Axad, Janaayo, 14, 2018 (HOL ) – Madaxweynaha dowladda Soomaaliya Maxamed
Cabdullaahi Farmaajo maalintii shalay gaaray magaalada Gaalkacyo ayaa la
filayaa in maanta uu kulamo kala duwan la qaato qeybaha bulshada gobolka Mudug
ee labada dhinaca,
Madaxweynaha ayaa shalay ka sheegay
meelfgaaro ah in muddada uu joogo magaalada Gaalkacyo uu ka shaqeyn doono dadaallada dib u heshiisiineed iyo nabadeynta
magaalada oo Dowladda federaalka Soomaaliya ay bilihii u dambeeyay wax badan ka
qabatay.
Waxaa uu kulamo wadatashi ah la
yeelan doonaa masuuliyiinta heer Gobol iyo heer Degmo, duubabka dhaqanka,
ganacsatada, culumada, iyo guud ahaan qeybaha kala duwan ee bulshada.
Madaxweyne Farmaajo ayaa shalay
waxaa u bilowday Safarka dhulka uu ku
tagaayo degaanada Galmudug, waxaana lagu waddaa in uu berri gaaro Magaalada
Cadaado.
C/raxmaan Diini,
Hiiraan Online
[email protected]