Axad, Janaayo, 14, 2018 (HOL ) – Magaalada Dhuusa-mareeb ee xarunta gobolka
Gal-guduud oo maalmaha soo socda la filayo in uu gaaro madaxweynaha Soomaaliya
Maxamed Cabdullaahi Farmaajo ayaa lagu
wadaa in la geeyo ciidamo ka socda howlgalka midowga Africa AMISOM.
Ciidamada ayaa waxay xaqiijin doonaan amaanka magaalada Dhuusa-mareeb ee
gobolka Galgaduud, oo la filayo in ay tagaan wafdiga uu hogaaminayo
madaxweynaha dowladda Soomaaliya.
Cabdisamad Macalin Maxamuud oo k amid ah masuuliyiinta wada qaban qaabada
safarka madaxweynaha ee magaalada Dhuusomareeb ayaa xaqiijiyay in ciidamada ay
yihiin kuwo ka qeyb qaadan doono amaanka magaalada.
“Waa la rajeynayaa in ciidamo ka socdo AMISOM ay yimaadaan halkaan si ay ula
dagaalamaan Al Shabaab, waxey ay tagayaan haraaraha magaalada si amaanka loo
xaqiijiyo”ayuu yiri Cabdisamad.
Madaxweyne Farmaajo oo ku sugan magaalada Gaalkacyo ayaa la filayaa inuu
usii gudbaa magaalooyinka Cadaado, Guriceel, Caabudwaaq iyo magaalada
Dhuusa-mareeb.
C/raxmaan Diini,
Hiiraan Online
[email protected]
