Warar dheeraad ah oo ku saabsan Qarax ka dhacay magaalada Kabul ee dalka Afghanistan
Axad, Janaayo, 21, 2018 (HOL) - Faah faahino dheeraad ah
ayaa ka soo baxaya weerar culus oo xalay lagu qaaday Hoteel ku yaalla magaalada
Kabul ee dal Afghanistan.
Dagaalyahanno dhowr ah ayaa galay gudaha hotelka Intercontinental
iyagoo si aan kala sooc lahayn u tooganaayay shaqaalihii hotelkaasi iyo dadkii
martida ahaa ee halkaasi joogay.
Weerarkan ayaa ah mid aad u xooggan marka la eego baaxadda
iyo bartilmaameedkiisuba.
Hoteelkan ayaa
ah mid aad loo ilaaliyo, waxaana uu leeyahay bara koontarooll oo dhowr ah. Ilaa
iyo haddana ma cadda sida ay raggani dableyda ah ugu suurtagashay inay gudaha u
galaan.
Hoteelkan ayaa toddobo sano ka hor waxaa weerar kan la mid ah
ku qaaday mintidiinta Taalibaan, kuwaasi muddo shan saacadood ah ay ciidamada
ammaanka kula dagaalamayay gudaha hoteelka, ka hor inta aan la dilin, waxaana
halkaasi ku dhintay dad ka badan labaatan qof.
C/raxmaan Diini, Hiiraan Online
[email protected]