12/13/2018
Today from Hiiraan Online:  _
Wararka Maanta- Sabti, Jan 13, 2018
Madaxweyne Farmaajo : Gaalkacyo waa in ay noqotaa halka ay ka bilaabaneyso dib-u-heshiisiinta Soomaaliya


 


Sabti, Janaayo, 13, 2018 (HOL) –Madaxweynaha dowladda Soomaaliya oo meel fagaaro ah kula hadlayay Kumannaan shacabka reer Gaalkacyo ah ayaa sheegay in socdaalkiisa uu ugu magacdaray ‘’Socdaalkii Dib-u-heshiisiinta Soomaaliyeed’’

Madaxweynaha ayaa gaar ahaan sheegay in uu doonayo in Gaalkacyo noqoto halka ay ka bilaabaneyso dib-u-heshiisiinta Soomaaliya.

Dadkii ka soo qeybgalay soo dhaweynta oo isaga kala yimid guud ahaanba xaafaddaha ay Gaalkacyo ka kooban tahay ayaa ku qeylinayay erayo ay ku soo dhaweynayaan wafdiga uu horkacayo madaxweyne Farmaajo.

Ciidamada labada maamul ayaa sidoo kale si wadajir ah uga qeyb-qaadanayay sugida Amniga magaalada oo muddo dheer soo martay dagaaalo u dhaxeeyay labada maamul Puntland iyo Galmudug.

Berri ayaa lagu wadaa in uu u gudbo madaxweynaha Koofurta Gaalkacyo, halkaasoo la sheegay inuu joogi doono ilaa habeen dambe, ka hor inta uusan Isniinta u ambabixin magaalada Cadaado.

C/raxmaan Diini, Hiiraan Online
[email protected]







Click here
1/13/2018 9:02 AM EST
Sabti,January 13,2018 (HOL)- 12 ka mid ah golaha wasiiradda cusub ee Somaliland ayaa maanta ansixiyeen xildhibaanada golaha Wakiiladda Somaliland, waxaana loo sameeyey jad wal ay saddexda cisho ee soo socda marba koox loo hor keeni doonno golaha.

1/13/2018 8:56 AM EST
Sabti, Janaayo, 13, 2018 (HOL)–Haweenka dalka Sacuudiga ayaa marki ugu horreeysay Jimcihii shalay loo ogolaaday in ay si toos ah garoomada uga daawadaan ciyaaraha kubadda cagta.

1/13/2018 8:46 AM EST
Sabti, Janaayo, 13, 2018 (HOL)–Madaxweynaha Soomaaliya Maxamed Cabdullaahi Farmaajo iyo wafdi uu hoggaaminayo ayaa goor dhaw gaaray magaalada Gaalkacyo ee Gobolka Mudug, halkaasoo si weyn loogu soo dhoweeyay.

1/13/2018 5:57 AM EST
Sabti, Janaayo, 13, 2018 (HOL)–Wararka ka imanaya magaalada Dhuusa-mareeb ee gobolka Galguduud ayaa sheegaya in goor dhaw Xabsiga laga sii daayay guddoomiyaha guddiga doorashada madaxa-bannaan ee heer Qaranka Xaliimo Ismaaciil (Xaliimo Yareey)

1/13/2018 1:14 AM EST
Sabti, Janaayo, 13, 2018 (HOL)–Magaalooyinka Toronto iyo Ottawa ee dalka Canada ayaa lagu qabtay kulan ballaaran oo ay ka soo qeybgalleen Jaaliyada Soomaaliyeed ee ku dhaqan labadaasi magaalo oo dhaqaale loogu Uruurinayay dib-u-dhiska Waddada isku xirta magaalooyinka Gaalkacyo iyo Hobyo.

1/13/2018 1:08 AM EST
Sabti, Janaayo, 13, 2018 (HOL)– Midowga Afrika ayaa ugu baaqay Madaxweyne Donald Trump inuu ka laabto hadal gaf ahaa oo la sheegay inuu u adeegsaday wadammada Afrika islamarkaana uu raaligelin hadalkaasi ka bixiyo.

1/13/2018 12:25 AM EST
Sabti, Janaayo, 13, 2018 (HOL)–Madaxweynaha dowladda Soomaaliya Maxamed Cabdullaahi Farmaajo ayaa si buuxda u sheegay in dowladdau ku guuleystay in Boqollaal Soomaali ah laga sii daayo Xabsiyada dalka Indin, dhawaanna la filayo in ay dalka dib ugu soo laabtaan.

1/13/2018 12:14 AM EST
Sabti, Janaayo, 13, 2018 (HOL)-Madaxweynaha Soomaaliya Maxamed Cabdullahi Farmaajo oo ku sugan magaalada Boosaaso ee xarunta Gobolka Bari ayaa kulamo gaar-gaar ah la yeeshay hoggaanka dhaqanka iyo Ganacsatada Gobolka.

1/13/2018 12:06 AM EST
Sabti, Janaayo, 13, 2018 (HOL) –Madaxweynaha dowladda Soomaaliya Maxamed Cabdullaahi Farmaajo oo ka hadlayay munaasabad sagootin ah oo loogu sameeyay magaalada Boosaaso ayaa soo hadal qaaday is qabqabsiga siyaasadeed ee dalka ka jira.