iyo
sadex ay dhashay waxana ka nool hal gabadh oo xaaladeeda caafimaad
dhakhaatiirta isbitaalka sheegeen aad u liidato.
Taliyaha ilaalada nabad-gelyada
wadooyinka Gaashanle Shaahdiid Aadan Xirsi ayaa HOL u sheegay in shilkan uu
sababay sabarad u baxday iyo masuuliyad xumo.
"Darewalkii ayaa lulooday
wuxuu u sheegay in ay seexdaan Laascaanood, kadib ayaa sida uu darawalku ii
sheegay in uu tusay Liisan kana codsaday inuu isagu kexeeyo waana ka ogolaaday,
taasina waata keentay in aan xidhno darawalka oo keligii ka bed qaba wixii
gaadhiga saaraa" sidaa waxaa sheegay Shaahdiid.
Sidoo kale Taliyuhu waxa uu sheegay
in markasta ay shilalka intooda badan ay u dhacaan, aqoondaro iyo masuuliyad
la'aan.
Seynab Cabdi Warsame
[email protected]
Laascaanood G. Sool
