3/28/2024
Today from Hiiraan Online:  _
Wararka Maanta- Khamiis, Jan 18, 2018
Sheekh Bashiir Axmed Salaad oo faah faahin ka bixiyay shir culima’udiin Soomaaliyeed uga socda Kismaayo

 

Khamiis, Janaayo, 18, 2018 (HOL) – Magaalada Kismaayo waxaa ku shirsan culima’udiin Soomaaliyeed oo maalmihii ugu danbeeyayba halkaa shir ku lahaa, waxaana jiray fasiraado kala duwan oo bulshada Soomaaliyeed shirkaa ka bixinayeen.

Hadaba Sheekh Bashiir Axmed Salaad oo madaxa ka ah hay’adda culimada Soomaaliyeed ayaa beeniyay in shirkaasi yahay mid siyaasadeed, isaga oo sheegay in culima’da Kismaayo isugu tagtay ka wada hadalayaan oo kaliya arrimo wac-yi –galin ah, nabadeynta iyo in dadka laga baarujiyo Qabyaalada.

Sidoo kale wuxuu sheegay Sheekh Bashiir Axmed Salaad shirkan inuusan aheyn midkii koowaad, balse ay jirtay in la soo qabtay marar badan, laguna soo qabtay gudaha dalka iyo dibadiisa.

‘’Isku imaatinkan culima’da ma’aha kii ugu horeeyay, dalka gudihiisa ayaa marar badan lagu qabtay dibadiisa ayaa lagu qabtaa, mid siyaasi ah ma’aha, waa kulamo umadda lagula hadlo laguna wac-yi-galiyo ayuu yiri Sheekh Bashiir Axmed Salaad.

Guddoomiyaha Hay’adda Culimada Soomaaliyeed Sheekh Bashiir Axmed Salaad ayaa VOA-da u sheegay in shirkan looga hadleynin arrimo siyaasadeed, balse diirada lagu saarayo keliya wacyi gelinta bulshada.

C/raxmaan Diini, Hiiraan Online
[email protected]













Click here
1/18/2018 2:16 PM EST
Khamiis, Janaayo, 18, 2018 (HOL) –Kaddib kulan deg deg ah oo ay ku yeesheen degmada Cadaado Waxgarad iyo Odayaal ayaa lagu sheegay in degmada iyo deegaannada ku xeeran laga mamnuucay madaxweynaha Galmudug Axmed Ducaale Geelle Xaaf iyo madaxa-xukuumadda Sheekh Maxamed Shaakir Cali Xassan.

1/18/2018 1:03 PM EST
Khamiis, Janaayo, 18, 2018 (HOL)–Madasha Startup Grind oo ah madal lagu marti-qaado dadka hal abuurka leh ee ku guulaysta ganacsiyada waa weyn ayaa maanta casuuntay Xasan Cali Geesey oo kamid ah mulkiilayaasha mid kamid ah Idaacadaha loogu dhagaysiga badan-yahay magaalada Muqdisho.

1/18/2018 10:37 AM EST
Khamiis, Janaayo, 18, 2018 (HOL) –Gudaha dekedda magaalada Muqdisho ayaa maanta lagu dhax toogtay sarkaal ka tirsanaa ciidamada Badda oo lagu magacaabi jiray Jen. Saciid Aadan Dheere (Saciid Mariino).

1/18/2018 7:43 AM EST
Khamiis, Janaayo, 18, 2018 (HOL)–Kaddib khilaaf muddo dheer soo jiray calanka dowlad gobolleedka Galmudug ayaa maanta si rasmi ah looga taagay xarunta cusub ee madaxtooyada Galmudug ee Dhuusa-Mareeb.

1/18/2018 7:25 AM EST
Khamiis, Janaayo, 18, 2018 (HOL) –Kulanka ay maanta yeesheen gudiga amniga dowlad goboleedka Jubbaland ayaa waxaa shir gudoominayay madaxweyne kuxigeenka 1-aad ee Jubbaland Mudane Max'uud Sayid Aadan, waxaana ka qeybgalay, wasiirro, taliyeyaal iyo saraakiil ciidan.

1/18/2018 7:09 AM EST
Khamiis, Janaayo, 18, 2018 (HOL) – Madaxweynaha dowladda Soomaaliya Maxamed Cabdullaahi Farmaajo ayaa maanta ka qeybgallay munaasabad dowladda Soomaaliya ay kula wareegtay ciidamo horay uga tirsanaa Ahlu Sunna Waljameeca.

1/18/2018 5:45 AM EST
Khamiis, Janaayo, 18, 2018 (HOL) – Guddoomiyaha guddiga dib-u-heshiisiinta Galmudug iyo Ahlu Sunna Cabdisamad Macalin Maxamuud ayaa warbaahinta u sheegay in uu furmay shirweynaha dhimeystirka heshiiska labada dhinac oo maalmihii ugu danbeeyay qaban-qaabadiisa laga waday Dhuusa-Mareeb.

1/18/2018 3:38 AM EST
Khamiis, Janaayo, 18, 2018 (HOL) - Wafdi uu hoggaaminayay Ergeyga Qaramada Midoobey u qaabilsan Soomaaliya Micheal Keating ayaa gaaray magaalada Dhuusamareeb ee Gobolka Galgaduud, halkaasoo ay uga qeyb galayaan Munaasabadda dhameystirka Heshiiska Ahlusuna iyo Galmudug.

1/18/2018 1:46 AM EST
Khamiis, Janaayo, 18, 2018 (HOL)- Edmonton, Alberta. Jaaliyadda Somaliyeed ee ku dhaqan Magaalada Edmonton, Gobolka Alberta ee dalka Canada, ayaa ka qeybqaatay kulamo dhaqaale loogu aruurunayey dhamaystirka waddada isku xirta magaalooyinka Hobyo iyo Gaalkcayo.

1/18/2018 1:31 AM EST
Khamiis, Janaayo, 18, 2018 (HOL) - Wararka ka imanaya gobolka Jubbada hoose ayaa sheegaya in howlgal wada jir ah oo iska kaashanayeen ciidamada Kumaandooska Soomaaliya iyo ciidamo Mareykan ah laga fuliyay deegaan lagu magacaabo Baar Sanguuni oo Kismaayo u jira 45km.

1/18/2018 1:14 AM EST
Khamiis, Janaayo, 18, 2018 (HOL)- Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo kulamo wada tashi kula qaadanaya magaalada Dhuusa-mareeb qeybaha bulshada ayaa ku ammaanay culumada iyo dhallinyarada Gobalka Galguduud dadaalka ay ku bixinayaan nabadda iyo dib u heshiisiinta.

1/18/2018 1:09 AM EST
Khamiis, Janaayo, 18, 2018 (HOL) - Wasiirka Qorsheynta iyo Maalgashiga dowladda Soomaaliya Jamaal Maxamed Xasan oo shalay Muqdisho uga qeyb galay kulan looga hadlayay arrimaha bani’aadanimada ayaa ka sheegay in Dowladda Soomaaliya ay baareyso wararka sheegaya in qoysas si qasab ah xeryihii ay ku noolaayeen loogaga saaray.