Arbaco, Janaayo, 24, 2018 (HOL) – Inta la xaqiijinayo Illaa
11 qof ayaa ku dhaawacantay weerar la sheegay in uu wali ka socdo gudaha
xarunta Save The Children ee dalka Afghanistaan.
Wararku waxaa ay sheegayaan in uu qaraxa uu ka dhacay xafiiska hay'adda ee magaalada Jalalabad ee
Afghanistaan, kadibna rag hubeysan ayaa gudaha u galay xarunta.
Carruur ayaa la sheegay in ay ka baxsanayaan iskuul u dhow xarunta, kaddib markii ay maqleen qaraxyo waaweyn oo halkaa ka dhacaya.
Lama oga cidda weerarka geysatay, balse inta badan waxaa magaaladan weerar
ku qaada kooxda Taliban, wuxuuna weerarkan imanaya xili shalay Taliban ay
weerar ku qaadeen hotel casri ah oo ku yaala magaalada Kabul, halkaas oo ay ku
dhinteen illaa 22 qof.
Ragga gudaha ku jira ayaa waxa uu dagaal dhexmarayaa illaalada hay'adda
iyo ciidammada amniga.
C/raxmaan Diini,
Hiiraan Online
[email protected]
