Guddoomiye Cirro“ Guusha uu sheegtay madaxweynuhunna siddii ay ku timid waynnu ogayn”
Khamiis,January 25,2018 (HOL)-
Gudoomiyaha xisbiga WADDANI iyo masuuliyiin la socota ayaa maanta booqday
dadkii ku dhaawacmay dagaalkii labadda beelood ee Dararweyne ee gobolka Sanaag,
waxaanu sheegay in xalina dirirta labadan beelood ee soo noqnoqday ay waajib ka
saaran yahay xukuumadda.
“Xisbi ahaan waxaanu maana soo booqanay dadkii
reer Somaliland ee ku dhaawacmay dagaalkii ka dhacay Dararweyne, intii badnayd
ee aanu soo aragnay xaaladoodu way fiicnayd, markii hore inta dhimatay ilaahay
baan naxariis u waydiinaynaa, tacsina waanu u direynaa, mar labaad waanu ku
baaqayna in colaada la joojiyo oo dagaalka la joojiyo, sugida amniga iyo
dhamaystirka Colaadda waa waajib saaran xukuumada, waxaanu jecel nahay xisbi ahaan
in talo kasta oo lagu sugayo amniga aanu ka gacan siino xukuumadda, laakiin
waxa xilka saaran yahay in heshiishyadii hore la fuliyo ee ay ku heshiiyeen iyo
in colaadaasi soo noqon waa xil saaran xukuumada.”ayuu yiri gudooomiyaha
xisbiga WADANI Cirro.
Sidoo kale waxa uu ka jawaabay
hadalo ka soo yeedhay madaxweynaha waxaanu yidhi “Madaxweynuhu waxa uu ii soo
diray Telefoon, Waa runtii waannu ku Mahadsan yahay Madaxweynuhu. Anigoo
boorama jooga wuxuu igu war-geliyay in Collaadi halkaas ka dhacday, aad baannu
ugu Mahadsan yahay War-gelintaas, waxaannu Aniga (Cabdiraxmaan Cirro), iyo
Madaxweynuhu isla qaadannay inaan Baaq nabaddeed ka jeeddiyo arrintaas. Baaqii
nabaddeed Saacad kadib, ayaan ka jeeddiyay Anigoo boorama jooga. Anigunna
waxaan ku idhi Madaxweynaha xilku idinkuu idin saaran yahay, adiga ayuu ku
saarran yahay, markaa Madaxweynaha waxaan jecelahay inaanay isaga qaldamin
Wasiirka Arrimaha gudaha iyo Cabdiraxmaan Cirro xilka laga rabo.”
“Doorashaddii waynu galnay, sidii ay ku
dhammaatayna waynu ogayn, guusha uu sheegtay Madaxweynuhunna siddii ay ku timid
waynnu ogayn, laakiin Xisbigu wuxuu go’aan ku gaadhay isagoo tudhaaya in
Madaxweynaha Kursiga looga hadho, markaas malaa Madaxweynuhu muu rumaysan in
Kursiga looga hadhaye ha loogu dhaarto” Ayuu yidhi Guddoomiye Cirro.
Labaddii maalmood ee u dambeeyey
ayaa hadalo isku tuurtuurayeen madaxweynaha iyo gudoomiyaha xisbiga.
Barkhad-ladiif M. Cumar,
Hiiraan Online
[email protected]
Hargeysa, Somaliland.
